glitter-graphics.com
အစ်ကိုက "ကြယ်စင်"
ညီမလေးက "လမင်း "
"လမင်း"နဲ့ အနီးဆုံးမှာရှိနေခဲ့တဲ့
"ကြယ်စင်လေး" အစ်ကိုရေ
သတိရမိပါရဲ့။
ဘာတွေလုပ်နေ ဘယ်တွေပျောက်နေပါလိမ့်
"လမင်းလေး"ဘေး "ကြယ်လေး" မရှိတော့မှ
တစ်ခုခုခံစားနေရ သလိုဘဲ
"လပြည့်ည"တွေမှာ မာနတွေတက်
အနားမှာရှိနေတဲ "ကြယ်စင်လေး" ကို
သတိမရ ဂရုမစိုက်မိခဲ့ပေါ့နော်။
"ကြယ်စင်လေး" ရယ်..
"လမင်းလေး" ပျော်နေခိုက် "လပြည့်ည" တွေဝယ်
ပုန်းလျှိုကွယ်ပျောက်နေခဲ့ပေမယ့်
"လမိုက်ည" တွေဝယ် "အမှောင်တွေ"ဖုံးနေခိုက်
မှိတ်တုတ်မှိတ်တုတ် ရှိသမျှအလင်းလေးတွေနဲ့
အလင်းပေးရန်သူ ပေါ်လာပြန်တယ်။
တစ်ကယ်တော့...
"ကြယ်စင်လေး" ဟာ လမင်းလေး တွက်
"အနိူင်းမဲ့" သော မေတ္တာအလင်းတွေနဲ့
"ထာဝရ "အားပေးဖော် တစ်ယောက်ပါ။
လူတွေတင်စား သီဆိုထားခဲ့တဲ့
"အနိူင်းမဲ့" သီချင်းစာသားလေးတွေဟာ
"ကြယ်စင်လေး" အစ်ကို့ကို
ရည်ရွယ်တင်စားထားတာထင်ပါရဲ့။
တစ်ကယ်ဆို...
"လမင်းလေး" ဟာပူလောင်မှုတွေကိုသာ
"ထာဝရ" ဖြန့်ကျက်ပေးနေတဲ့
"နေမင်း" ရဲ့" အလင်းရောင်"တွေကိုသာ
တမ်းတနေမိခဲ့သူပါ။
ခုများတော့လေ...
မတွေ့တာကြာ သူပေါ်မလာ ဝေးကွာသွားမှ
စိတ်ညစ် ၀မ်းနည်းဖွယ်ရာ "လမိုက်ည"တွေရောက်မှ
အေးမြလှတဲ့ အလင်းရောင်တွေကို
ပြန်လည်တောင်းတနေမိပါရဲ့။
ခုချိန်မှာတော့...
"ကြယ်စင်လေး" မရှိတဲ့ ညတွေဟာ
အင်မတန်မှ မှောင်မှိက်နေခဲ့ရသလို
"လမင်းလေး "နားကိုပြန်ပေါ်လာပါတော့လား
"ကြယ်စင်လေး"ရေ
မင်းထက်ပိုသော" အလင်းရောင်"လေးတွေပြန်ပေးဖို့
"လမင်းလေး" စောင့်နေလျှက်ပါ။
No comments:
Post a Comment