# ကိုယ့်ကံကိုယ်သာဖန်တီး #

* ကိုယ့်ကံကို ဘယ်သူကမှ လာဖန်တီးတာ မဟုတ်ပါဘူး။ ကိုယ့်ကံကိုသာ ဖန်တီးတာ။ ကိုယ် ဖန်တီးတာ ကိုယ်မသိခဲ့တာ ဖြစ်လိမ့်မယ်။
ကောင်းကံလည်း အကြောင်းကံအားလျော်စွာ ဖြစ်တယ်။ ဆိုးကံလည်း အကြောင်းကံအား လျော်စွာဖြစ်တယ်။ အကြောင်းမရှိဘဲ မဖြစ်တတ်ပါဘူး။ အကြောင်းရှိလို့ အကျိုဖြစ်တာပါ။
ကံနှင့်ကံရဲ့ အကျိုးဟာ ကိုယ်မှန်ကိုယ်စံ၊ ကိုယ်ဖြစ်ကိုယ်ခံ၊ ဘယ်သူမှ ကြားဝင်ခံလို့ မရဘူး။ ကယ်သူရှိတယ် ဆိုရင်တောင်မှ ကိုယ့်အကြွေး၊ ကိုယ့်အပြစ်က မကြေသေးရင် ကယ်လို့မရ ဘူး။ တောင်တန်းသာသနာပြု ဆရာတော်ဘုရားကြီး ဦိးဥတ္တမသာရ မိန့်ဆိုဆုံးမခဲ့တာက...
“ကံတရားကို မယုံကြည်၍ မဖြစ်ပါ။ ကံ၏သဘာဝကို ယုံသူဖြစ်စေ၊ မယုံသူဖြစ်စေ အကျိုးပေးထိုက်သော အချိန်ရောက်လျှင် အကျိုးပေးခြင်းခံကြရ၊ စံကြရသည်မှာ ဧကန်မလွဲ ဖြစ်တယ်။
လူအများက ဘယ်သူဟာကံကောင်းတယ်၊ ဘယ်သူဟာကံဆိုးတယ် ပြောဆိုလေ့ရှိကြတယ်။
ကံဆိုးခြင်း၊ ကံကောင်းခြင်းကို ဘယ်သူကမှ လာရောက်ဖန်တီးပေးခြင်း မဟုတ်ဘူး။ ကိုယ့်ကံ ကိုယ်သာလျှင် ဖြတ်တီးကြခြင်းဖြစ်တယ်”လို့ မိန့်ဆိုဆုံးမခဲ့ပါတယ်။
လူမဟန်ကံချဆိုတာ မှားပါတယ်။ ကံကိုပုံချလို့ မရပါဘူး။ လူက မဟန်လို့ ကံကချတာပါ။ ချသင့်လို့ချတာပါ။ မာန်မထအောင် ကံကချတာပါ။ ကံက မပြောချင်လို့ ကြည့်နေတာ ကြာပြီဆိုတာကို မသိရှာကြဘူး။
ကံဆိုတာ မြင်တဲ့အခါမြင့်၊ နိမ့်တဲ့အခါနိမ့်တယ်၊ ငှက်ခါးပျံသလိုပဲ၊ မြင့်တဲ့အခါမြင့်၊ နိမ့်တဲ့အခါ နိမ့်တာလည်း ကိုယ်ကဖန်တီးတာပဲ။ မျက်မှောက်ဘ၀မှာ ဖန်တီးတာ၊ သံသရာမှာ ဖတ်တီးခဲ့ တာတွေကြောင့် ဖြစ်ပါတယ်။ အနှိုင်းမဲ့သော ဗုဒ္ဓမြတ်စွာဘုရားတောင်မှ ဘုရားဖြစ်ပြီးနောက်မှာ အလောင်းတော်ဘ၀ဟောင်းက ပြုခဲ့မိတဲ့မကောင်းမှုအကုသိုလ်တွေ ဖန်တီးခဲ့မိတဲ့ အမှားတွေ ကြောင့် ၀ဋ်ကြွေးတော်ဝိပါတ်တော် (၁၂) ပါး ခံရရှာတယ်။ ဘုရားတောင်မှ ရှောင်လွှဲမလွယ် ဘူး။
ကိုယ့်ကံ ကိုယ်သာဖန်တီးတာ၊ ဘယ်သူမပြု မိမိမှုပဲ။ မိမိဖန်တီးခဲ့တဲ့ အမှုကို မိမိပဲတာဝန်ယူရ တယ်။
သုတေသီ ဘုန်းမြင့်သွေး