# မကောင်းမှုအကုသိုလ်ကံရဲ့ ၀ဋ်ကြွေး #

သူငယ်ချင်းတို့ရေ လူဆိုတာက အမှားနဲ့မကင်းကြဖူးလေ..နောက်လူတွေတိုင်းက မကဲ့ရဲ့ဘဲ နေတက်ကြသူတွေချည်းမဟုတ်လေတော့..သူတစ်ပါးကိုအပြစ်တင် ကဲ့ရဲ့လို့ဖြစ်ပေါ်လာတတ် တဲ့ “ ၀ဋ်ကြွေး” တွေကနေဘယ်လိုလွတ်မြောက်အောင်နေကြရမလဲဆိုတာကို ဖတ်ရှုလေ့လာ နိုင်ကြပါစေ။

အနှိုင်းမဲ့သော ဗုဒ္ဓမြတ်စွာဟာ ဘုရားမဖြစ်ခင်း အလောင်းတော်ဘ၀မှာ၊ မကောာင်းမှုအကု သလိုလ်ကံတွေ ပြုခဲ့မိတယ်။ အဲသည်ကံတွေကနေ ၀ဋ်ကြွေးတွေတင်ပြီး အလှည့်ကျတော့ နွဲ့မရဘဲ ပြန်ဆပ်ရတယ်၊ မရှောင်နိုင်မတိမ်းနိုင် ခံရရှာတယ်။ ကံဝဋ်ကြွေးဝိပါက်တော် ဆယ့်နှစ် ရပ်ရှိတယ်။ အဲသည်ဝဋ်ကြွေး ၀ိပါက်တော်ဆယ့်နှစ်ရပ်ကို(ညောင့်လွန့် အရှင်သောဘိတာစာရ၊ ဦးရိပ်သာဆရာတော်ဘုရားကြီး)က အမေးအဖြေ ကဗျာလင်္ကာ ရေးသားပြုစုတယ်။ အနှိုင်းမဲ့ ဗုဒ္ဓမြတ်စွာရဲ့ ၀ဋ်ကြွေးဝိပါတ် ဆယ့်နှစ်ရပ်ကတော့...

* ပထမ၀ဋ်ကြွေးဝိပါက်တော် *
မေး။ ။
တိတ္ထိစေခိုင်း၊ ရိုင်းစိုင်းမလျှော
သုန္ဒရီမိုက်၊ စွဲလိုက်လေသော်
ဘုရားကိုပဲ၊ ရှက်ခွဲသနော်
မှတ်သားရေး၊ ဘယ်ရှေးဝိပါက်တော်။

ဖြေ။ ။
မုနာဋ္ဌိဟုမည်ရှိလောင်းတော်
အရက်သမား၊ သောက်စားအကျော်
ရှင်ပစ္စေက၊ ဗုဒ္ဓမြင်သော်
သီလပျက် စွဲချက်ဝိပါက်နော်။

ပထမကံဝဋ်ကြွေးဝိပါက်တော်ဟာ သေရည် အရက်ချိုပြင်းလေး သောက်စားမှုးယစ်ပြီး မ ကောင်းမှု အကုသိုလ်ဝစီကံ ပြုမိခဲ့တာပါပဲ။ နှုတ်လျှာကို မထိန်းသိမ်းနိုင်ဘဲ ပြောမိတော့ သံသရာမှာ တစ်ပြန်တစ်ခါ ပြန်ခံရလေတယ်။

* ဒုတိယ၀ဋ်ကြွေးဝိပါတ်တော် *
မေး။ ။
စိဉ္စမာန်၊ အလှအကျော်
ကိုယ်ဝန်ဟန်ထား၊ သစ်သားကိုနော်
ဘုရားကိုပဲ၊ ရှက်ခွဲလိုသော်
စွပ်စွဲရေး၊ ဘယ်ရှေးဝိပါက်တော်။

ဖြေ။ ။
သောက်စားလွန်ကြူး၊ ယစ်မှုးအကျော်
သေသောက်သမား၊ ဖြစ်ငြားလေသော်
ရဟန္တာမြတ်၊ ဆွမ်းရပ်လာသော်
ကျင့်ယုတ်မွဲ၊ စွပ်စွဲဝိပါက်နော်။

ဒုတိယ၀ဋ်ကြွေးဝိပါက်လည်း သောက်တော်ဗူးရယ်က အိုမကွာ...အိုမကွာ ဖြစ်ခဲ့လို့ပဲ။ မှုးယစ်ဖောက်ပြန် ၀စီကံအပြစ်။ ပထမ၀ဋ်ကြွေးလိုပဲ ဖြစ်တယ်။
စာရေးသူဟာ သည်“မမြင်ရသောကံ၊ မြင်ရသောကံ”စာမှုကို ပြုစုရေးနေခိုက်။ ပထမ၀ဋ်ကြွေး၊ ဒုတိယ၀ဋ်ကြွေးကို စဉ်းစားဝေဖန်မိရင်းက အနောက်တိုင်းတွေးခေါ်ပညာရှင် ဒေါက်တာဂျီအို လော်လီရဲ့ သေရည်နဲ့ ပတ်သက်တဲ့ အဆိုအမိန်ပကို သတိပြန်ရမိခဲ့တယ်။
“အရက်သမားဟာ ကာယနဲ့စိတ်ဓာတ် နှစ်တန်းစလုံးဟာ ငယ်မှုပြန်သူဖြစ်သတဲ့၊ အရက်သမား ရဲ့ အသိဥာဏ်နဲ့ ခန္ဓာအာရုံများဟာ အသဲမကွဲဖြစ်လာတယ်၊ အထိန်းလိုလာတယ်လိုိ့ ဆိုပါ တယ်”

* တတိယ၀ဋ်ကြွေးဝိပါတ်တော် *
မေး။ ။
သုန္ဒရီအား၊ သတ်ထားပြီးသော်
တိတ္ထိအပေါင်း၊ မကောင်းကြွေးကြော်
တပည့်များနှင့်၊ ဘုရားအပေါ်
စွပ်စွဲရေး၊ ဘယ်ရှေးဝိပါတက်တော်။

ဖြေ။ ။
လောင်းတော်ရသေ့၊ ပျော်မွေ့ကျောင်းတော်
ရသေ့တစ်ဦး၊ ဈာန်မြူးလာသော်
တပည့်များနှင့်၊ ရွှင်အားမာန်မော်
အကျင့်ယုတ်၊ ဖွင့်ထုတ်ဆိုမှုနော်။

တတိယကံဝဋ်ကြွေးကလည်း နှုတ်ခမ်းတော်က ထုတ်ဖော်မိတဲ့ ၀စီကံ၊ ကိုယ့်ဝစီကံ ကိုယ့်ဆီ ပြန်လာတာဖြစ်တယ်။

* စတုတ္ထ၀ိပါက်တော် *
မေး။ ။
ဝေဘာတောင်စောင်း၊ ကျောက်မောင်းဆင်ကာ
ဒေ၀ဒတ်မိုက်၊ ချလိုက်မှန်စွာ
ခြေမတော်ဖျား၊ ထိငြားကျောက်လွှာ
မှတ်သားရေး၊ ဘယ်ရှေးဝဋ်တော်ပါ။

ဖြေ။ ။
အလောင်းတော်မြတ်၊ ဖြစ်လတ်သူကြွယ်
အစ်ကိုညိလေး၊ ရှိရေးတစ်သွယ်
ညီကိုလှည့်ဖြား၊ ခေါ်သွားကာဝယ်
ကျောက်ဖိသတ်၊ ပြုအပ်ရှေးဝဋ်လည်။

စတုတ္ထကံဟောင်းဝဋ်ကြွေးက ကာယကံမြောက်ဝဋ်ကြွေဖြစ်တယ်။ ကိုယ့်ကာယကံ ကိုယ့်ဆီ ပြန်တယ်။ မပြန်ဘူး မရှိဘူး။

* ပဉ္စမ၀ိပါက်တော် *
မေး။ ။
ဂိဇ္စကုတ်တောင်စောင်း၊ ကိန်းအောင်းမွေ့လျော်
ရှင်တော်ဘုရား၊ နေငြားခါသော်
ဒေ၀ဒတ်မိုက်၊ စေလိုက်သနော်
လေးနဲ့ပစ်၊ ရှေးဖြစ်ဘယ်ဝဋ်တော်။

ဖြေ။ ။
သူငယ်ဖြစ်ခိုက်၊ လမ်း၌ရွှင်ပျော်
ရှင်ပစ္စေက၊ ဝေးမှမြင်သော်
ကျောက်ခဲကောက်လို့၊ ပေါက်လိုက်သနော်
မှတ်သားရ၊ ရှေးကဤ၀ဋ်တော်။

ကံဝဋ်ကြွေး၊ မကောင်းမှုအကုသိုလ်ကံဟာ ပြုမိပြီးရင်၊ ငယ်သည်ဖြစ်စေ၊ ကြီးသည်ဖြစ်စေ သက်ရောက်ခဲ့မှုကြောင့် တန်ပြန်သက်ရောက်မှုကို သံသရာမှ တစ်ပြန်တစ်ခါခံရမှာ ဖြစ်တော့ တယ်။

* ဆဌမ၀ိပါက်တော် *
မေး။ ။
ဆွမ်းခံအကြွ၊ ဇိနဘုန်းမော်
ဒေ၀ဒတ်မိုက်၊ ကြံလိုက်သနော်
ဆင်အရက်တိုက်၊ လွှတ်လိုက်ပြန်သော်
ဆင်နှင့်တိုက်၊ ကြုံကြိုက်ဘယ်ဝဋ်တော်။

ဖြေ။ ။
ဆင်ထိန်းဆင်ကျောင်း၊ အလောင်းဖြစ်ခါ
ရှင်ပစ္စေက၊ လမ်းမှာဆုံရာ
ဒေါသထွက်လို့၊ ရက်စက်မှားကာ
ဆင်နှင့်တိုက်၊ မှတ်လိုက်ဤ၀ဋ်ပါ။

အကုသိုလ်ကံ၊ အကုသိုလ်ကံဆိုတာ တူညီသော အကျိုးပေးတတ်ပါတယ်၊ ဆင်နှင့်ဆင်တူညီ သည်။

* သတ္တမ၀ိပါက်တော် *
မေး။ ။
ကိုက်ခဲလွန်ဘိ၊ ကျောက်ထိခြေတော်
ကျင်နာခံခက်၊ ကျိန်းစက်မပျော်
ဇီဝကယက၊ ကုသပြန်သော်
ဓားခွဲရ၊ ရှေးကဘယ်ဝဋ်တော်

ဖြေ။ ။
အလောင်းတော်မြတ်၊ မင်းဖြစ်လတ်သော်
မှုးယစ်သောက်စား၊ ဖောက်ပြားကာနော်
ထိုးခုတ်လူသတ်၊ ဖြစ်လတ်မလျော်
ဓားဒဏ်ချက်၊ ဆက်လက်ဝိပါတ်တော်။

ကံဝဋ်ကြွေးဝိပါက်၊ ဆယ့်နှစ်ရပ်ထဲက သတ္တမမြောက်ကလည်း သေရည်အရက် စုံမက်ခဲ့လို့ဖြစ် တယ်၊ သောက်စားဖောက်ပြားတော့ ကာယကံမြောက် မှောက်မှားမိခဲ့တော့တယ်။ အရက်က အသက်သတ်တဲ့အထိ ရက်စက်တတ်တယ်။

* အဌမ၀ိပါက်တော် *
မေး။ ။
သုံးလူ့ထွဋ်ဖူး၊ မြိုက်မှူးသျှောင်ကေ
ရံဖန်ခါလဲ၊ ခေါင်းခဲပလေ
ရှေးက၀ဋ်မို့၊ မလွတ်တုံချေ
ဘယ်ကံဟောင်း၊ ပြန်ပြောင်းဖော်ထုတ်ဖြေ။

ဖြေ။ ။
ရှေးကံဆိုးလို့၊ အမျိုးတံငါ
အလောင်းတော်မြတ်၊ ဖြစ်လတ်သောခါ
ငါးတို့ဦးခေါင်း၊ ထုထောင်းမြင်ရာ
ဝမ်းမြောက်မိလိုက်၊ ဘိဝိပါက်ပါ။

အဌမ၀ိပါက်က မနောကံမကောင်းမှု အကုသိုလ်ဖြစ်တယ်။ ကိုယ့်မနောကံ ကိုယ့်ဆီပြန်အမှန်ခံ ရတယ်။

* န၀မ၀ိပါက်တော် *
မေး။ ။
ဝေရဉ္စာဟု။ ခေါ်ပြုအကျော်
ဝါတော်ကပ်တော့၊ မာရ်နတ်နှောက်သော်
မုယောမုန့်ဆွမ်း၊ ကြမ်းကြမ်းထော်ထော်
ဘုဉ်းပေးရ၊ ရှေးကဘယ်ဝဋ်တော်။

ဖြေ။ ။
မျိုးဇာတ်ဦး၊ ထွဋ်မှူးဖြစ်ခါ
ရဟန်းအများ၊ ဆွမ်းစားနေရာ
ဆွမ်းကြမ်းစားဟု၊ ပြစ်မှားမှန်စွာ
ဝစီမြွက်၊ ၀ိပါကအမှန်ပါ။

ကံ (၃)ပါးရှိရာမှာ၊ မနောကံကထင်ရာကို တွေးမိရာကို ၀စီကံက ထွက်တတ်ပါတယ်။ ၀စီကံအပြစ် လွယ်လွယ်ဖြစ်တော့ ၀ဋ်ကြွေးထိတော့တယ်။

* ဒသမ၀ိပါက်တော် *
မေး။ ။
ဆဒ္ဒန်ဆယ်စီး၊ အားကြီးလျှင်မြန်
ဝမ်းတော်လားသို့၊ ရွှေအားမသန်
အင်ကြင်းပင်ကြား၊ ကြွသွားနိဗ္ဗာန်
ဘယ်အကြောင်း၊ ကံဟောင်းထုန်လို့ပြန်။

ဖြေ။ ။
ရောဂါကုစား၊ သမားဥာဏ်ကျယ်
သူဋ္ဌေးးသားအား၊ ဆေးဝါးကုတယ်
ခ မပေးလို့၊ ဟိုရှေးဘုန်းကြွယ်
ဝမ်းလားဆေးတိုက်၊ ကြွေးဝိပါက်လည်။

* ဒွါဒသမ၀ိပါက်တော် *
မေး။ ။
ဥရုဝေဠ၊ တောဝမြိုင်ခွင်
ခြောက်နှစ်ပတ်လုံး၊ ကျင့်သုံးအရှင်
ပိန်ကာခြုံးလို့၊ မပြုံးမရွှင်
ပင်ပန်းလှ၊ ရှေးကဘယ်ဝဋ်ထင်။

ဖြေ။ ။
ကာဿပဖျား၊ ထင်ရှားပွင့်စဉ်
ဇောတိပါလ။ နာမကျော်ထင်
ပုဏ္ဏားမာန်ကြွ၊ ဗုဒ္ဓကိုပင်
ဝစီမြွက်၊ ၀ိပါက်ရှေးဟောင်းပင်။

# သတိပေးပုံ #
ဝိပါက်ရောက်ရေး၊ ကြောက်သွေးတုန်ဖွယ်
ဘုရားသော်လည်း၊ ရှောင်လွှဲမလွယ်
တွေ့ကြုံမြဲမို့၊ တ၀ဲဝဲလည်လည်
မလွတ်သေး ၀ဋ်ကြွေးခက်လှတယ်
သတိပေး၊ ၀ဋ်ကြွေးစင်ဖို့ကွယ်။