" လူတိုင်းတမ်းတတဲ့ လမင်းအမေ"

* သားသမီးဆိုတဲ့ သီတာရေစင်တွေကို
မေတ္တာရေတံခွန်မှ
သွင်သွင်စီးကျနေသမျှ
လောကမှာ
အမေဆိုတာ မဆိတ်သုဉ်းဘူး။

* သားမျှော်နေကျ ပြတင်းဝမှာ
အဝေးကိုမျှော်ငေး တွေးမိတာက
လောကကို အကျိုးပြုတဲ့နေမင်းဟာ
အဖေဆိုလျှင်
လူတိုင်းတမ်းတတဲ့ လမင်းကြီးဟာ
အမေပဲပေါ့...အမေ။

* သားသမီးအတွက်ဆို
အမေလျှောက်မယ့်ခရီး
အရိပ်မလို လက်နက်မယူ
ဗလာကြီးဖြစ်စေတော့
အရိပ်အေးအေး၊ အားမွေးထားတယ်
အဲဒါ သားနဲ့သမီးပါပဲ...တဲ့။

* အနေဆင်းရဲ၊ မွဲတေပါစေ
ရင်မှာလွယ်မွေး၊ သူ့ရင်သွေးကို
ပစ်ထားမသွား၊ လက်စွဲထား၍
လမ်းမလယ်မှာ၊ သံစာစာနဲ့
ထမင်းနဲ့ရေ
အချိန်တန် အစဉ်သင့်
သားသမီးအတွက်၊ အားခဲလို့ရှာ
ယိုင်လဲမသွားဘူး။
မှုးမိုက်မသွားဘူး။
သားသမီးဆိုတဲ့အသိ
အမြဲရှိနေတဲ့ အမေ။

* ပုခက်လွှဲတဲ့၊ အမေ့လက်က
ကမ္ဘာကြီးကို၊ ပွေ့ပိုက်ဖို့ကြိုးစား
အမေ့နှလုံးခုန်ချက်တိုင်းဟာ
ရဲရင့်တဲ့တွန်းအား စွမ်းပကားတွေနဲ့
အဏုမြူစွမ်းအားကိုမကြောက်
အံ့လောက်ပါတယ်အမေ။
လူသားတိုင်းရဲ့အမေ။
သတ္တ၀ါတိုင်းရဲ့ အမေ။

* အမေ့မေတ္တာ အတိမ်အနက်ကို
မြတ်နိုးချိန်စက်ဖို့
ရင်ဟက်တက်ကွဲပါစေ
တသသဖြစ်သူတွေထဲမှာ
စာသမား၊ ကဗျာသမားတွေက
ထိပ်ဆုံးကပါ
အပြာရောင်စာလုံးတွေနဲ့
ရောင်စုံလှလှအတွေးတွေကို
အမေ့မေတ္တာ လည်တိုင်ကြော့ကြော့မှာ
အလှဆင်သူတို့ကိုလည်း
နှလုံးသားကို
အမေပေးထားတယ်လေ။

* သားသမီးအတွက်ဆို
အမေဟာလေ
ကိုယ့်ကိုယ်ကို အကျွမ်းခံ
ဖယောင်းတိုင်လို အလင်းပေး...အနစ်နာခံ
တုမရတဲ့နည်းနာတွေနဲ့
လောကအလယ်မှာ တင့်တယ်ရအောင်
လမ်းပြပေးရှာတယ်
မေတ္တာအလင်းတွေနဲ့။

* တစ်ခါက...ကားစီး၍သွား
လိုတဲ့ခရီးရောက်တော့...ကားပေါ်ကဆင်း
ကားလမ်းကိုဖြတ်တော့
ဆလွန်းကား အဖြူရောင်က
သားကို
အပြေးလေးလာ ရန်ထောင်တယ်အမေ
အမေ့သား ကျွန်တော်လေ
တုံ့ပြန်လို့ ရန်မထောင်
အမေ့မေတ္တာလွှမ်းခြုံ
ရန်ကိုအောင်နိုင်ခဲ့တယ်
အမေတိုင်းရဲ့မေတ္တာကြောင့်ပါ
အဲဒါ...သားအမြင်
မှားသလားအမေ။

*
ပြန်ပြောင်းတသ၊ သတိရမိတယ်အမေ
သားကိုသခင်၊ လင်ကိုဘုရား
ဒီစကားကို အမေကိုးကွယ်
လင်မရှိတဲ့နောက်
သခင်ခြောက်ယောက် လူလားမြောက်အောင်
တောင်လေ၊ မြောက်လေ ဘယ်လေတိုက်တိုက်
အမေကာပေး ဘယာဝေးအောင်
တုမရတဲ့အား၊ စွမ်းပကားတွေနဲ့ပေါ့။
ကျေနပ်ပါတယ်...အမေ။

* “ပုဗ္ဗစရိယ မိနှင့်ဖ”
“မာတာပိတုဂုဏော အနန္တော”
“မာတာပိတု ဥပဋ္ဌာနံ”
“မာတာယထာ နီယံပုတ္တ မာယုသာ
ဧကပုတ္တ မနုရက္ခေ...တဲ့ အမေ
အမေ့ဂုဏ်ပုဒ်၊ အမေ့သရုပ်ကို
ဖော်ထုတ်သလား မမေးပါနဲ့
ဗုဒ္ဓဟောဖော် ဒေသနာတော်မှာ
အမေ့ကိုရှေ့ထား တင်စားသမုတ်
ထင်ရှားထုတ်ခဲ့၊ ဖော်ကျူးခဲ့
အမေတိုင်းဟာ ဂုဏ်နဲ့ဒြပ်နဲ့။

* ကာလလရေကြည် တည်နေသည်မှ
လူဖြစ်အောင်မွေးဖွား
ဒီကြားထဲ
တစ်မိပေါက်၊ တစ်ယောက်ထွန်း
မိုက်လွန်းတဲ့သားသမီးကီုရ
ဘ၀မလှပေမဲ့
တောင်းဆိုးပလုံးဆိုးလို
ပစ်ရိုးထုံးစံမရှိ
သားဆိုးအမေ တပေပေ
သားဆိုတဲ့အသိ၊ သမီးဆိုတဲ့အသိကြောင့်
အမေထားတဲ့မေတ္တာဟာ
အနှစ်နဲ့အကာ အတူတူ၊ အဖြူသက်သက်
အလှကင်းတဲ့စာရင်းမှာ အမေတွေမပါဘူး။

* ဟော...ဒီနေ့၊ ဒီအချိန်အထိ
တစ်နယ်တစ်ကျေး၊ အမေနဲ့ဝေးရာမှာ...နေတော့
ဝါလကင်းလွတ်၊ သီတင်းကျွန်ပြီ
ရွှေလည်ကြော့ကြော့၊ ခေါင်းမော့မော့နဲ့
အမေမျှော်တယ်
ရင်ခွင်ပိုက်အရွယ်မှတ်ထင်တုန်း
ဖုန်းဆက်တာလည်း၊ နေ့ညမဆုံး
စိတ်မချတာ၊ အမေ့စေတနာ။
နုပျိုဆဲပါ၊ အမေ့မေတ္တာ။

* ဒီသတင်းမေး၊ ဟိုဗေဒင်ကြည့်
သားအရေး၊ စုံပေးထောက်လှမ်း
ဟို...ယတြာချေ၊ ဒီအလှူကိုပြု
စိတ်အစုစုနဲ့ပြုတာ အခါခါ။

* အမေ
အမေကတစ်ရွာမှာ၊ တစ်ပြည်မှာကသား
ခွဲနေငြားလည်း
သားလေ
အမေ့ကိုလွမ်းဆွတ်ပိုမိ
ပျိုမြစ်မေတ္တာ၊ စေတနာနှင့်
အမေ့ကျေးဇူး ဂုဏ်အထူးကို
နေ့စဉ်ရိုကျိုး၊ ဆတက်တိုးလိုိ့
မလပ်ပွားများလျက်ပါအမေ။

* အထောက်အထားမလို
သားအတွေးကို အကိုးပြိုိ ဆိုချင်ပါတယ်
အမေရှိတဲ့အိမ်ဟာ
အောက်ထစ်ဆုံး တဲအိမ်တစ်အိမ်ဖြစ်ပါစေ
အလုံခြုံဆုံး
အမေ့မေတ္တာဖွဲ့တေးကဗျာသာ
အသာယာဆုံး
အမေပေးတဲ့ အလင်းရောင်ဟာ
လောကမှာ အလင်းလက်ဆုံး
သားအတွက် အောင်မြင်မှုဆိုတာ
အမေ့မေတ္တာကြောင့်ရခဲ့တာပါ
ဒါ့ကြောင့်
အမေဆိုတဲ့ စကားတွေက
ပျားရည်လိုချို
မြစ်တစ်စင်းလို စီးဆင်းနေတယ်...အမေ။

* အမေ့ဂုဏ် အမေ့ဒြပ်
ထင်ဟပ်အောင်ဖော်ညွှန်း
ကဗျာတွေ စာတွေ တစ်စွန်းတစ်စနဲ့
တကယ်တော့ အမေ
ဖော်ညွှန်းဆိုသမျှ
ပမာ၊ ပေမယ်ေတြဟာ
အမေ့မေတ္တာအောက်မှာ
ဝပ်ဆင်းခတွား၊ ရိုကျိုးသွားတယ်...အမေ။

* ရှင်တော်ဗုဒ္ဓ၊ စောအဖက
မာတုပေါသထကသုတ်တော်မှာ
အမေ့မေတ္တာ၊ ဂုဏ်မဟာကို
နှိုင်းပြရာ၊ ပမာကား
စကြ၀ဌာကြီးက အပ်နဖားသာ
နှစ်သိန်းလေးသောင်း အထုပေါင်းတဲ့
မဟာပထ၀ီက ၀ါးရွက်ပမာ
ရှစ်သောင်းလေးထောင် အမြင့်ဆောင်တဲ့
မြင်းမိုရ်ရွှေတောင်က နွားဦးချို
သမုဒ္ဒရာကြီးက မိုးရေတစ်ပေါက်လောက်သာ
ခရီးရောက်တယ်လို့
ဟောကြားထားတယ်...အမေ။

* ဒါကြောင့်လည်း...အမေ
သားမျှော်နေကျ ပြတင်းဝမှာ
အဝေးကိုမျှော်ငေး တွေးမိတာက
လောကကို အကျိုးပြုတဲ့နေမင်းဟာ
အဖေဆိုလျှင်
လူတိုင်းတမ်းတတဲ့ လမင်းကြီးဟာ
အမေပဲပေါ့...အမေ။

*လမင်းအမေ အသက်တစ်ရာ့နှစ်ဆယ်တိုင် လင်းလက်နိုင်ပါစေ။
* ဓမ္မအလင်းတန်း အစဉ်ဖျန်း ငြိမ်းချမ်းသာယာ ရှိပါစေ။