ယောက်ျားလေးများလည်း လှပဖို့ လိုပါတယ်

အရင်တစ်ခါက အလှပြင်တဲ့အခါ သတိထားဖို့အချက်တွေကို လှစေချင်တဲ့ စေတနာနဲ့ ရေးခဲ့ ရာမှာ မိန်းခလေးများအတွက် သက်သက်ရေးသလိုမျိုး ဖြစ်သွားပါတယ်။ နှင်းကတော့ ယော် က်ျားလေး ၊ အစ်ကို ၊ မောင်လေးများ အတွက်လည်း ရေးစရာကလေးများ ရှိပါတယ်။ အခု ခေတ်မှာ မိန်းမရယ် ယောက်ျားရယ်လို့ နေရာတကာမှာ မခွဲခြားတော့ပေမယ့် နှင်းတို့ မြန်မာ များကတော့ ဘယ်လိုကိုးကွယ်ယုံကြည်မှုကို လက်ခံသည်ဖြစ်စေ ယောက်ျားလေးများကို ဦး စားပေးပြီး ဆက်ဆံတတ်ပါတယ်။ သူ့ခေတ်နဲ့သူ ခေတ်မီတဲ့အတွေးများနဲ့ စကားပြောတတ်တဲ့ နှင်းတို့ အိမ်နားက အဒေါ်ကြီးတစ်ယောက်ကတော့ ပြောပြဖူးတာက သားမွေးလာတော့ ငါ့မှာ သားရှိတယ်ဆိုပြီး အားတက်မိတယ်တဲ့။ သုံးလေးနှစ်အရွယ် သားကလေးနဲ့အတူ ညဘက်မှာ မိသာစုတန်းပြီး အိပ်နေကြတုန်း ချိုးချိုးချွတ်ချွတ် အသံကြားတဲ့အခါများ သေးကွေးတဲ့ ခြေထောက်ကလေးကို ဆောင့်ပြီး“ဟေ့ ဒူတုံးကွ” လို့ မေးတာကို ကြားတဲ့အခါ ရုတ်တရက် ပျော်ရွှင်စိတ်နဲ့ ရယ်မောရင်းက အားတက်လာသတဲ့။
အင်မတန်ငယ်တဲ့အချိန်ကတည်းက ယောက်ျားကလေးများအပေါ်မှာ မျှော်လင့်ချက်ထားပုံက မြင့်မားသလို သမီးမိန်းကလေးများအပေါ်မှာ မျှော်လင့်ချက်ထားပုံက သိပ်သည်းလှတယ်ဆို တော့သားကိုပဲဖြစ်ဖြစ် သမီးကိုပဲဖြစ်ဖြစ် ကောင်းစွာမွေးမြူခဲ့ကြပါတယ်။ မောင်နှမနှစ်ယောက် မှာ မောင်လေးကို ပိုပြီး အားကိုးတယ်ဆိုပြီး စိတ်လည်းမဆိုးရပါဘူး။ စိတ်လည်း မငယ်ရပါဘူး။ ကြီးလာတော့ ကိုယ့်မောင်လေးက ကြောက်တတ်တယ်။ တစ်ခုခုဖြစ်ရင် ကိုယ်ကပဲ ရန်တွေ့ ရမယ်ဆိုတာ သိထားပေမယ့် မောင်နှမနှစ်ယောက အတူတူသွားရင် တင့်တယ်တယ်ဆိုတဲ့ အသိလည်း ရှိထားပါတယ်။
အဲသည်လို ယောက်ျားလေးများကို မြင့်မားစွာတန်ဖိုးထားတတ်တဲ့ မျှော်လင့်ချက်ကြီးကြီးထား တတ်တဲ့ လူမှုအဖွဲ့အစည်းထဲမှာ ယောက်ျားကလေးများဟာ မိမိတို့နဲ့ထိုက်တန်တဲ့နေရာကို မိမိတို့ထိန်းထားဖိုိ့ လိုအပ်ပါတယ်။ စိတ်နေသဘောအရ တည်ကြည်ဖြောင့်မတ်ရမယ်။ စာ နာတဲ့အခါမှာ ကိုယ်ချင်းစာရုံသာမက မိန်းကလေး မိန်မငယ်များးကို နှမချင်း စာနာနိုင်ရပါမယ်။ ငါ့နှမကလေးကို တစ်ယောက်ယောက်က မထီမဲ့မြင် ပြောဆိုပြုမှုနေရင် ငါခံနိုင်ပါ့မလားဆိုတဲ့ ကိုယ်ချင်းစာစိတ်မျိုးနဲ့ စာနာထောက်ထားနိုင်ရပါမယ်။ အရွယ်အိုမင်းတဲ့ အမျိုးသမီးကြီးများ ကိုလည်း အမေချင်း စာနာနိုင်ရပါမယ်။ အဲသည်လို စိတ်ထားကိုက မြင့်မြင့်မြတ်မြတ်နဲ့ ရှိရမှာဖြစ်သလို တည်ကြည်သိပ်သည်းတဲ့စိတ်လည်း ရှိရမှာဖြစ်ပါတယ်။
ယောက်ျားလေးများရဲ့ အလှအပဆိုတာက လူသားများ လှသလို လှပဖို့ လိုအပ်တာဖြစ်ပါ တယ်။ ကျေးငှက်ကလေးများကအစ တိရစ္ဆာန်လောကမှာ အဖိုများးက ပိုပြီးလှပပါတယ်တဲ့။ ဘာဖြစ်လို့လဲဆိုတော့ အမများးက စိတ်ဝင်စားလောက်အောင် ညှို့ယူနိုင်ဖို့ဖြစ်ပါသတဲ့။ လူသားယောက်ျားကလေးများ အတွက်ကတော့ မိန်းကလေးဆန်ဆန် မလှပသင့်ပါဘူး။ မြင် တာနဲ့ လေးစားအားကိုးထိုက်တဲ့ တည်ကြည်ဖြောင့်မှန်တဲ့ ဦးဆောင်နိုင်တဲ့ အရည်အသွေးရှိ တဲ့သူများ ဖြစ်သင့်ပါတယ်။ ယောက်ျားကလေးများလည်း ကလေးဘ၀တုန်းကတော့ မမတို့ နှမလေးတိုိ့နဲ့မခြား မေမေ့သား ဖေဖေ့သား ဘ၀က စခဲ့တာပါပဲ။ ကလေးပီပီ မှီခိုခဲ့တာပါပဲ။ သို့ပေမဲ့ မိသားစုထဲမှာ သားယောက်ျားကလေးများကို အစောပိုင်းကတည်းက သီးသန့်သွန် သင်တဲ့စကားကလေးတွေ စည်းမျဉ်းစည်းကမ်းကလေးတွေ ရှိပါတယ်။ သားက ယောက်ျားက လေးလေ၊ မမတို့လိုမဟုတ်ဘူး။ ကြီးလာတာနဲ့ သားကိုအားကိုးကြရမှာ။ အဲသည်တော့ သားက စိတ်ဓာတ်အနေနဲ့လည်း ကြံ့ခိုင်မှပေါ့။ ပြီးတော့ သားက ပျင်းနေလို့ မဖြစ်ဘူးလေ။ သားဆိုတာ မိသားစုထဲမှာ ဦးဆောင်တဲ့နေရာကို ပခုံးပြောင်းပြီး ယူရမှာစတဲ့ တည်နေရာကို သတ်မှတ်တဲ့စကားကလေးများနဲ့ ထိန်းကျော်ငးပေးခြင်းကို ခံရတဲ့သူဖြစ်ရင် အစောကြီးက တည်းက သားယောက်ျားကလေးများဟာ ကြံ့ခိုင်တဲ့သူများ ဖြစ်လာနိုင်ပါတယ်။ နို့မဟုတ်ရင် ယောက်ျားကလေးဆိုတာ အခွင့်ထူးခံစားဖို့ပဲ၊ တာဝန်မရှိဘူးလို့ အောက်မေ့ပြီး မိန်းမများထက် မိန်းမဆန်တဲ့သူဖြစ်သွားရင် လေးစားစရာ ချစ်ခင်စရာမကောင်းဘဲ ဖြစ်သွားနိုင်ပါတယ်။
အခုပဲ နှင်းပြောပြခဲ့တဲ့ ယောက်ျားကလေးများအတွက် အလှတရားဟာ ကြံ့ခိုင်တဲ့စိတ် ကြံ့ခိုင်တဲ့ကိုယ်ခန္ဓာ ဖြစ်သင့်ပါတယ်။ ယောက်ျားကလေးပီပီ တည်ကြည်လေးနက်တဲ့အသွင် ကိုဆာင်ထားရင် အားလုံးက နှစ်ခြိုက်သဘောကျတတ်ကြပါတယ်။ အရွယ်ကြီးသူ ဘဘများ၊ ကြီးကြီးများ၊ ဘွားဘွားများက သူငယ်ကလေးက ယောက်ျားပီပီသသနဲ့ တည်တည်ကြည် ကြည်ကလေး၊ ပြီးတော့ သိပ်ရည်မွန်တာပဲ၊ သူ့အဖေအမေများက မွေမြူတတ်လိုက်တာနော် လို့ အမိအဘမျာကိုတောင်မှ မုဒိတာပွားသွားတတ်ပါတယ်။ နှင်းတို့ ရုပ်ရှင်သရုပ်ဆောင်များ ထဲမှာ တချို့အမျိုးသားကလေးများဟာ မချောပါဘူး။ သို့ပေမဲ့ သိပ်ကြည့်ကောင်းတာ ရှိပါတယ်။ ဘာဖြစ်လို့လဲဆိုတော့ ယောက်ျားသားများမှာ ရှိရမယ့်ကြံ့ခိုင်ခြင်း၊ တည်ကြည်ခြင်း၊ ရည်မွန်ခြင်းတို့နဲ့ ပြည့်စုံလို့ပဲ ဖြစ်ပါတယ်။
အဲသည်တော့ သားကလေး၊ ယောက်ျားလေးများစာ ကုသိုလ်ကံကောင်းတဲ့ အတွက် ယောက်ျားဘ၀ကိုရခဲ့ပြီ။ ရလာတဲ့အခွင့်အရေးကို ကောင်းစွာ အသုံးချပြီး မိမိစိတ်ကို အရင်အလှပြင်စေချင်ပါတယ်။ မိမိရဲ့မိသားစုအတွက် အရတော်တဲ့သားဖြစ်အောင် ကြိုးစား စေချင်ပါတယ်။ မိမိတို့ မိသားစုသာမက မိမိတို့နေထိုင်ရာ ပတ်ဝန်းကျင်မှာလည်း လူတော်က လေးတစ်ယောက်အဖြစ် အချင်းချင်းက လေးစားချစ်ခင်သလို ငယ်ရွယ်သူ ညီကလေးများ နှမကလေးများကလည်း မော့ကြည့်ရမယ့်သူတစ်ယောက ဖြစ်လာစေချင်ပါတယ်။ အဲသည်လို ဖြစ်အောင် အ၀တ်အစားတွေ အခြားသောပစ္စည်းမစ္စယတွေနဲ့ အလှပြင်မှ မဟုတ်ပါဘူး။
အဘယ်လောက်ပဲ ကောင်းတဲ့အ၀တ်အစားကို ၀တ်ဆင်ပြိး အဆင်တန်ဆာများကို သယ် ဆောင်လာတဲ့သူဆိုရင်တော့ မိသားစုအတွက်ကလည်းပြဿနာများကို သယ်ဆောင်လာတဲ့သူ ဆိုရင်တော့ မိသားစုအတွက်ကလည်း ပြဿနာကောင်ဖြစ်လိုိ့ စိတ်ဆင်းရဲသလို ပတ်ဝန်းကျင်ကလည်း မတတ်သာလိုိ့သာ စကားပြောကြမှာ ဖြစ်ပါတယ်။ စကားမပြောဘဲ နေလို့ဖြစ်ရင် မပြောဘဲ ရှောင်ကြဉ်ကြမှာ ဖြစ်ပါတယ်။ သို့ပေမယ့်အဲသည်လို သောက်သောက် စားစားလူ့မင်းသားကလေးများမှာလည်း ပေါင်းသင်းဆက်ဆံတဲ့သူများ မရှားကြပါဘူး။ ကပ် သောက်မယ့်သူ မြှောက်ပင့်ပြီး စားသောက်မယ့်သူတွေ ရှိတာပေါ့။ ကိုယ်က မကျွေးမွေးနိုင် တော့တဲ့အချိန်ကျရင် အဲသည်လို ကော်နဲ့ကပ်ထားသလားလို့ ထင်ရလောက်အောင် ကပ်ရပ် ခဲ့တဲ့သူများကလည်း ရှာမတွေ့နိုင်အောင် ခွာသွားကြပါလိမ့်မယ်။
လူ့ဘ၀ကိုလည်း ရတယ်၊ ယောက်ျားစင်စစ်လည်း ဖြစ်တယ်။ သို့ပေမယ့် အနေအစားမတတ် ရင်ဥပဓိရုပ်ကလည်း ကျသွားတတ်ပါတယ်။ အစောပိုင်းက ဥပဓိအားဖြင့် မပြည့်စုံတဲ့သူကလေး များကိုနောက်ပိုင်းမှာ ပြန်တွေ့တဲ့အခါ ဥပဓိရုပ်တက်လာတာကို တွေ့ရပါတယ်။ အဲသည်လို ဥပဓိတက်တဲ့သူများဟာ အလုပ်အကိုင်ကို ကြိုးစားလုပ်ကိုင်တဲ့ ယောက်ျားကလေးများ ဖြစ်နေတာကို တွေ့ရပါတယ်။ အလုပ်အကိုင်တစ်ခုကို ရလာပြီးတဲ့နောက် ရလာတဲ့ငွေကိုသာ တန်ဖိုးထားတဲ့သူများကတော့ ငွေကြေးတန်ဖိုး အပြောင်းအလဲမျာဖြစ်ဖြစ် လုပ်ငန်းအခြေအနေ အပြောင်းအလဲမျာဖြစ်ဖြစ် မပြောင်နိုင်အောင် ဖြစ်သွားတတ်ကြပါတယ်။
တကယ်တမ်း တန်ဖိုးထားရမှာကတော့ အလုပ်ပဲဖြစ်ပါတယ်။ မိမိလုပ်နေတဲ့အလုပ်ကို ၀ါသနာ မပါခဲ့ဘူး။ အခြေအနေပေးတာနဲ့ အလုပ်ပြောင်းမယ်ဆိုရင်တောင်မှ မပြောင်းခင်ကာလမှာ တာဝန်ကျေပွန်အောင် အကောင်းဆုံးဖြစ်အောင် ကြိုးစားလုပ်ကိုင်တတ်တဲ့သူများဟာ သူ့ရဲ့ တည်ကြည်ဖြောင့်မှန်တဲ့စိတ်ကြောင့် သူရဲ့နေပုံထိုင်ပုံ ပြောပုံဆိုပုံများဟာ လူအများက လေးစားခင်မင်စရာ ကောင်းနေပါလိမ့်မယ်။
ယောက်ျားလေးများနဲ့ ပတ်သတ်ပြီး အနေအထိုင် အပြောအဆိုများ အလုပ်လုပ်ပုံများကို စိတ်အလှပြင်ခြင်းထဲမှာ ထည့်ပြီးပြောတာတွေကများနေတော့ ရုပ်အလှပြင်ခြင်းဟာ မလုအပ် ဘူးလို့ မထင်မှတ်ကြစေလိုပါဘူး။ လိုအပ်ပါတယ်။ အရက်သေစာ သောက်စားတဲ့သူများဟာ ချွေးကအစလည်းကိုယ်နံစော်နေတတ်သလို ဆေးလိပ်ကို စွဲစွဲလမ်းလမ်းသောက်တဲ့သူများမှာ လည်းကိုယ်နံ့ဆိုးတတ်ပါတယ်။
နှင်းတို့တွေ့ဖူးတဲ့သူများထဲမှာ ကြော့မော့နေအောင် ၀တ်ဆင်ပြီး တစ်ကိုယ်ရေသန့်ရှင်းခြင်း မရှိတဲ့သူများဟာ သူများနဲ့လည်း ခင်မင်ရင်းနှီးမှု မရှိဘူးဆိုတာကို သတိထားမိပါတယ်။ တချို့ကတော့ သန့်ရှင်းမှု မရှိရုံမျှမက အ၀တ်အစားကို ဖိုသီဖတ်သီ ၀တ်တတ်ကြပါတယ်။ ယောက်ျားကလေးပဲ၊ လှစရာမလိုပါဘူးလိုိ့ ပြောတတ်ကြသေးတာပါ။ လှစရာက မိန်းမဖြစ်စေ၊ ယောက်ျားဖြစ်စေ၊ အသက်ငယ်သူဖြစ်စေ၊ ကြီဲးသူဖြစ်စေ သူ့အရွယ်နံ့သူ့အလှဆိုတာ ရှိရမှာပေါ့။ ယောက်ျားကလေးများလည်း သန့်ရှင်းခြင်း၊ သေသပ်ခြင်း၊ ယောက်ျားပီသခြင်း၊ လိုက်လျောညီထွေရှိခြင်းဆိုတဲ့ အရည်အချင်းများနဲ့ ပြည့်စုံတဲ့ အ၀တ်အဆင်၊ ဆံပင်ပုံစံ၊ ရိုးရာ အ၀တ်အစားနဲ့ ခေတ်အ၀တ်အစားများကို ၀တ်ဆင်ဖို့ လိုအပ်ပါတယ်။ မိန်းကလေးများသာ မက ယောက်ျားကလေးများလည်း ကိုယ်သွားမယ့်ကိစ္စနဲ့ ကိုယ်သွားမယ့်နေရာနဲ့ လိုက်လျော အောင် ၀တ်ဆင်ကြဖို့ လိုအပ်ပါတယ်။ မောင်လေးတို့ ၊ အစ်ကိုတို့ အပြင်အဆင်များအားလုံး ဟာခြုံပြောလိုက်ရင်တော့ ယောက်ျားပီသနေသင့်ပါတယ်။
နှင်းပြောချင်တာက တစ်ချို့ယောက်ျားလေးများဟာ မင်းသားတွေကိုအတုခိုးပြီး မကောင်းတဲ့ အကျင့်တွေကိုဘဲ စတိုင်လို့ထင်ပြီး ဆေးလိပ်သောက်တာ ၊ အရက်သောက်တာတွေ ရှိပါတယ် တစ်ကယ်တော့ အတုယူမှားနေတာဖြစ်တဲ့အပြင် ရောဂါဝမ်နေတာဖြစ်လို့ သိသိနဲ့မိုက်နေကြ တာဖြစ်ပါတယ်။ ဒါကြောင့် မကောင်းသော အရာများကိုအတုယူပြီး မလှချင်ကြပါနဲ့ ရိုးရိုးလေးနေတာဟာ ဘယ်သူမှနိူင်းယှဉ်မရနိုင်တဲ့ တစ်ခုတည်းသော အလှသဖြစ်ပါတယ်။ တစ်ကယ်လှချင်ရင်တော့ နှင်းအကြံပေးလိုက်မယ်။ စိတ်ထားလှပြီး သူတစ်ပါးကူညီတက်သူ ဟာ ကြည့်လိုက်ရင်အမြဲတမ်း လှနေပါတယ်လို့။