အခန်း(၄)

ဦးသုမနအတွက် ဘယ်နေရာကြည့်လိုက် ကြည့်လိုက် လောကကြီးသည် သာယာနေသည်။ ဘယ်သူ့ကိုပဲ တွေ့ရတွေ့ရ ချစ်စရာကောင်းနေသည်။ သူချစ်ခင်တွယ်တာမိခဲ့သော မဖြူက သူ့အချစ်တွေသွန်အန်ချဖို့ရန် လမ်းဖွင့်ပေးခဲ့ပြီ မဟုတ်ပါလား၊ မနက်ခင်းက ဖြစ်ရပ်လေးက ယခုညရောက်သည့် အချိန်ထိ ပျောက်၍ မသွား၊ မျက်စေ့ထဲတွင် ကွက်ကွက်ကွင်းကွင်း မြင်နေရတုန်းပင် ဖြစ်သည်။
သူ့ကို ဆွမ်းလောင်းပြီးတော့ မဖြူက လှပသပ်ရပ်သော မှတ်တမ်းစာအုပ်လေး တစ်အုပ်ကို သူ့အားကမ်းပေး၇င်း
“ဦးပဉ္စင်းရဲ့ အထွေထွေမှတ်စုထဲက တပည့်တော်အတွက် အသုံးတည့်တာတွေ ရေးပေးမယ်လို့ ပြောတာမှတ်မိသေးတယ် မဟုတ်လား၊ အခုစာအုပ်ဝယ်လာပြီ ရေးပေးတော့”
ဟုပြောလာသည်။ သူက မဖြူမျက်နှာလေးကို သေချာကြည့်လိုက်ရင်း
“မှတ်စုထဲကတင်မကဘူး၊ တခြားအကြောင်းအရာတွေလည်း ရေးချင်တယ်၊ မဖြူက ဖတ်မှာလား” ဟုမေးလိုက်တော့ သူပြောတဲ့ အဓိပ္ပာယ်ကို ရိပ်မိလို့ပဲလားတော့ မသိ။ မဖြူက-
“ဦးပဉ္စင်းရေးတာဆိုရင် အကုန်ဖတ်မှာပေါ့“
တဲ့။ ဒါဆိုရင် သူငါ့ရင်ထဲကဖြစ်နေတာကို နားလည်မှာပါ။ ယောကျာ်းကလေးဖြစ်တဲ့ ငါက ဖွင့်ပြောဖို့ပဲ လိုတော့တယ်။ ထိုအချိန်မှာပင် တစ်ခန်းတည်းနေ ဦးခေမိန္ဒနှင့် ဦးသီလာစာရတို့ သူ့ကုတင်ပေါ် ရောက်လာကြသည်။ ဦးခေမိန္ဒက လှပသပ်ရပ်သော မှတ်တမ်းစာအုပ်လေးကို ကောက်ကိုင်ရင်း
“ဦးသုမန၊ ဒါ မဖြူက လှူလိုက်တာ မဟုတ်လား၊ တပည့်တော် ဆွမ်းခံကြွရင်း မြင်လိုက်ပါတယ်”
ဟုမေးလာသည်။ ဦးခေမိန္ဒလည်း မဖြူတိုိ့အိမ်ဆွမ်းခံကြွသူပင်၊ ဦးသုမနထက်ပင် ခြောက်လခန့် ဦးသေးသည်။ ဦးသုမနက ရှင်းပြလိုက်သည်။
“တပည့်တော်ကို လှူတာမဟုတ်ဘူး၊ ဗဟုသုတ မှတ်စုလေးတွေ ကူးပေးဖို့ အကူအညီတောင်းတာ”
ထိုအခါ ဦးသီလာစာရက
“ဒါဆိုရင် ပထမကြီးတန်း အလင်္ကာကျမ်းထဲက ဂါထားလေး တစ်ဂါထာကို မြန်မာပြန်ပါထည့်ရေးပေးလိုက်ပေါ့”
ဦးသုမနက အဟုတ်မှတ်၍
“ဘယ်ဂါထာလည်း ဦးသီလာစာရ”
“ဂါမ္မဒေါသသင့်တဲ့ ဂါထာလေးလေ၊ တပည့်တော် အလွတ်ရပါတယ်၊ အဲ...ဘာတဲ့...
ကညေကာမယ မာနံမံ
နကာမယသိ ကိန္ဒိဒံ-တဲ့ မြန်မာပြန်အနက်က
ကညေ၊ ဟယ် အပျို၊ ကာမယမာနံ၊ နင့်ကိုချစ်နေသော၊ မံ၊ ငါ့ကို၊ တွိ၊ သင်သည်၊ နကာမယသိ၊ မကြိုက်၊ က္ကုဒံ၊ ဤသို့ ငါက နင့်ကိုကြိုက်နေပါလျက်၊ နင်က ငါ့ကိုမကြိုက်ခြင်းသည်၊ ကိနု၊ အဘယ်ကြောင့်ပါနည်း တဲ့”
“ဟာ...ဦးသီလာစာရကလည်း တပည့်တော်က အဟုတ်မှတ်လို့ နားထောင်နေတာ၊ အရှင်ဘုရားက နောက်နေတာပဲ”
ဦးသီလာစာရနှင့် ဦးခေမိန္ဒက ဦးသုမနကိုကြည့်ပြီး တဟားဟားရယ်သည်။ ထိုဂါထာသည် အလင်္ကာကျမ်းထဲတွင် တကယ်ပါပါသည်။ အရယ်ရပ်သည်နှင့် ဦးခေမိန္ဒက တစ်စခန်းထပြန်သည်။
“မဖြူတို့အိမ်ကို တပည့်တောက် အရင်ကြွတာ ဦးသီလာစာရရဲ့၊ ဦးသုမနက နောက်မှကြွတာ၊ ဒါတောင် မဖြူတို့ မိသားစုက တပည့်တော်ကျတော့ သိက္ခာမထပ်ဘူး၊ နောက်ကျမှ ရောက်လာတဲ့ ဦးသုမနကျမှ သိက္ခာထပ်တယ်၊ အဲဒါ ဘာ့ကြောင့်လို့ ထင်သလဲ ဦးသီလာစာရ”
“အမိန့်ရှိစမ်းပါဦး”
“ဦးသုမနက မာယာပိုကောင်းလို့ပေါ့ ဘုရား၊ စကားရှိတယ် မဟုတ်လား၊ မိန်းမ မာယာသံကိုးဖြာ ဆိုတာလေ၊ ယောက်ျားမာယာကျတော့ မန် ကျည်းကိုးပင် ထပ်ထည့်ရမယ်ဆိုတာ”
ဦးခေမိန္ဒက သူ့စကားကို ဆက်သည်။
“တပည့်တော်ဖတ်ဖူးတယ်၊ တစ်ခါတော့ ဘုန်းကြီးတစ်ပါးဟာ ဆွမ်းခံပျင်းတော့ နေမကောင်းလို့၊ ခေါင်းမှုးလို့ အဲဒီလို အကြောင်း အမျိုးမျိုးပြပြီး မကြာခဏ ဆွမ်းသွားစားနေသတဲ့၊ ခဏခဏဆိုတော့ ဒကာမလည်း သဒ္ဓါပျက်လာသတဲ့၊ တစ်ရက်တော့ ဘုန်းကြီးက ဗိုက်နာလိုိ့ ဆွမ်းခံမထွက်နိုင်ဘူးဆိုပြီး ဆွမ်းစားရအောင် သွားပြန်သတဲ့”
ဒီတစ်ခါတော့ ဒကာမက ဒီဘုန်းကြီးပျင်းကို ဆွမ်းမတင်ရအောင် ငါ့မာယာနဲ့ ပထုတ်မယ်လို့ ကြိမ်းဝါးပြီး ခုလိုပြောသတဲ့၊ အရှင်ဘုရား တပည့်တော်အိမ်မှာ ဆန်ပြတ်နေလို့ ဆွမ်းကပ်စရာ မရှိဘူး၊ ဒါပေမယ့် တခြားအိမ်မှာ ရှိလို့ရှိငြား ထွက်ချေးကြည့်ဦးမယ် ဘုရားဆိုပြီး ဗန်းကလေးဆွဲ ထွက်သွားသတဲ့”
“ဘုန်းကြီးးက အလည်ဆိုတော့ ဒါ ငါ့ကို ညာတာဖြစ်နိုင်တယ် ဆိုပြီး ဒကာမထွက်အသွားမှာ မီးဖိုချောင်ထဲဝင်ပြီး ထောက်လှမ်းရေး လုပ်တာပေါ့။ အိုးထဲဖွင့်ကြည့်လိုက်တော့ ငကျွဲဆန်တွေ အပြည့်တွေ့ ရတယ်၊ ပြီးတော့ ဆီ၊ ငါးရံ့ခြောက်ပြား၊ ကြံချောင်းကြီးတစ်ချောင်းကို တောင် နံရံမှာ ထောင်ထားတာတွေ့သွားသတဲ့”
“ဒကာမကတော့ သူ့လုပ်ရပ် အပိုင်ပဲဆိုပြီး တခြားအိမ်က ခဏနေတော့ ပြန်လာတယ်၊ အိမ်ရောက်တော့ တပည့်တော်ဆန်ချေးလို့လည်း မရဘူးဘုရား၊ ဒါ့ကြောင့် ဒီနေ့တော့ ဆွမ်းမကပ်နိုင်တော့ပါဘူး ဘုရားဆိုတော့ အဲဒီဘုန်းကြီးက ထင်သားပဲ ဒါ့ကြောင့်လမ်းမှာ မဟုတ်တာကြီးနဲ့ ကြုံရတာပဲလို့ပြောတော့ ဒကာမက ဘာမဟုတ်တာကြီးနဲ့ ကြုံရတာလဲဘုရားလို့ မေးလိုက်တယ်”
“ဘုန်းကြီးက ကျူပ်ဒီအိမ်ကို အလာလမ်းမှာ မြွေဟောက်ကြီးတစ်ကောင်နဲ့ တွေ့တယ်ဗျာ ရှည်လိုက်တာဗျာ မပြောပါနဲ့တော့ ဒကာမမီးဖိုချောင်ထဲက ကြံချောင်းကြီးလောက် ရှည်တယ်လို့ ဖြေလိုက်တော့ ဒကာမလည်း“ဟင်”ဆိုပြီး အံ့သြသွားတာပေါ့”
“တစ်ခါဆက်ပြီး ပြောတယ်၊ ကျုပ်ကိုမြင်တော့ဗျာ၊ မြွေဟောက်က ဒေါသတကြီးနဲ့ ပါးပျဉ်းကြီးကို ထောင်ပြလိုက်တာ အဲဒီပါးပျဉ်းကြီးက ဒကာမကြီးမီးဖိုချောင်ထဲက ငါးရံ့ခြောက်ပြားကြီးလောက် ရှိတယ်ဆိုတော့ ဒကာမကြီးလည်း ဟောတော့ဆိုပြီး အံ့သြသွားသတဲ့”
“တစ်ခါ မြွေဟောက်ကြီး ကျုပ်ကို ပေါက်မယ်ဆိုပြိး အစွမ်ကိုဖြီးဖြီးပြတယ်၊ အဲဒီအစွမ်က ဒကာမကြီးဆန်အိုးထဲက ငကျွဲဆန်စေ့လောက်တော့ ရှိတယ်လို့ ဆိုလိုက်တော့ ဒကာမကြီးလည်း ကဲ ကိုယ်တော်ဘုရား အေးအေးပဲနေပါတော့ တပည့်တော်မ ဆွမ်းချက်ကပ်ပါတော့မယ်လို့ လျှောက်ရရှာသတဲ့”
ဦးသီလာစာရနှင့် ဦးသုမနမှာ ဦးခေမိန္ဒ စကားအဆုံးတွင် တဟားဟားဖြင့် သဘောကျ နေကြသည်။ ဦးသီလာစာရကလည်း တစ်မျိုးလာပြန်သည်။
“ယောက်ျားမာယာက မိန်းမမာယာထက် သာတာတော့ အမှန်ပဲ၊ ညောင်ကန်ဆရာတော် လုံးလုံးမကြည့်တဲ့ ကျမ်းစာတစ်အုပ်ရှိတယ်၊ အဲဒီကျမ်းကို သံပျင်ဋီကာ လို့ခေါ်တယ်၊ ဘာဖြစ်လို့ မကြည့်တာလည်း ဆိုတော့ ဏှာပူးကျပြီးရေးတဲ့ ကျမ်းမိုလို့ မကြည့်တာလို့ ဆိုတယ်”
သီးသုမနနှင့် ဦးခေမိန္ဒတို့က စိတ်ဝင်တစားပြိုင်တူမေးလိုက် မိကြသည်။
“ဘယ်လိုဏှာပူးကျတာလဲ”
“ပုဂံခေတ်ကပေါ့။ ပိဋကတ်သုံးပုံနိကာယ်ငါးရပ်ကို ကျကျနန တတ်မြောက်ကျွမ်းကျင်လို့ ကျစွာလိုိ့အမည်ရတဲ့ မည်းကြီးတစ်ပါး ပေါ်ဖူးတယ်၊ သဒ္ဒါငယ် ၁၅စောင်ထဲက သဒ္ဒါဗိန္ဓုကျမ်းဆိုတာ ကျစွာမင်းကြီးရေးသားခဲ့တာပါ။ အဆင့်မြင့်တယ်၊ ပါဠိဂါထာတွေနဲ့ ရေးထားတာ”
“ဒီမင်းကြီးမှာ သူ့လိုပဲ ပိဋကတ်ကို ကျွမ်းကျင်တဲ့ သမီးတော်တစ်ပါး ရှိတယ်၊ သံပျင်မင်းသမီးလို့ ခေါ်တယ်၊ သမီးတော်ကလည်း ဘယ်လောက်စာတတ်သလဲဆိုိရင် ရဟန်းတော်တွေကိုတောင် စာချပေးရတယ်၊ အမျိုးသမီးနဲက ရဟန်းတွေဆိုတော့ မြင်နေရင်မသင့်တော်လို့ တင်းတတိမ်ကန့်လန့်ကာပြီး စာပေပို့ချပေးတယ်”
“ဒီအချိန်တုန်းက ပေရွက်တွေပဲ ရှိသေးတာပေါ့၊ ရဟန်းတော်တွေက ပါဠိလိုရေးထားတဲ့ ပေရွက်တွေကို ကြည့်နေရတယ်၊ သမီးတော်က တင်းတိမ်ဟိုဘက်ကနေ အနက်၊ မြန်မာပြန်ပြီး အဓိပ္ပာယ် ရှင်းရတာပေါ့၊ အဲဒီစာသင်သား ရဟန်းတော်တွေထဲက အသက်ငယ်ငယ်ရဟန်းတော် တစ်ပါးဟာ မင်းသမီးအသံကို ကြားရတာနဲက စိတ်ဝင်စားပြီး ချစ်ခင်သွားသတဲ့”
ထိုစကားအရောက်တွင် ဦးသီလာစာရနှင့် ဦးခေမိန္ဒတို့က ဦးသုမနကို အကဲခတ်ကြည့် လိုက်ကြသည်။ သူတို့ နှစ်ဦးသည် ဦးသုမနကို ကာမဂုဏ်နွံထဲနစ်မှာ စိုးသောကြောင့် သူတို့တတ်နိုင်သမျှ သွယ်ဝိုက်ပြီး သတိပေးနေကြခြင်း ဖြစ်သည်။ အချစ်မှိုင်းမိနေသော ဦးသုမနကား ဘာမျှသတိမထားမိသေး၊ သူနှင့်မဖြူတို့ စတင်ခင်မင်အောင် ကြိုးစားခဲ့ပုံကို ပြန်သတိရလာသဖြင့် မျက်စေ့မှိတ်ကာ ခပ်ပြုံးပြုံးလေးဖြစ်သွားသည်ကို တွေ့ကြရသည်။ ဦးသီလာစာရကသူ့စကားကိုဆက်သည်။
“ဒီတော့ အဲဒီကိုယ်တော်က ဘု၇င့်သမီးတော်ကို မြင်ဖူးချင်တော့ နောက်တစ်နေ့ စာတက်အလာမှာ ပေရွက်ထဲစာကြောင်း တစ်ကြောင်း သူ့ဖာသာေ၇းထည့်ထားတယ်၊ သူရေးထည့်လာတဲ့ ပါဠိက ဟိဇာလေ ဟေဟေယျုံတဲ့၊ အဲဒီနေ့ စာတက်ပြီးလိုိ့ တခြားကိုယ်တော်တွေ ပြန်သွားတော့ သူက တစ်ပါးတည်းကျန်မျာ တင်းတိမ်ထဲက မင်းသမီးကိုအသံပြုလိုက်သတဲ့”
“မင်းသမီး အနက်ပြန်ရအောင် စာတစ်ကြောင်း ကျန်နေပါတယ်ဆိုတော့ မင်းသမီးက ဒီပေစာကို တပည့်တော်ပို့ချနေတာ ကြာပါပြီ၊ မကျန်ပါဘူးဘုရားလို့ လျှောက်တော့ အကြံသမားကိုယ်တော်က မယုံရင် အသင်မင်းသမီး ကိုယ်တိုင်ကြည့်ပါလို့ ပြောတော့ မင်းသမီးလည်း ရုတ်တရက်တင်းတိမ်ကို မ,ပြီး ကြည့်မိသ တဲ့”
“စာကြောင်းကိုတွေ့တာနဲ့ ထပ်ဖြည့်ထားမှန်း မင်းသမီးက သိပါသတဲ့၊ ဒါပေမယ့် ကိုယ်တော်ကျေနပ်အောင် အနက်ကတော့ ပေးလိုက်ပါတယ်၊ ဟိ၊ တံငါသည်တို့သည်။ ဇာလေ၊ ကွန်ယက်ကို။ ဟေဟေကျုံ၊ ပစ်လွှတ်ကြကုန်၏တဲ့။ မင်းသမီးကတော့ အနက်ပေးပြီး သူ့နေရာသူ ပြန်သွားတယ်။ ဘာမှမဖြစ်ဘူး။ မင်းသမီးကို မြင်သွားတဲ့ ကိုယ်တော်မှာတော့ အဲဒီနေ့ကစပြီး ရာဂမီးလောင်နေလိုက်တာ စားလည်းမစားနိုင် ဆွမ်းလ်းမစားနိုင်တော့ဘူးတဲ့”
ထိုစကားအရောက်တွင် ဦးခေမီန္ဒက စကားတစ်ချက် ထောက်ပေးသည်။
“ဦးသီလာစာရ၊ မိန်းမဆိုတာ ရဟန်းတော်တွေ သတိထားသင့်တဲ့အန္တရာယ်တစ်ခုပါဘဲလား”
“ဟုတ်တာပေါ့ ဦးခေမိန္ဒ၊ ဒါကြောင့် ရှေးပညာရှင်များက ဘိက္ခု သေမင်း၊ ဓားနှစ်စင်းလိုိ့ ဆိုထားကြတယ်။ မိန်းမနဲ့ငွေဟာ ရဟန်းဘ၀က လူ့ဘ၀ရောက်အောင် သေအောင် သတ်ဖြတ်တတ်လို့ ဓားနှစ်စင်းလို့ နာမည်ပေးခဲ့တာပေါ့”
ထိုအချိန်ကျမှ ဦးသုမနသည် မိတ်ဆွေရဟန်းများက သူ့ကို သတိပေးတရား မသိမသာ ဟောနေခြင်းဖြစ်ကြောင်း ရိပ်မိလာသည်။ မိတ်ဆွေရဟန်းများ၏ စေတနာကိုလည်း လေးစားမိ၏။ ဦးသီလာစာရက သူ့စကားကိုဆက်သည်။
“ဒါနဲ့နောက်ဆုံး ကျစွာဘု၇င်ကြီးသိသွားတော့ အသက်တစ်ချောင်းတော့ အလဟဿမဆုံးရူံးပါစေနဲ့၊ သမီးတော်ကို လိုချင်ရင် ဋီကာ ကျမ်းတစ်ကျမ်းကို အဆင့်မီအောင်ရေးပြီး ဆက်သွင်းပါလို့ အမိန့်ချတော့ အဲဒီရဟန်းလည်း ကျမ်းမျိုးစုံကို မွှေနှောက်ခြောက်ခြားပြီး ရေးလိုက်တာ အခုပြောနေတဲ့ သံပျင်ဋီကာ ဆိုတာ ဖြစ်သွားတာပေါ့”
“ကတိအတိုင်း ကျစွာမင်းကြီးကလည်း ရဟန်းတော်ကို လူဝတ်လဲစေပြိး သမီးတော်နဲ့ ပေးစားခဲ့ပါတယ်”
“သြော်...ဒါ့ကြောင့် ဆရာတော်ဦးဗုဓ်က ဏှာပူးကျပြီး ရေးတဲ့ကျမ်း မဖတ်ချင်ပါဘူးလို့ ဆိုတာကိုး”
“ဟုတ်တာပေါ့။ ဒီဖြစ်ရပ်မှာ အပေါ်ယံကြည့်ရင်တော့ ၇ဟန်းတော်ဟာ သူလိုချင်တဲ့ ဘုရင့်သမီးတော်ကို ရသွားလို့ ၀မ်းသာစရာပေါ့။ နက်နက်နဲနဲ ကြည့်ရင်တော့ ၀မ်းနည်းစရာကြီးပါ”
“ဘယ်လို ၀မ်းနည်းစရာလည်း ဦးသီလာစာရ”
ဦးသုမနပင် စိတ်ဝင်တစား မေးလိုက်မိသည်။ ဦးသီလာစာရက
“ဦးသုမန စဉ်းစားကြည့်လေ ဂေါတမမြတ်စွာဘုရားတောင် လေးသင်္ချေနဲ့ ကမ္ဘာတစ်သိန်း ပါရမီဖြည့်တဲ့ အချိန်အတွင်းမှာ ရဟန်းဘ၀ကို ကိုးဘ၀ပဲ ရခဲ့တယ်။ အရှင်ဘုရားတို့ တပည့်တော်တို့လို သူလိုကိုယ်လို လူတွေမှာတော့ ရဟန်းဘ၀တစ်ဘ၀တောင် ရဖို့မလွယ်ပါဘူး”
“ဒါကြောင့်လည်း အင်္ဂုတ္တိုလ်ပါဠိတော်မှာ ပဗ္ဗဇ္ဇိတဘာဝေါ ဒုလ္လဘော ရဟန်းဘ၀ကို ရခဲတယ်လို့ ဘုရားက ဟောတာပေါ့။ ဒီလောက်ရခဲတဲ့ ရဟန်းဘ၀ကို စွန့်ပြီး မင်းသမီးကို ယူလိုက်တယ်ဆိုတာ သာသနာမျက်စေ့နဲ့ ကြည့်ရင် သူ့အတွက် ဆုံးရူံးသါားတာဖြစ်လို့ ၀မ်းနည်းစရာကြီးပါ”
“ဥပမာ ရိုင်းရိုင်းပေးရရင် သလေးထမင်းနဲ့ ခွေးအန်ဖက်ကို လဲစားရသလိုပဲပေါ့။ လူုတွေဟာ အရလွယ်တဲ့အရာကို အထင်သေးတတ်တာဟာ ဓမ္မတာပါပဲ။ အရှင်ဘုရားတိုက တပည့်တော်တို့ မြန်မာပြည်က ရဟန်တော်တွေဟာ ရဟန်းဘ၀ကို လွယ်လွယ်ကူကူ ရခဲကြတော့ တန်ဖိုးမထားကြဘူး၊ အထင်သေးကြတယ်”
“နိုင်ငံခြားသား၊ ဘာသာခြား၊ လူမျိုးခြားကနေ ဗုဒ္ဓဘာသာ ရန်းတော်ဖြစ်လာ၇တဲ့ အီတာလျှံလူမျိုး ဦးလောကနာထဆိုရင် သူ့ဦးလေးက အီတလီကနေ မြန်မာပြည်ကို ပြန်ခွင့်မပေးဘူး။ သာသနာပြုခွင့်မပေးဘူးလိုက အကျပ်ကိုင်တော့ အစာငတ်ခံပြီး ဆန္ဒပြတယ်”
“လေးငါးခြောက်ရက် သေခါနီးမြော့မြော့ကျန်တဲ့အထိ ဆန္ဒပြမှ သူ့ဦးလေးက အလျှော့ပေးပြီးမြန်မာပြည်ကို ပြန်ခွင့်ပြုလိုက်တယ်။ ဒါပေမယ့် ပညာရှိနှိပ်စက်နည်းနဲ့ လမ်းစရိတ်တစ်ပြားမှ မထောက်လိုက်ဘူး။ ရဟန်းတော်ဆိုတော့ ဘယ်ကမှလည်း ငွေမရနိုင်လို့ ဦးလောကနာထဟာ အီတလီ၊ ပြင်သစ်၊ ဆွစ်ဇာလန်၊ သြစတေးလျ၊ ပါလက်စတိုင်း၊ အိန္ဒယစတဲ့ နိုင်ငံပေါင်း ဆယ်နိုင်ငံကို ခြေကျင်ကျော်ဖြတ်ပြီး မြန်မာနိုင်ငံကို အရောက်ပြန်ခဲ့တယ်”
“မြန်မာပြည်က ပြင်ဦးလွင်မြို့မှာဘဲ ပျံလွန်တော်မှုတဲ့အထိ သီတင်းသုံးသွားခဲ့တယ်။ ရဟန်းဘ၀ကို ဘာဖြစ်လိုိ့ ဒီလောက်ထအောင် တန်ဖိုးထားရသလဲဆိုိရင် နောက်ဘ၀မှာ
“လူဖြစ်ဖို့၊ ယောက်ျားဖြစ်ဖို့ ၊ မြန်မာပြည်မှာဖြစ်ဖို့၊ ဗုဒ္ဓဘာသာဖြစ်ဖို့၊ ရဟန်းဖြစ်ဖို့
ဆိုတဲ့ အချက်ငါးချက်နဲ့ ပြည့်စုံဖို့မလွယ်လို့ဆိုတာ သေချာသိထားလိုိ့ဘဲ။ အရှင်ဘုရားတို့ တပည့်တော်တို့လည်း ရဟန်းဘ၀ကို လွယ်လွယ်ရခဲ့တာဆိုပြီး အထင်မသေးသင့်ဘူး။ နောက်ဘ၀မှာ ဒီအချက်ငါးချက်နဲ့ ပြည့်စုံဖို့ဆိုတာလည်း တော်တော်ခဲယဥင်္းတာ မဟုတ်လား”
ဦးသီလာစာရက စကားအဆုံးတွင် ဦးသုမနကို အကဲခတ်ကြည့်လိုက်သည်။ ဦးသုမနမျက်နှာတွင် လေးလေးနက်နက် တွေးတောနေသော အမှုအယာကို တွေ့ရသဖြင့် မိမိနေရာသို့ အသာအယာပင် ဦးခေမိနှင့်အတူ ထပြန်သွားကြသည်။ ဦးသုမနအဖို့ ဒီတစ်ည ကောင်းကောင်း အိပ်ရဖို့မလွယ်။ သလေးထမင်းနှင့် ခွေးအန်ဖတ်တို့ စစ်ခင်းရဦးမည် မဟုတ်ပါလား။

အခန်း (၅)

“ဆွမ်းခံထွက်ခါနီးတွင် ညက တစ်ညလုံးရေးထားသော မဖြူ၏ မှတ်တမ်းစာအုပ်လေးကို ပြန်ဖတ်နေမိသည်။
သိုိ့
မဖြူ........
တရားဝင်အချစ်တောင်းခံလွှာ စာတစ်မျက်နှာ ရေးလိုက်ပါတယ်။ တို့မျက်စေ့နဲ့ မဖြူရဲ့အချစ်ကို တောင်းခံနေတာတော့ ရက်ပေါင်း (၇၃၀) ကျော်ခဲ့ပါပြီ။ ဒီတောင်းခံမှုကိုတော့ အများက လက်ခံတာမဟုတ်လို့ အခုလိုစာရေးတောင်းခံရတာပါ။
တို့ရဲ့ဆယ်ကြိမ်းမြောက် သွေးလှူရှင်တံဆိပ်လေးပေးတော့ မဖြူက ပြောတယ်လေ ကိုယ့်သွေးနဲ့ ရင်းရတဲ့ ဒီပစ္စည်းမျိုးကို သူတစ်ပါးကို မပေးသင့်ဘူး။ ကိုယ်ကိုယ်တိုင်ပဲ သိမ်းထားသင့်တယ်တဲ့။ ဒီတော့ တို့က ပြန်ပြောလိုက်တယ် မဟုတ်လား။ မဖြူက သူတစ်ပါးမှ မဟုတ်တာလို့
အဲဒီစကားထဲမှာ တိုကပြောချင်တဲ့စကားတွေ အကုန်ပါသွားပါပြီ။ မဖြူကို သူတစ်ပါးလို့ သဘောထားလိုိ့ မရတော့ဘူး။ တို့ခန္ဓာကိုယ်ဖြစ်အောင် တည်ဆောက်ပေးတဲ့ အသွေးအသားနဲ့ ထပ်တူထပ်မျှ မဖြူကို ချစ်နေပြီလို့ ပြောလိုက်တာပါ။
မဖြူဆီက ချစ်ပါတယ်ဆိုတဲ့ အဖြေလေးဟာ တို့ဘ၀မှာ ဆက်လက် ရှင်သန်စေလိုိ့ အခွင့်ပေးလိုက်သလိုပါပဲ။ တို့လူ့ဘ၀မှာ ဆက်လက်ရှင်သန်နေပါရစေ။ မဖြူဆီက အဖြေကို မျှော်လင့်နေတဲ့
တို့
သူရေးထားသော စာကိုဖတ်ပြီး ဦးသုမနက ပြုံးလိုက်သည်။ ယနေ့ဘယ်အိမ်ကိုမှ မကြွတော့ မဖြူတို့ ကအိမ်တစ်အိမ်ကိုဘဲကြွပြီး ကျောင်းကိုပြန်တော့မည်။ ဘယ်အိမ်မှလည်း က္ကုနြေ္ဒရစွာကြွလို့ ရလိမ့်မည်မဟုတ်။ အခုပင် တဒိန်းဒိန်းခုန်နေသောရင်၊ တုန်လှုပ်ခြောက်ခြားနေသော စိတ်တို့ဖြင့် ဂဏှာမငြိမ်စွာ သွားနေရသည် မဟုတ်ပါလား။ မဖြူဆီ စာပေးပြီးလျှင် ယခုထက်ပိုဆိုးပေလိမ့်မည်။
မှုမမှန်သောစိတ်ကြောင့် လူကလည်း က္ကုနြေ္ဒမရ မဖြူတို့အိမ်ထဲ ရောက်သည်နှင့် စားပွဲဘေးကုလားထိုင်တွင် အသင့်ထိုင်နေသော မဖြူကို တွေ့လိုက်ရသဖြင့် ၀မ်းသာသွားသည်။ ဦးသုမန ထိုင်ခုံပေါ်မှာပင် မထိုင်မိ မတ်တပ်ရက်လျက်ကပင် စာအုပ်လေးကို လှမ်းပေးလိုက်သည်။ စကားလည်း မပြောမိ။
အံ့သြစရာကောင်း၏။ မဖြူလက်ထဲ စာအုပ်ပေးနေသော အချိန်မှာပင် မဖြူအဖေ ဦးသက်ထွန်း အခန်းထဲက ထွက်အလာနှင့် ပက်ပင်းတိုးနေသည်။ ဦးသုမန၏ မျက်နှာသာ ပုံမှန်အတိုင်းဆိုလျှင် ဦးသက်ထွန်း ရိပ်မိစရာမရှိ။ ယခု ပုံပျက်နေသော ဦးသုမနကို မြင်လိုက်သည်နှင့် မသင်္ကာသော စိတ်တို့က ဦးသက်ထွန်းကို သတိပေးလိုက်သလို ဖြစ်သွားသည်။
ဦးသက်ထွန်း အချိန်မဆွဲတော့ မဖြူလက်ထဲမှ စာအုပ်ကို ဆတ်ကနဲဆွဲယူပြီး ဖွင့်ဖတ်လိုက်သည်။ သွားပြီဟူသော အတွေးနှင့်အတူ ဦးသုမနတစ်ကိုယ်လုံး တုန်လှုပ်ခြောက်ခြား သွားသည်။ စာဖတ်ပြီးသည်နှင့် ဦးသက်ထွန်းမျက်နှာကြီး မဲပုပ်သွားကာ မျက်စေ့က မီးဝင်းဝင်းတောက်သကဲ့သို့သော အရောင်ဖြင့် ဦးသုမနကို စိုက်ကြည့်လိုက်သည်။
ဦးသုမနကား အားဆေးထည့် ခံရသကဲ့သို့ ဘာမှမပြောနိုင်၊ ဦးသက်ထွန်းက စာအုပ်ကို ကြမ်းပြင်ပေါ် ပစ်ပေါက်ချလိုက်ပြီး-
“ကြည့်စမ်း၊ ကိုယ်တော်က ပစ္စည်းလေးပါး အလှူရှင် ဒကာ၊ ဒကာမတွေအပေါ် ကျေးဇူးဆပ်တာပေါ့လေ။ သင်္ကန်းကို အားနာလိုိ့ နို့မို့ဆိုရင် ဒီနေရာမှာတင် ကိုယ်တော်ကို အသေသတ်ပစ်တယ်။ နောက် ကိုယ်တော်ဒီအိမ်ကို ဘယ်တော့မှ မလာနဲ့”
“နင်လဲ ဒီနေ့ကစပြီး ဘယ်ကိုယ်တော်ကိုမှ ဆွမ်းမလောင်းရတော့ဘူး။ ငါတို့အမျိုးထဲမှာ ကျောင်းကြီးဖျက်မ တစ်ယောက်မှ မရှိစေရဘူး လာခဲ့”
ဟုဆိုကာ မဖြူကို တရွတ်တိုက် အခန်းထဲဆွဲခေါ်သွားသည်။ ဦးသုမန ချာကနဲအိမ်ထဲမှ အမြန်ထွက်လာခဲ့မိသည်။ ရှက်လိုက်တာ ကိုယ့်မျက်နှာကို ဓားနဲ့လှီးပစ်ချင်သည်။ ဘယ်သူ့ကိုမှလည်း မတွေ့ချင်တော့။ သေခြင်းတရားကို သာ မက်မက်မောမော တမ်းတမိသည်။ အသက်နှင့် လူလုပ်တာမဟုတ်။ အရှက်နှင့် လူလုပ်တာ ဟူသော စကား၏အဓိပ္ပာယ်ကိုလည်း ပြည့်ဝစွာ နားလည်သွားသည်။
သူနေသော သုံးထပ်တိုက်အပေါ်ဆုံးအခန်းကို ဘယ်လိုကဘယ်လို ရောက်လာသည်မသိ။ သပိတ်ကို ကုတင်ပေါ်တင်ပြီးသည်နှင့် ပြူတင်းတံခါးပေါက် ဘောင်ပေေးတက်ပြီး ဆောင့်ကြောင့် ထိုက်လိုက်သည်။ လေများက တရွှီးရွှီးဖြင့် သူကမျက်နှာနှင့် ရင်ဘတ်ကို တိုးဖြတ်လို့နေသည်။ မျက်လုံးကိုမှိတ်ပြီး ခုန်ချဖို့ အသင့်ပြင်လိုက်သည်။
အကြောက်တရား တစ်ခုပေါ်လာသည်ကို အံ့သြစွာတွေ့ရသည်။ သေခြင်းတရားတော့မဟုတ်။ မဖြူနှင့်သေကွဲကွဲရခြင်း။ အို...နောက်ဘ၀မှပဲ ပေါင်းကြပါစို့ မဖြူရယ်။ အသံတိတ်ပြောမိရင်း အောက်သီု့ ဆတ်ကနဲခုန်ချလိုက်တော့သည်။ သူ့ခန္ဓာကိုယ်သည် မြေ၏ဆွဲအားအတိုင်း ဒယောသောပါး ကျဆင်းသွားသည်။
သုံးထပ်တိုက်အောက်ခြေမှ ကွန်ကရစ်အခင်းတို့က သူ့မျက်နှာနှင့် နီးသထက်နီးလာပြီးနောက် ရင်ထဲတွင် အေးကနဲ ဖြစ်သွားသည်။ သူ့နဖူးနှင့် ကွန်ကရစ်အခင်းတို့၏ ပြင်းထန်သော ရိုက်ခတ်သံနှင့်အတူ နာနာကြည်းကြည်း အော်လိုက်သော“အား”ဟူသော အသံက သူ့နူတ်မှ အလိုလိုထွက်သွားသည်။ ထို့နောက်သူသည် မဲမှောင်သော အမှောင်ထုတွင်းသို့ ၀င်ရောက်သွားသည်။
“ဦးသုမန” “ဦးသုမန”ဟူသော ခေါ်သံတို့က အဝေးမှတစ်ဆင့် တဖြေးဖြေးနီးလာသည်။ သူမျက်စေ့ကို အားယူဖွင့်လိုက်သောအခါ ဦးသီလာစာရနှင့် ဦးခေမိန္ဓကို သူ့ဘေးမှာ တွေ့လိုက်ရသည်။ ပူနေသော သူ့နဖူးကို လက်နှင့်စမ်းပြီး ကြည့်လိုက်တော့ ပူနွေးနွေး အရည်တချို့ကို ကိုင်မိသည်။ လက်ကို အောက်ယူကြည့်လိုက်တော့ နီးစွေးစွေးသွေးစများ။
သူ့ဘေးကို ဝေ့၀ိုက်ကြည့်လိုက်တော သုံးထပ်တိုက်အောက်က ကွန်ကရစ်အခင်းပေးမှာတော့ မဟုတ်။ သူ့ ကုတင်ဘေးမှ ကြမ်းပြင်ပေါ်မှာသာဖြစ်၏။ သြော်- အိပ်မက်ပါလားဟု သိလိုက်ရသော အခါတွင်မှ သူ့ရင်ထဲမှ အပူလုံးကြီးကျသွားသည်။ သူသည် ခုန်ချသည်ကတော့ ဟုတ်ပါ၏။ သို့သော် သုံးထပ်တိုက်ပေါ်မှမဟုတ်၊ သူ့ကုတင်ပေါ်မှသာ ဖြစ်သည်။
သူ့နဖူးကို ရိုက်မိသည်မှာလည်း ကွန်ကရစ်အခင်းနှင့်မဟုတ်၊ ကုတင်ဘေးနားတွင် ချထားသော သံသေတ္တာ အစွန်းနှင့်သာ ဖြစ်သည်။ ဦးသီလာစာရက အံ့သြသော မျက်နှာနှင့်မေးလာသည်။
“ဦးသုမန အိပ်မက်က တော်တော်ဆိုးတယ်ထင်တယ်။ ဘယ်လိုဟာတွေ မက်လို့လည်း”
“တော်တော်တော့ ဆိုးတယ်ဘုရား”
သီးသူမနဒါပဲ ဖြေနိုင်သည်။ ဒီထက်ပိုလည်း မပြောချင်။ အိပ်မက်သည်ပင်လျှင် ရှက်စရာကောင်းလှပြီ။ တကယ်များဖြစ်သွားမည်ဆိုလျှင် ဦးသုမနရှေ့ဆက်၍ပင် မတွေးရဲတော့။ အိပ်မက်ထဲက စိတ်ဆင်းရဲမှုသည် အပြင်ဘက်ထိ ဂယက်ရိုက်လျက်ရှိသည်။ သူတစ်ခုခုကို ဆုံးဖြတ်ရတော့မည်။ ရှေ့တိုးမည်လား၊ နောက်ဆုတ်မည်လား။
ဖြစ်ချင်ရာဖြစ် ရှေ့တိုးလုပ်မည်ဆိုလျှင် သူ့ဆရာနှင့် မိဘများ မျက်နှာပျက်ကြမည်။ သာသနာသိက္ခာကျမည်။ သူအင်မတန် မြတ်နိုးသော မဖြူကိုလည်း ပတ်ဝန်းကျင်က ကျောင်းကြီးဖျက်မဆိုပြီး ကဲ့ရဲ့ရူတ်ချကြမည်။ နောက်ဆုတ်လျှင်တော့ သူနဲ့မဖြူတို့ နှစ်ယောက်သား စိတ်ဆင်းရဲရမည်။
အပျိုနှင့်လူပျို ချစ်ခင်ပေါင်းသင်းကြခြင်းသည် လောကအလိုအာဖြင့် ဘာမျှအပြစ်မရှိသော်လည်း သာသနာအလိုအားဖြင့် စာရိတ္တဖောက်ဖျက်မှုကြီး တစ်ခုသာဖြစ်၏။ စူးစိုက်ပြီးတွေးတောနေရာ နဖူးမှဒဏ်ရာကိုပင် သတိမရ၊ ခဏကြာတော့ ဦးခေမိန္ဒက ဆားကို အမှုန့်ကြိတ်ပြီး ဒဏ်ရာမှာလာသိပ်ပေးရင်း-
“ဦးသုမန အရှင်ဘုရားစိတ်တွေ သိပ်လှုပ်ရှားနေတယ်ထင်တယ်၊ ဒီနေ့ ဆွမ်းခံမထွက်နဲ့တော့ နားလိုက်ပါ”ဟု ပြောလာသည်။ ဦးသုမန ခေါင်းငြိမ့်ပြရင်း အိပ်ရာပေါ် အသာလှဲလိုက်သည်။ ဘာကိုမှ တိတိကျကျ မဆုံးဖြတ်နိုင်ပဲ သို့လောသို့လော တွေးတောရင်းဖြင့် အချိန်တွေကုန်လာသည်။ ဦးသီလာစာရနှင့် ဦးခေမိန္ဒတို့ပင် ဆွမ်းခံထါက်သွားကြပြီိ။ နာရီကိုလှမ်းကြည့်လိုက်တော့ နံနက်(၉)နာရီခွဲ၊ ထိုအချိန်မှာပင် အောက်ထပ်မှာ ကိုယ်တော်တစ်ပါး တက်လာပြီး-
“ဦးသုမနရှိသလား၊ တောင်သာက စာလာတယ်”ဟု ပြောသဖြင့် “ရှိပါတယ်” ဟုပြောပြီး စာကိုလှမ်းယူလိုက်သည်။
စာအိတ်နောက်ကျောကို ကြည့်လိုက်သည်နှင့် အဖေ့လက်ရေးမှန်း သိလိုက်သည်။ စာကို ကမန်းကတန်း ဖောက်ဖတ်လိုက်သည်။
သို့
သားမောင်ပဉ္စင်း
ဒကာကြီးစာရေး လျှောက်ထားလိုက်ပါတယ်။ အကြောင်းထူးရှိလို့ ရေးလိုက်တာပါ။ တောင်ဘက်ရွာက ကျောင်းထိုင်ဘုန်းကြီး ဦိးသောမ အမျိုးသမီးတစ်ယောက်နဲ့ ထွက်ပြေးသွားပြီ။ တစ်ရွာလုံး စိတ်ဆင်းရဲကျန်ခဲ့ကြတာပေါ့။ အဆိုးဆုံးကတော့ ဦးသောမမယ်တော် ဒေါ်အိကြီးပါပဲ၊ သားဘုန်းကြီး ရှိစဉ်တုန်းကတော့ ရဟန်းမယ်တော်ကြီးဆိုပြီးအတော်မျက်နှာကြီး ခဲ့တာကလား။
အခုသားဘုန်းကြီးက အမျိုးသမီးနဲ့ ထွက်သွားတယ်လည်းဆိုရော တော်တော်ကို စိတ်ထိခိုက်သွားဟန်တူတယ်။ အိပ်ယာထဲ လဲတော့တာပဲ၊ ဘာရောဂါမှလည်း ရှာလို့မတွေ့ဘူး၊ လေးရက်ပဲခံတယ်။ အခုဆုံးသွားရှာပြီ။ ဒေါ်အိအဖြစ်ကိုကြည့်ပြီး မောင်ပဉ္စင်းမယ်တော်က သူလည်း ဒီအဖြစ်ဆိုးကြုံမလားဆိုပြီး တော်တော် စိုးရိမ်ပူပန်နေတယ်။
မောင်ပဉ္စင်းသာ မိန်းမတစ်ယောက်နဲ့ဖောက်လွဲဖောက်ပြန် ဖြစ်သွားခဲ့ရင် သူလည်း ဒေါ်အိလိုသေမှာပဲလို့ ဒကာကြီးကို ပြောတယ်။ အဲဒါေ မောင်ပဉ္စင်းကိုလည်း မိန်းမတွေနဲ့ အနေအထိုင်ဆင်ခြင်ဖို့ သတိပေးခိုင်းလိုီ့ ဒီစာကို ရေးလိုက်ရတာပဲ။ မောင်ပဉ္စင်းလည်း ဗုဒ္ဓစာပေတွေ အများကြီးသင်နေရတာပဲ၊ ဒကာကြီး အထူးသတိပေးစရာ လိုမယ်မထင်ပါ။
ပညာရှ သတိဖြစ်ခဲဖြစ်မှာစိုးလို့ တစ်ခုတော့ သတိပေး လျှောက်ထားပါရစေ၊ ဗုဒ္ဓပရိနိဗ္ဗာန်စံတော်မှုခါနီးတော့ မရှင်းမလင်းတာကို ငါဘုရား ပရိနိဗ္ဗာန်မ၀င်စံခင် မေးကြလို့ မိန်တော်မှုတဲ့အခါ အရှင်အာနန္ဒာက-
“မြတ်စွာဘုရား၊ အမျိုးသမီးနဲ့ပတ်သက်ပြီး ရဟန်းတော်များ ဘယ်လိုနေထိုင ကျင့်သုံးရမယ်ဆိုတာ သိချင်ပါတယ်ဘုရား”
လို့လျှောက်တော့ မြတ်စွာဘုရားက
“အာနန္ဒာ အမျိုးသမီးများနဲ့ မတွေ့အောင်နေပါ”လို့ မိန့်တော်မှုပါတယ်။ ငါ့စိတ်ငါနိုင်ပါတယ်လေဆိုပြီး အနီးကပ်ရှောင်ရင် မလွတ်ဘူး၊ အဝေးကရှောင်မယ်ဆိုတာကို သိစေချင်လို့ ဒီစကားကို မိန့်တော်မှုတာပေါ့ မောင်ပဉ္စင်း၊ မောင်ပဉ္စင်းလည်း ရှောင်မယ်ဆိုရင် အဝေးကရှောင်ပါ။
နောက်တစ်ခါ အာနန္ဒာက-
“မတွေ့မဖြစ်လို့ တွေ့ရရင် ဘယ်လိုကျင့်သုံးရမလဲ ဘုရားလို့“ ဆက်မေးတော့ ဗုဒ္ဓက
“အာနန္ဒာ အမျိုးသမီးများကို မတွေ့မဖြစ်လိုက တွေ့ရရင် စကားမပြောပါနဲ့”တဲ့။
တစ်ခါအာနန္ဒာက စကားမပြောမဖြစ်လို့ ပြောရရင်ကောဘုရားလိုိ့ မေးလျှောက်တော့ ဗုဒ္ဓက“စကားကို အပြောမဖြစ်လို့ ပြောရရင် အမေအရွယ်ကို အမေလို၊ နှစ်မအရွယ်ကို နှစ်မလို၊ အစ်မအရွယ်ဆို အစ်မလို သဘောထားပြောပါတဲ့”
စိတ်အချရဆုံးကတော့ အမျိုးစမီးကို မတွေ့အောင်နေရင်တော့ အကောင်းဆုံးပေါ့ မောင်ပဉ္စင်းရယ်၊ အခုရွာက ကျောင်းထိုင်ဆရာတော်ကြီးဟာ သက်တော်တအားကြီးလာတော့ ကျန်းမာရေးမကောင်းတော့ဘူး၊ အိပ်ယာထဲလဲနေတဲ့အချိန်ကများတယ်၊ ဟောပြောဆုံးမှုလည်း မလုပ်နိုင်တော့ဘူး၊ ဒကာမကြီးတို့ မိသားစုအပါအ၀င် တစ်ရွာလုံးက မောင်ပဉ္စင်းကို မြန်မြန်ပြန်လာစေချင်ကြပြီ။
တခြားရွာက ကိုယ်တော်လေးတွေ ရွာကျောင်းဆရာတော်နဲ့ ရွာသူရွာသားတွေရဲ့ အထောက်အပံ့တွေကြောင့် မြို့တက်စာသင်ပြီး စာမေးပွဲတွေ အောင်ကြတယ်၊ မြို့လည်အနေကြာရော ဇီးသီးသည်မဗျိုင်း ဖြစ်ကုန်တာပဲ၊ မဗျိုင်းအမည်ရှိတဲ့ တောသူမဇီးသီးသည် တစ်ယောက်ဟာ ဘုရင်က တော်ကောက်သွားလို့ မြို့မှာ မိဖုရားကြီး ဖြစ်သွားတာပေါ့။
မိဖုရားလည်းဖြစ်သွားရော မာနတွေထောင်ပြီး ဘ၀မေ့သွားတယ်၊ တစ်နေ့ ဘုရင်ကလာဆက်သတဲ့ ဇီးသီးမျိုးကောင်းတွေစား မယ်လုပ်တော့ မိဖုရားဖြစ်နေတဲ့ မဗျိုင်းကမေးသတဲ့၊ မောင်တော် အဲဒါဘာသီးတွေလည်းတဲ့ အဲဒီမှာတင် ဘုရင်က ဘ၀မေ့တဲ့ မဗျိုင်းကို မိဖုရားအရာကချပြီး တောရွာပြန်ပို့လိုက်သတဲ့။
အခုလည်း မြို့ပေါ်ရောက်နေတဲ့ တောသားရဟန်းတော် အတော်များများဟာ ဘ၀မေ့ပြီး ကိုယ့်တောရွာ ကိုယ်ပြန်ပြီး သာသနာမပြုချင်ကြတော့ဘူး။ ရွာသူရွာသားတွေခမျာ ငယ်ဖြူ ကိုယ်တော်တွေ ပြန်မလာတော့ ဘာမှမတတ်၊ မသိတဲ့ တော်ထွက်ကြီးတွေပဲ ဆရာတော်လုပ် ကိုးကွယ်ရတော့တာပေါ့။
တောထွက်ဆိုတာ များသောအားဖြင့် သာသနာကြီးပွားလိုစိတ် မရှိကြဘူး၊ လာဘ်လာဘ တစ်ခုပဲ အရေးထားတယ်။ ဒီတော့ ကျောင်းသားမရှိဘူး၊ စာမှသင်မပေးပဲကိုး၊ ကျောင်းသားမရှိတော့ ကိုရင်မရှိဘူး၊ ကိုယ်ရင်မရှိတော့ ဘယ်မှာလာရှိတော့မှာလဲ ရဟန်း၊ ရဟန်းတွေ အလျင်မီအောင်မရှိရင် ဒီသာသနာ အနှေးနဲ့အမြန်ကွယ်ရတော့မှာပေါ့”
ဒကာကြီးလည်း မြို့မှာနေခဲ့ဖူးပါတယ်၊ မြို့ပေးလူတန်းစားဆိုတာ များသောအားဖြင့် သာသနာကို အသုံးချပစ္စည်းတစ်ခုလောက်သာ တန်ဖိုးထားကြတာပါ။ အလှူလုပ်ချိန်၊ အသုဘချချိန်လောက်တင် သာသနာကို သတိရိကြတာပါ။ ကိုယ့်သားသမီးကို ရဟန်း၊ သာမဏေဘ၀ရောက်ောအင် အားပေးသူဆိုတာ မရှိသလောက်ရှားပါတယ်။
တစ်ချို့ဆို၇င် ပါရမီရှိလို့ ကိုရင်ဘ၀မြဲနေတဲ့သားကိုတောင် ပညာရေးစကောစက ဖြစ်မယ်ဆိုတဲ့ စွဲချက်နဲ့ သင်္ကန်းကို အတင်းဆွဲချွတ်တဲ့ မိဘများကိုတောင် တွေ့ဖူးတယ်၊ ဒကာကြီးတို့ တောသားတွေကတော့ သားမွေးပြီဆိုတာနဲ့ ဘုန်းကြီးဖြစ်ဖို့ နည်းမျိုးစုံနဲ့ ကြိုးစားတော့တာပဲ။
အခု ၂၀၀၃ ခုနှစ်မှာ မြန်မာတစ်ပြည်လုံးသံဃာတော်ပေါင်း လေးသိန်းခန့်ရှိတယ်။ ဒကာကြီးပြောရဲတယ်၊ အဲဒီလေးသိန်းထဲက သုံးသိန်းကိုးသောင်းကိုးထောင်လောက်ဟာ တောသားတွေချည်းပါ။ မြန်မာပြည်သာသနာကို အသက်ဆက်ပေးနေတာ တောသားတွေပါ။
မောင်ပဉ္စင်းကို ခုလိုမြို့တက်ပြီး စာတတ်ပေတတ် ဖြစ်အောင် ရွာက ကျောင်းထိုင်ဆရာတော်ဘုရားကြီး အနစ်နာခံခဲ့ရတာပါ။ သူလည်း မြို့မှာ အဆက်အသွယ်ရှိတာပဲ၊ မနေခဲ့ရှာပါဘူး၊ အခု မောင်ပဉ္စင်းတို့ အလှည့်ရောက်ပြီ၊ တာဝန်သိသူအတွက် တာဝန်ရှိပါတယ်။ ရဟန်းဆိုတာ ဘာသာရေးမှာ ခေါင်းဆောင်ပါ။
ကိုယ့်တစ်ဘ၀တာ သာယာရေးကိုကြည့်ပြီး ရပ်ရွာသာသနာရေးကိစ္စတွေမှာ ခေါင်းမရှောင်သင့်ပါဘူး။ အခုဆိုရင် မောင်ပဉ္စင်း စာချတန်စာတွေ ပြည့်ပြည့်စုံစုံလိုက်ပြီးနေပြီပဲ၊ ကိုယ့်ရွာကိုယ်ပြန်နေပြီး သာသနာပြုရင်း စာမေးပွဲဖြေလည်းရပါပြီ။
သားမောင်ပဉ္စင်း ဘုရားသားတော်ပီပီ ဘုရားရှင်ကဲ့သို့ လောကကို မိမိအတွက်အသုံးမချပဲ မိမိကိုသာ လောကအတွက်အသုံးချသော ပါရမီရဓှင် သူတော်ကောင်းကြီးဖြစ်ပါစေ။
ဒကာကြီး ဦးဖိုးစ
အုန်းပင်တော၇ွာ
တောင်သာမြို့နယ်၊ မန္တလေးတိုင်း။
ဖခင်ကြီး၏စာသည် ဦးသုမနရင်ကို နင့်ကနဲဖြစ်သွားစေသည်။ သြော်...ငါဟာ ဆရာတော်နဲ့ ရပ်ရွာရဲ့ ကျေးဇူးကို မသိရုံတင်မကဘူး၊ ကျေးဇူးကန်းဖို့ပါ အားထုတ်နေမိတာပါလား၊ မဖြစ်ဘူး၊ မဖြစ်ဘူး၊ ငါဒီနေ့ပဲ တောင်သာကို ပြန်တော့မယ်၊ ဒကာကြီးပြောသလို ငါမဖြူကို ဝေးဝေးကရှောင်မှပဲဖြစ်မယ်ဟု ဆုံးဖြတ်ပြီး ပစ္စည်းပစ္စယများကို ခရီးဆောင်အိတ်ကြီးထဲ အမြန်ထည့်နေမိသည်။
ပြီးသည်နှင့် ကျောင်းထိုင်ဆရာတော်ကြီးအား ရွာကိုအပြီး ပြန်တော့မည့်အကြောင်း သွားရောက် လျှောက်ထားလိုက်သည်။ မဖြူကို ဘယ်လိုအသိပေး၇မည်နည်းဟူသော ပြဿနာက ခေါင်းထဲဝင်လာသည်။ ထိုအတွေးနှင့် အတူ မဖြူနှင့်တစ်သက်လုံး ခွဲရတော့မှာပါလားဟူသော အသိက ရင်ထမြှာ အလုံးကြီးတစ်လုံးဆို့သလို ဖြစ်လာသည်။ မနေတတ်မထိုင်တတ် ဖြစ်လာသဖြင့် လမ်းထလျှောက်သော်လည်း အလုံးဆို့နေခြင်းက ပြေမသွား၊ ငါဘယ်လို ဖြစ်တာပါလိမ့်ဟု တွေးသော်လည်း တွေးမရ။
ကုတင်ပေါ်ပြန်ထိုင်ပြီး မဖြူပေးထားသော မှတ်တမ်းစာအုပ်လေးကို ဖွင့်လိုက်သည်။ ဘယ်တုန်းက ရထားမှန်းမသိသော ကဗျာလေးတစ်ပုဒ်ကို ကောက်ကာငင်ကာ ရေးလိုက်သည်။ ကဗျာရေးဆဲမှာပင် သူ့မျက်လုံးမှ မျက်ရည်ပေါက်ကြီးနှစ်ပေါက်က စာအုပ်ပေါ်ကျသွားသည်။ ကဗျာရေးပြီးသွားတော့ အလယ်စာကြောင်း တစ်ကြောင်းပေါ်မှာ ကျလာသော မျက်ရည်နှစ်စက်ကြောင့် အကွက်နှစ်ကွက်ဖြစ်သွားသည်။
သူစာအုပ်ကို ခေါင်းအုံးဘေးချကာ ကုတင်ပေါ်လှဲချရင်း သင်္ကန်းကိုခေါင်းမြီးခြုံ၍ ကလေးတစ်ယောက်လို ရိူက်ကြီးတငင် ငိုနေမိသည်။ သူတသိမ့်သိမ့်ကြာအောင် မည်မျှငိုနေမိသည် မသိ၊ ခေါ်သံတစ်သံကြားမှ သင်္ကန်းကို ဖွင့်ကြည့်လိုက်ရာ ညှိးငယ်သောမျက်နှာများနှင့် ရပ်နေကြသော ဦးသီလာစာရနှင့် ဦးခေမိန္ဒတို့ကို တွေ့ရသည်။
သူ့ခေါင်းအုံး၊ သင်္ကန်းနှင့် မျက်နှာတို့တွင် မျက်ရည်တို့ဖြင့် စိုရွှဲနေသည်။ သူ့ရင်ထဲတွင် ဆို့နေသောအလုံးကြီးသည်လည်း ပြေသွားသည်ကို အံ့သြစရာကြုံရသည်။ မျက်ရည်သည် နှလုံးသားဝေဒနာကို ကုစားခြင်းတစ်မျိုးပါလားဟု သဘောပေါက်သွားသည်။
ဦးသီလာစာရက သူ့ကို နားလည်စွာကြည့်ရင်း
“ဦးသုမန ဆွမ်းစားရအောင် ၁၁ နာရီတောင်ခွဲ နေပြီ”
“တပည့်တော် ဆွမ်းစားလို့လည်းရမှာ မဟုတ်တော့ဘူး၊ ဒီနေ့မှီရာနဲ့ဘဲ ရွာကိုပြန်တော့မယ်၊ ဦးသီလာစာရစကားကိုလည်း တပည့်တော် နားထောင်တော့မှာပါ၊ ဒီမှတ်တမ်း စာအုပ်လေးကိုတော့ ဦးခေမိန္ဒက မဖြူကိုပေးလိုက်ပါ။ မဖြူမိဘတွေကိုတော့ အကျိုးအကြောင်းသိသွားအောင် ဒကာကြီးရေးလိုက်တဲ့စာကိုပဲ ပေးဖတ်လိုက်ပါ၊ အရှင်ဘုရားတို့လည်း ဖတ်ကြည့်လိုက်ပေါ့။ ကဲ...တပည့်တော်သွားပြီ။”
ခရီးဆောင်အိတ်ကြီးကိုဆွဲ၍ လှေကားမှ တစ်ထစ်ချင်း ဆင်းလာခဲ့သည်။ ကျောင်းအပြင်ရောက်သည်နှင့် ကားလမ်းမပေါ်ရောက်ပါပြီ။ ကက တက်စီကို လက်ပြတားပြီး တက်စီးလိုက်ပါသည်။
ကားပေါ်ရောက်သည်နှင့် ဒရိုင်ဘာက
“ဘယ်ကိုပို့ရမလဲ ဘုရား”
“စော်ဘွားကြီးကုန်း အဝေးပြေးဂိတ်ကိုသွားမယ်၊ ဒါပေမယ့် အေးရိပ်မွန်အိမ်ရာ ၅လမ်းဘက်ကနေ မောင်းပါ”
“အဲဒါဆိုရင် လမ်းမတည့်ဘူးဘုရား၊ ပြည်လမ်းအတိုင်းမောင်းမှပဲ လမ်းတည့်မယ်”
ဒရိုင်ဘာက အူတိအူကြောင်လှမ်းကြည့်ကာ သူပြေသည့် အေးရိပ်မွန်အိမ်ရာလမ်းအတိုင်း မောင်းပေးသည်။ ငါဘာဖြစ်လို့ မဖြူတို့အိမ်ရှေ့က ဖြတ်မောင်းခိုင်းပါလိမ့်၊ ဦးနှောက်၏ မတရား ညှင်းပန်းနှိပ်စက်မှုအောက်မှ နှလုံးသား၏ရှိသည့် အင်အားဖြင့် နောက်ဆုံး တော်လှန်မှုလေးတစ်ခုဖြစ်ကြောင်း သူသဘောပေါက်သွားသည်။
ရွာကို ချက်ခြင်းပြန်ရမယ်၊ ဤကား ဦးနှောက်၏အမိန့်ပေးမှု၊ မဖြူကို နောက်ဆုံးမြင်သွားချင်သေးတယ်၊ ဤကားနှလုံးသား၏ဆန္ဒ၊ မဖြူတိုကအိမ်ကို နည်းနည်းကျော်ပြီး ခပ်လှမ်းလှမ်းတွင် ကားကိုရပ်ခိုင်းလိုက်သည်။ သီလရှင်ဆယ်ပါးခန့် ဆွမ်းဆန်ရပ်နေသည်။ လာပါပြီ ဆွမ်းလောင်းချိန်တိုင်း ၀တ်လေ့ရှိသည့် ယောဂီထမီ၊ အဖြူရောင် လက်ရှည်အင်္ကျီလေးနှင့် မဖြူကို တွေ့လိုက်ရသည်။
သီလရှင်များကို ဆွမ်းဆန်နှင့် ၀တ္တုငွေတစ်ပါးခြင်းလှူနေသည်ကို ကြည်နူးဖွယ်မြင်နေရသည်။ ယောဂီရောင် တဘတ်ကလေးကိုလည်း ပုခုံးပေါ်တင်ထားသည်ကို တွေ့ရသည်။ နာမည်နှင့်လိုက်အောင် ဖြူဝင်းနုစိုနေသော မျက်နှာလေးကို နောက်ဆုံးကြည့်ခြင်း အနေဖြင့် သူမွတ်သိပ်စွာ ကြည့်နေမိသည်။ သူတို့နှစ်ဦးသည် စိတ်ကူးနှင့် ချစ်ခဲ့ကြပြီး ကိုယ်နှင့် ထိစပ်ငြိတပ်ခြင်းမရှိခဲ့ကြပေ။
ထို့ကြောင့် တစ်ဦးနှင့်တစ်ဦး စိတ်ဆက်သွယ်မှုတွင် အခြားသော ချစ်သူများထက် မြန်ဆန်လွယ်ကူလေသလောမသိ၊ ယခုလည်း အတော်ခပ်လှမ်းလှမ်းမှကြည့်နေသော ဦးသုမန၏ စိတ်ကို မဖြူက အလိုလိုသိသွားသည်။ သီလရှင်တွေလောင်းပြီးသွားသည်နှင့် ဦးပဉ္စင်းကို သတိရလိုက်တာဟူသော အတွေးနှင့်အတူ ဦးသုမနစီးလာသောကားကို အိမ်ထဲမ၀င်သေးဘဲ လှမ်းကြည့်မိသည်။
ချစ်သူနှစ်ဦးနောက်ဆုံးအနေဖြင့် အကြည့်ချင်းဆုံကြခြင်းပင်၊ သို့သော် ဦးသုမနက မဖြူမှန်းသိသော်လည်း မဖြူက ဦးသုမနမှန်းမသိ ရဟန်းတစ်ပါးဟု သာမာန်လောက်သာ သိသည်။ ဦးသုမန မျက်တောင်မခတ်မိဘဲ စိုက်ကြည့်နေရင်းက မဖြူ၏ပုံစံက မပီသတော့ဘဲေ၀၀ါးလာသည်။ အိုဘယ်လိုဖြစ်တာပါလိမ့်ဟု တွေးပြီး မျက်တောင်ခတ်လိုက်သောအခါတွင်မှ မျက်ရည်ဥကြီးနှစ်လုံး သူ့ပါးပေါ်ပြုတ်ကျသွားသည်။
သြော်...ငါ့နှလုံးသားက ဒုတိယအကြိမ် ငိုနေပြန်ပါမကောဟု သိလိုက်ချိန်မှာပင် မဖြူတစ်ယောက် ဆန်ထည့်သော ဇလုံလေးကိုပင် အိမ်ထဲပြန်မထားနိုင်ဘဲ သူတို့ကားဆီလျှောက်လာသည်ကို တွေ့ရသည်။ သူကမန်းကတန်း မျက်ရည်သုတ်ပြီး ကားဆရာကို မြန်မြန်မောင်းထွက်ရန် ပြောလိုက်သည်။
ကားထဲက ဦးပဉ္စင်းပဲ ဖြစ်ရမယ်။ ငါတို့ အိမ်ထဲမ၀င်ဘဲ ဘာဖြစ်လို့ အဝေးကြီးမှာသွားရပ်နေတာလည်း မသိဘူးဟူသော အတွေးနှင့်အတူ မဖြူကားလေးဆီသို့ ခပ်သွက်သွက်လျှောက်သွားမိသည်။ သို့သော် သူကားနားရောက်ခါနီးမှာပင် ကားက ဂူကနဲမောင်းထွက်သွားသည်။
ကားမောင်းထွက်သွားသည်နှင့် မဖြူရင်ထဲ ဟာကနဲကျန်ခဲ့သည်။ ဘာဖြစ်လို့ ကားကို မောင်းထွက်သွားတာပါလိမ့်၊ ဦးပဉ္စင်း မဟုတ်လို့ဘဲလား၊ ဦးပဉ္စင်းမျက်နှာကို ဘယ်လောက်ဝေးဝေးက ကြည့်ကြည့် ငါမှတ်မိတယ်၊ ငါက မျက်စေ့နဲ့တင်မကဘူး၊ နှလုံးသားနဲ့ပါ ကြည့်လိုက်တာ မှားစရာမရှိဘူး၊ အို...အတွေးရခက်လိုက်တာ။
မဖြူဆက်မတွေးတက်တော့သဖြင့် ဆွမ်းဆန်ဇလုံကို ပိုက်ကာ လေးကန်သော ခြေလှမ်းများဖြင့် တိုက်ထဲသို့ ပြန်ခဲ့ရတော့သည်။

အခန်း (၆)

ကိုယ်တော်တစ်ပါး ဆွမ်းသပိတ်ကပ်ရင်းဖြင့် မဖြူတိုင်ကပ်နာရီကို လှမ်းကြည့်လိုက်သည်။ ကိုးနာရီထိုးပြီ ဒီအချိန်ဆိုရင် ဦးပဉ္စင်းကြွလာနေကျပဲ၊ စိတ်စောနေသဖြင့် အိမ်ရှေ့ထွက်၍ လမ်းမဆီသို့ လှမ်းကြည့်မိသည်။ ကိုယ်တော်တစ်ပါးတော့ ကြွလာတယ်၊ ဒါပေမယ့် ဦးမဉ္စင်းမဟုတ်ဘူး၊ မျက်နှာကရင့်တယ်၊ ဦးပဉ္စင်းမျက်နှာက ကလေးလေးလိုနုနေတာပဲ စသည်ဖြင့်တွေးရင်း ဆက်ကြည်နေမိပြန်သည်။
ထိုအချိန်တွင် တခြားလမ်းမှ ကိုရင်တစ်ပါးကြွလာပြန်သဖြင့် ပြေးပြီးဦးချသည်။ ပြီးတော့ ဆွမ်းနှင့် ဆွမ်းဟင်းလောင်း၊ နောက်သပိတ်ကပ်၊ ဦးချပြီး တစ်ဖန်အိမ်ရှေ့သို့ထွက်ကာ ဦးသုမနကို မျှော်မိပြန်သည်။
“ဘုရား၊ တရား၊ သံဃာနဲ့ အသက်သိက္ခာဂုဏ်ဝါကြီးတဲ့ သူတွေကို ရှိခိုးဖို့၊ အရိုအသေပေးဖို့ ၀န်မလေးရဘူးနော် သိလားမဖြူ၊ ဘာဖြစ်လို့လည်းဆိုတော့ ရှိခိုးတဲ့သူ၊ အရိုအသေပြုတဲ့သူဟာ ဖြစ်ရာဘ၀ အသက်ရှည်ခြင်း၊ အဆင်းလှခြင်း၊ ချမ်းသာကြီးခြင်း၊ ခွန်အားဗလကြီးမားခြင်းဆိုတဲ့ ကောင်းကျိုးလေးမျိုးကို ရရှိခံစားရတယ်”
“အရှိခိုးခ့ရသူ၊ အရိုအသေအပြုခံရသူမှာတော့ ဘာကောင်းကျိုးမှ မရပါဘူး၊ ရှိခိုးခံထိုက်တဲ့၊ အရိုအသေပြုခံထိုက်တဲ့ သီလ၊ သမာဓိ၊ ပညာမရှိရင် တစ်ချို့ အပါယ်ငရဲတောင် သွားရသေးတယ်”
တန်ဖိုးဖြတ်လိုိ့မရသည့် အတွေးအခေါ်ပါသော ဦးသုမန၏ သြ၀ါဒစကားလေးများကိုလည်း နားထဲတွင် တစ်ရစ်ဝဲ၀ဲ ကြားနေသည်။ မဖြူရပ်စောင့်နေသည်မှာ နာရီဝက်ခန့်ပင်ရှိနေပြီ။ ခြေထောက်များပင် ညောင်းကိုက်လို့လာသည်။ ထိုအချိန်မှာပင် လမ်းထိပ်ဘက်ဆီသို့ သူရင်းနှီးပြီးသား မျက်နှာတစ်ခုကို လှမ်းမြင်လိုက်သည်။ ဒါဦးခေမိန္ဒဖြစ်ရမယ်၊ သီးခေမိန္ဒတောင်ကြွလာရင် ဦးပဉ္စင်း မကြွတော့ဖူးနေမှာဟူ၍ စိတ်ကို လျှော့ချလိုက်သည်။
အိမ်ထဲကိုတော့ ပြန်မ၀င်ဖြစ်သေး၊ ဦးပဉ္စင်းဘာဖြစ်လို့ မကြွတာလည်းဆိုတာ သေချာမေးရဦးမယ်၊ အတန်ကြာတော့ ဦးခေမိန္ဒ မဖြူတို့အိမ်ရှေ့ ရောက်လာသည်။ မဖြူကမန်းကတန်းမေးမိသည်။
“ဦးခေမိန္ဒ ဦးပဉ္စင်းဘာဖြစ်လို့ မကြွတာလဲ”
ဦးခေမိန္ဒက မဖြူကို ငေးမှိုင်သောမျက်နှာဖြင့် ကြည့်ရင်း
“မဖြူ ဦးသုမန သူ့ရွာကိုပြန်သွားပြီ”
“ဟင်”
ဟူသော အလန့်တကြား အာမေဍိတ်အသံလေးက မဖြူနှုတ်မှ ခုန်ပေါက်ထွက်သွားသည်။
“ဘာ...ဘာဖြစ်လို့ ပြန်သွားတာလဲ ဘုရား”
“သူ့ရွာက ကျောင်းထိုင်ဘုန်းကြီး ကျန်းမာရေးမကောင်းလို့ အရေးတကြီးပြန်ရတာပဲ၊ သူ့အဖေဆီက ထည့်လိုက်တဲ့စာကိုလည်း မဖြူမိဘတွေဆီ ပေးခိုင်းလိုက်တယ်။ ပြီးမှ မဖြူလည်း ဖတ်ကြည့်ပေါ့။ ရော့...ဒါက မဖြူရဲ့ မှတ်တမ်းစာအုပ် ဦးသုမနက မဖြူကို သေချာပေးပါလို့ မှာခဲ့တယ်”
မဖြူစာအုပ်လေးကို လက်ကမ်းယူလိုက်ရင်း မျက်ရည်မကျလာအောင် မနည်းထိန်းထားရသည်။ အိမ်ထဲ အမြန်ပြန်ဝင်ရင်-
“မေမေ ဒီမှာ သီးခေမိန္ဒက ပေးစရာရှိလို့တဲ့“
ဟု ဒေါ်ခင်ဝင်းကို အော်ပြောကာ သူ့အခန်းထဲ ပြေးဝင်လိုက်သည်။ တံခါးကို ၈ျက်ထိုးပိတ်ပြီးလျှင် စာအုပ်လေးကို ခပ်မြန်မြန် လှန်လိုက်သည်။ တခြားစာသားဘာကိုမှ မတွေ့ရ။ တစ်ကြောင်းနှင့် တစ်ကြောင်း ခပ်ခွာခွာရေးထားသော ကဗျာလေးတစ်ပုဒ်ကိုသာ တွေ့ရသည်။ ဝေ့တက်လာသော မျက်ရည်များကို မျက်တောင်ဖြင့် ပုတ်ခတ်ထုတ်လိုက်ပြီး ကဗျာကို သေချာ ဖတ်ကြည့်လိုက်သည်။
ပျိုမြစ်နုနယ်
လှမျိုးသွယ်ကို
ချစ်လျက်သာ
ခွဲရပါသည်
ကမ္မ၀ါထမ်း
ရွှေစာကျမ်းနှင့်
မောင့်မှာရဟန်း ဖြစ်သောကြောင့်။
မဖြူသိလိုက်ပါပြီ။ စိတ်နဲ့သာ ချစ်ခဲ့ကြ။ စိတ်နဲ့သာ စကားပြောခဲ့ကြသော သန့်ရှင်းဖြူစင်သည့် က္ကုနြေ္ဒရှင် ချစ်သူတွေရယ်ပါ။ အများကြီးပြောစရာ၊ ရေးစရာမလို စာပိုဒ်လေး ခုနှစ်ပိုဒ် ဖတ်ရသည်နှင့် သူတို့နှစ်ဦး ဒီဘ၀မှာဖြင့် ဘယ်တော့မှ မတွေ့ကြရတော့ဆိုသည်ကို အလိုလိုသိနေသည်။ စာအုပ်ကို မပိတ်လိုက်မိခင်မှာပင် မျက်ရည်နှစ်စက် ကဗျာစာကြောင်းများပေါ် ကျသွားပြီး အကွက်လေးနှစ်ကွက် ဖြစ်သွားသည်။
ချစ်သူနှစ်ဦး မဆုံဆည်းနိုင် နိုင်သော်ငြားလည်း မျက်ရည်စက်လေး စွန်းထင်းထားသော ကဗျာတစ်ပုဒ်ပေါ်တွင် မျက်ရည်စက်လေးခြင်း ဆုံဆည်းကျလေရာ ကဗျာတစ်ပုဒ်သာပါသည့် စာအုပ်လေးကို ပိတ်လိုက်ပြီး သည်နှင့် မဖြူတစ်ယောက် ခေါင်းအုံးပေါ်မျက်နှာအပ်ကာ အသံမထွက်အောင်ထိန်းပြီး တသိမ့်သိမ့်ငိုနေသည်။ တစ်သက်တာ ဝေးရပြီဟူသော အသိက နှလုံးသားကို ကြွေမွအောင် အဖျစ်ညှစ်ခံရသလို နာကျင်လှသည်။
အတော်လေးကြာတော့ ဒေါ်ခင်ဝင်းက မဖြူအခန်းတံခါးကို လာခေါက်ပြီး
“သမီးမဖြူ ထမင်းစားရအောင်လေ သမီးအခန်းထဲ အောင်းနေတာကြာလှပြီိ”
“မေမေသမီး နေမကောင်းလို့ ထမင်းမစားချင်ဘူး”
ဟူ၍သာ အသံကိုထိန်း၍ ပြန်ဖြေလိုက်သည်။ ထိုအခါဒေါ်ခင်ဝင်းက-
“အဲဒါဆို မေမေကြည့်ဦးမယ်လေ၊ သမီးတော်တော် ဖျားနေသလား”
“တအားမဖျားပါဘူး မေမေ၊ ခေါင်းအုံတာလောက်ပါ”
ထိုအခါကျမှ ဒေါ်ခင်ဝင်း ပြန်လှည့်ထွက်သွားသော အသံကို ကြားရသည်။ မဖြူဘယ်သူ့ကိုမှ မတွေ့ချင် တစ်ယောက်ထဲပနေချင်နေသည်။ ညစာစားချိန်ထိ သမီးဖြစ်သူထွက်မလာသော အခါတွင်ကား ဒေါ်ခင်ဝင်း စိတ်တအားပူသွားသည်။ သမီးအခန်းကို သွားပုန်ရပြန်သည်။
“သမီး မဖြူ ညနေစာစားကြမယ်လေ”
အခန်းထဲမှ ဘာသံမှထွက်မလာ၊ ဒေါ်ခင်းဝင်းက အသံကို မြှင့်လိုက်ကာ
“သမီးမဖြူ၊ အမေခေါ်နေတယ်လေ ကြားရဲ့လား”
အခန်းထဲမှကား တိတ်ဆိတ်နေမြဲ ဒေါ်ခင်ဝင်း စိုးရိမ်စိတ်ကြောင့် တုန်လှုပ်ခြောက်ခြား လာသည်။ တံခါးကို တအားထုပြီး ခေါ်ပြန်သည်။ အထဲမှ ဘာသံမှ ထွက်မလာသောအခါတွင်ကား ဦးသက်ထွန်းထိုင်နေသော ဧည့်ခန်းဆီသို့ အပြေးသွားသည်။ နူတ်မှလည်း-
“ကိုသက်ထွန်းလုပ်ပါဦး သမီးလေးကို ခေါ်လို့မရတော့ဘူး။ သူ့ အိပ်ခန်းတံခါးကြီးလည်း ပိတ်ထားတယ်”
“ဟေ...အိပ်များပျော်နေပါဦးမယ်ကွာ”
“ဘယ်ကအိပ်ပျော်ရမှာတုန်း၊ ကျွန်မတံခါးကို တအားပုတ်နှိုးတာ”
“ကဲ...အဲဒါဆိုမြန်မြန်လာ တံခါးကို သံတံရွင်းနဲ့ ကလန့်ပြီး ဖွင့်ရမှာပဲ”
ဒေါ်ခင်ဝင်းအော်သံကြောင့် တစ်အိမ်လုံး ရုန်းရင်းဆန်ခတ်ဖြစ်ပြီး မဖြူအိပ်ခန်းဆီ စုပြုံရောက်သွားသည်။ ဦးသက်ထွန်းက ယောက်ျားအားဖြင့် အခန်းတံခါးကို တအားပုတ်ကာ မဖြူနာမည်ခေါ်ပြီး နှိုးကြည့်ပြန်သည်။ အချီးနှီးသာ၊ ဘယ်လိုမှ မရတော့သည့်အဆုံး လူဝင်တံခါးကို သံတူရွင်းနှင့် ခက်ခက်ခဲခဲ ကလန့်ပြီးဖွင့်ရတော့သည်။
အခန်းတံခါးပွင့်လာသည်နှင့် အရင်ဆုံးတိုးဝင်သွားသူက ဒေါ်ခင်ဝင်း၊ ကုတင်ပေါ်တွင်ကား ပက်လက်ကလေး အသက်ပျောက်နေသော မဖြူ၏ရုပ်အလောင်းကို တွေ့ရသည်။ ဆွမ်းလောင်းစဉ်က ယောဂီဝတ်စုံလေးဝတ်လျက်အတိုင်းပင်။
“အဖြစ်ဆိုးလှချည်လား သမီးရဲ့”ဟူသော ဒေါ်ခင်ဝင်းငိုသံက ည၏တိတ်ဆိတ်မှုကို ဖောက်ထွင်းထွက်ပေါ်လာသည်။ ဦးသက်ထွန်း မျက်ရည်များက တစ်ပေါက်ချင်း လိမ့်ကျလာသည်။ သမီးကို ရင်ခွင်ထဲ ပွေ့ယူရင်း အိပ်ယာဘေးမှ ပုလင်းတစ်လုံးကို တွေ့၍ ကောက်ယူ ကြည့်လိုက်သည်။
“အဆိပ်ပုလင်းပါလား”
ဟူသော ငြီးတွားသံနှင့်အတု ဦးသက်ထွန်းလက်ထဲမှ ပုလင်းက ကြမ်းပြင်ပေါ် ပြုတ်ကျသွားသည်။ ဦးသက်ထွန်းက မျက်ရည်များကြားမှ ဒေါ်ခင်ဝင်းကို လှမ်းကြည့်ရင်း
“သမီးမှာ ဘာစိတ်ညစ်စရာတွေများ ရှိနေသလဲကွာ”
“ကျွန်မသိသလောက်တော့ ဘာစိတ်ညစ်စရာမှ မရှိပါဘူး”
ထိုခဏမှာပင် မဖြူ၏ညာဘက်လက်က တစ်စုံတစ်ရာကို မလွတ်တမ်းဆုပ်ထားသည်ကို တွေ့ရသဖြင့် ဒေါ်ခင်ဝင်းကလက်ကို ဖြေကြည့်သည်။
သူတစ်ပါးလုယူသွားမှာ စိုးသည့်အလား တင်းကြပ်စွာဆုပ်ထားသော လက်ချောင်းများကို ဒေါ်ခင်ဝင်းဖြေ၍မရပေ”
ဦးသက်ထွန်းနှင့် နှစ်ယောက်ပေါင်းဖြေကြည့်မှ ဆယ်ကြိမ်မြောက် သွေးလှူရှင် တံဆိပ်ရင်ထိုးလေး ဖြစ်နေသည်ကို တွေ့ရသည်။ သို့သော် ဦးသူမနပေးထားမှန်း နှစ်ယောက်စလုံးမသိကြ။ မဖြူသူငယ်ချင်း တစ်ယောက်ကပေးထားသည်ဟု ထင်ကြသည်။
ဦးသက်ထွန်းက ရင်ထိုးလေးကိုကိုင်ကြည့်ရင်း
“သမီးနှစ်သက်တဲ့ပစ္စည်းကို သမီးနဲ့အတူ ထည့်ပေးလိုက်မှပါကွယ်” ဟုဆိုပြီး မဖြူရင်ဘတ်မှာ တွယ်ပေးလိုက်သည်။ ဒေါ်ခင်ဝင်း၏ မချိတင်ကဲ ငိုကြွေးသံများက တစ်ညလုံး မစဲတော့ပါချေ။

အခန်း(ရ)

ဦးသုမနရောက်လာတော့ အုန်းပင်တောတစ်ရွာလုံး ၀မ်းသာကြသည်။ ကျောင်းထိုင်ဆရာတော်ကြီးကလည်း စိတ်ချရအောင်ကျောင်းကို ဦးသုမနအား တစ်ခါတည်း လွှဲအပ်လိုက်သည်။ ကျောင်းသာယာရေးကိစ္စ၊ ကျောင်းသားများ ပညာရေးကိစ္စ၊ သာရေး နာရေး ကိစ္စများဖြင့် တရစပ် အလုပ်များနေရာ ရန်ကုန်မှလာသော နှလုံးသားဒဏ်ရာက သက်သာစပြုသလိုိရှိလာသည်။
ထိုအချိန်မှာပင် သက်သာစပြုနေသော ဒဏ်ရာကို ဓားနှင့် ဆွသလိုဖြစ်စေသည့် အကြောင်းတစ်ခု ပေါ်ပေါက်၍ လာသည်။ ပေါ့စေလိုလို ကြောင်ရုပ်ထိုး၊ ဆေးအတွက်လေးဟူသော စကားပုံအတိုင်းဖြစ်စေမည့် စာတစ်စောင်က ဦးသုမနဆီကို ရောက်လို့လာသည်။ ဦးခေမိန္ဒဆီမှ ရေးလိုက်ခြင်းဖြစ်သည်။ စာပေးသူပြန်သွားသည်နှင့် ဦးသုမနက စာအိတ်ကို ချက်ခြင်းဖောက်ပြီးဖတ်လိုက်သည်။
သို့
ဦးသုမန
သတိတရစာသ၀ဏ်လွှာပါးလိုက်ပါတယ်။ အကြောင်းထူးရှိလို့ ရေးလိုက်ရတာပါ။ ဒီအကြောင်းကို ဦးသုမနဆီ ရေးသင့်၊ မရေးသင့် တပည့်တော်နဲ့ ဦးသီလာစာရတို့ အထပ်ထပ်အခါခါ ဆွေးနွေးတိုင်ပင်ကြတယ်။ နောက်ဆုံး အသိပေးသင့်တယ်လို့ယူဆလို့ ဒီစာကို တပည့်တော်ရေးလိုက်တာပါ။
ဦးသက်ထွန်းတို့ ဒေါ်ခင်ဝင်းတို့ကလည်း ဒီအကြောင်းကို အရှင်ဘုရားဆီ အကြောင်းကြားပေးဖိုိ့ လျှောက်ထားလာတယ်။ အရှင်ဘုရားရဲ့ ရဟန်းအမလို့လည်းခေါ်နိုင်၊ ဆွမ်းအမလို့လည်းခေါ်နိုင်တဲ့ မဖြူတစ်ယောက ဆေးသောက်ပြီး သူ့ကိုယ်သူ အဆုံးစီရင်သွားရှာတယ်။
“ဟင်”
“ဖြစ်မှဖြစ်ရလေ မဖြူရယ်”
ဟုပြီးတွားရင်း စာရွက်ကလေးသည် ဦးသုမနလက်ထဲမှ လွတ်ကျသွားသည်။
“ငါမှားတယ်၊ ငါမှားတယ်၊ ဘာအကျိုးအကြောင်းမှမပြောပြဘဲ သူရဲဘောကြောင်ပြီး လက်လွတ်ပြေးခဲ့တဲ့ ငါ့ရဲ့အမှားပဲ”
“တခြား ဘာအကြောင်းမှ မရှိပါဘူး မဖြူရယ်၊ မောင်ဟာ ရဟန်းဖြစ်နေတာ တစ်ခုကြောင့်ပါ”
“မောင်ဟာ ရဟန်းဖြစ်နေတာ တစ်ခုကြောင့်ပါ မဖြူ”
“မောင်ဟာ ရဟန်းဖြစ်နေတာ တစ်ခုကြောင့်ပါ မဖြူ”
ဦးသုမနသည် ထိုစကားဝါကျကိုသာ အထပ်ထပ်အခါခါ ပြောနေသည်။ စာတက်ချိန်ကျ၍ ကိုင်ရင်ကျောင်းသားများ သူ့ကုလားထိုင်ဘေးမှ ၀ိုင်း၍ ထိုင်နေကြသော်လည်း သူကား သတိထားမိဟန်မရှိ။ အထက်ပါ စကားဝါကျကိုသာ ခပ်ကျယ်ကျယ်ကြီး ဆက်ကာဆက်ကာ ပြောနေသည်။
သေချာစိုက်ကြည့်လျှင် သူ၏ မျက်စိသူငယ်အိမ်သည် ၀ဲလှည့်သလိုလည်နေသည်ကို တွေ့ရမည်ဖြစ်သည်။ ဦးသုမနက စာမချဘဲ သူတို့ကို စိုက်ကြည့်ပြီး ပြောချင်ရာ ပြောနေသောအခါ ကိုရင်ကျောင်းသားများ ထပြေးကြပြီး လူကြီးများကို သွားခေါ်ကြသည်။
ရပ်ရွာလူကြီးများသည် တခြားအိမ်က လူနာကိုလာကြည့်သော ဆရာဝန်ကိုပင် အကျိုးအကြောင်းပြောပြပြီး မေတ္တာရပ်ခံကာ ခေါ်လာကြသည်။ လူကြီးများခေါ်ဆောင်မှုဖြင့် ဦးသုမနသည် သူ့အခန်းက ကုတင်ပေါ်ရောက်ပြီး ပက်လက်ကလေးဖြစ်နေသည်။ သို့သော် ဦးသုမနကား အထက်ပါစကားဝါကျက်ို အဆက်မပြတ် ပြောနေဆဲသာဖြစ်၏။
ဆရာဝန်က မျက်ခွံတွေကိုပါ လှန်ကြည့်လိုက်ပြီး
“စိတ်တော်တော် ထိခိုက်သွားတယ်၊ လအတော်ကြာအောင် စိတ်ငြိမ်ဆေးတိုက်ပေးရမယ်”
ဟူသော စကားသည် အုန်းပင်တောရွာသားများ ရင်ကို ခြေနှင့် ကန်လိုက်သလို ဖြစ်သွားသည်။ ဦးသုမနကား တခြားဘာအသိမှမရှိတော့”
“မောင် ဟာ ရဟန်းဖြစ်နေတာ တစ်ခုကြောင့်ပါ မဖြူရယ်”
ဟူ၍သာ အထပ်ထပ်အခါခါ ပြောနေလျှက်...။

လှပချင်ရင် ရုပ်ကိုလည်းပြင် စိတ်လည်းပြင်ပါ

စကားချီး။ ။ မန္တလေး မစိုးရိမ်ကျောင်းတိုက်၊ မဟာနာယက အဂ္ဂမဟာပဏိတ အဘိဓဇမဟာရဋ္ဌဂုရု မစိုးရိမ် ပဋ္ဌာန်းဆရာတော်ဘုရားကြီး အရှင်ဝိသုဒ္ဓါဘိဝံသက အများသူငါ အမြဲနှလုံးသွင်းဖို့ ဆုံးမတော်မှုခဲ့တဲ့ ဆုံးမစာတစ်ပုဒ်ကို ကောက်နုတ်တင်ပြလိုပါတယ်။
ကောက်နုတ်ချက်မျာကတော့-
“တန်းတူတွေ့ရင် မေတ္တာဝင်၊ မ၀င်နိုင်က ပြိုင်တတ်တယ်။
ပြိုင်မယ့်အစား မေတ္တာပွား၊ စိတ်ထားပြုပြင် ပြောင်းပါ့မယ်။
ကိုယ့်အောက်တွေ့ရင် ကရုဏာဝင်၊ မ၀င်နိုင်က နိုင်တတ်တယ်။
နိုင်မယ့်အစား ကရုဏာပွား၊ စိတ်ထားပြုပြင် ပြောင်းပါ့မယ်။
ကိုယ့်ထက်သာရင် မုဒိတာဝင်၊ မ၀င်က္ကုသာ ယိုင်တတ်တယ်။
ယိုင်မယ့်အစား မုဒိတာပွား၊ စိတ်ထားပြုပြင် ပြောင်းပါ့မယ်။
ရုပ်ကိုလည်းပြင်၊ စိတ်လည်းပြင်၊ ပြင်ဆင်တိုင်းလှ၊ ပြုတိုင်းရ၊ သုခန်ဗ္ဗာနတိုင်လိမ့်မယ်” လို့ ဖြစ်ပါသည်။
များသောအားဖြင့် ကလေးများ လူငယ်များ တက်ရောက်ကြတဲ့ ယဉ်ကျေးမှုသင်တန်းများမှာ အဲသည်ဆုံးမစာမျိုးတွေကို သင်ကြားပေးလေ့ရှိပါတယ်။
သေသေချာချာ နှလုံးသွင်းရင်း ရွတ်ဆိုပူဇော်ရင် စိတ်ကိုများစွာ အေးချမ်းသွားစေတဲ့ ဆုံးမစာဖြစ်ပါတယ်။
လက်တွေ့လုပ်ဆောင်နိုင်ရင် ပိုပြီးအကျိုးရှိမှာ ဖြစ်ပါတယ်။ အဲသည်ဆုံးမစာကို အင်မတန်မှလည်း သဘောကျနှစ်ခြိုက်ပါတယ်။ လူတွေဟာ စိတ်ကိုအလှပြင်ရင် ရုပ်လည်း ပိုမိုလှပလာတယ်ဆိုတာကို သတိမေ့မေ့နေတတ်ပါတယ်။ အထူးသဖြင့် ပျိုပျိုမျစ်မျစ် ချစ်စရာ့အရွယ် သားသမီးကလေးများဟာ သူ့အရွယ်နဲ့သူ လှပအောင်ပြင်ချင်လေ့ ရှိပါတယ်။
အဲသည်လူငယ် လူရွယ် မိန်းကလေး ယောက်ျားကလေးများအတွက် စိတ်ညွှတ်ပြီး စာကလေးနည်းနည်းရေးကြည့်ချင်လို့ ဆရာတော်ကြီးရဲ့ ဆုံးမစာထဲက “ရုပ်ကိုလည်းပြင် စိတ်လည်းပြင်” ကိုမှီးယူလိုက်ရပါတယ်။
လာပြန်ပြီ။ အလှပြင်တာကိုလည်း ဘုရားစာထဲက မှီးပြန်ပြီလို့ ပြောမယ့် သူတွေလည်း ရှိချင်ရှိမှာပဲလေ။ မှီးရမှာပေါ့၊ မြတ်စွာဘုရား အဆုံးအမပဲဟာ။
မြတ်စွာဘုရားရှင် ကိုယ်တော်တိုင်က တပည့်သာဝကများကို တင့်တယ်အောင် သင်္ကန်းအစရှိသည်တို့ကို ၀တ်ဆင်ကြဖို့ မိန့်တော်မှုခဲ့ပါတယ်။ တကယ်တော့ ပြုပြင်ပြောင်းလဲနေရတဲ့ လောကကြီးထဲမှာ ကိုယ့်ရုပ်ကိုရော ကိုယ့်စိတ်ကိုရော ပစ်စလက်ခတ်ထားလို့ မဖြစ်ပါဘူး။ သင့်တင့်အောင် ပြုပြင်နေရမှာ ဖြစ်ပါတယ်။ သင်္ကန်းကို ၀တ်ရုံတဲ့အခါမှာ အ၀န်းအ၀ိုင်းညီအောင် ၀တ်ဆင်ကြဖို့လည်း ပညတ်တော်မှုခဲ့ပါတယ်။ တစ်ခုတော့ သတိထားရပါလိမ့်မယ်။ ၀တ်ဆင်သင့်တဲ့ သင်္ကန်းနဲက မသုံးစွဲသင့်တဲ့ ပစ္စည်းများကိုလည်း ၀ိနည်းသိက္ခာပုဒ်များနဲ့ ပညတ်တားမြစ်ပြီးသား ဖြစ်ပါတယ်။ အဲသည်လို တားမြစ်ထားတဲ့ သင်္ကန်း၊ အဲသည်ပစ္စည်းကို မြတ်စွာဘုရားရှင်ရဲ့ သာဝကများက မသုံးဘဲ ရှောင်ရှားတော်မှုကြရမှာ ဖြစ်ပါတယ်။ အားလုံးဟာ အနိစ္စချည်းပဲ။ မမြဲမှမမြဲတာဆိုတဲ့ ဆင်ခြေကိုပေးပြီး ညစ်ပေနံစော်နေတဲ့ သင်္ကန်းကို မသေမသပ် ၀တ်ရုံသွားလာနေရင် အာပတ်သင့်ပါတယ်။
လူမှာတော့ အာပတ်နဲ့ ပညတ်ထားတာ မရှိဘူးပေါ့။ သို့သော် လူအများနဲကနေထိုင်နေရတဲ့ ပတ်ဝန်းကျင်ထဲမှာ ကိုယ်ထင်သလို နေထိုင်လို့ မဖြစ်ပါဘူး။ တစ်ကိုယ်ရေသန့်ရှင်းရေးဆိုတာ ကိုယ့်အတွက်လည်း သန့်ရှင်းပြီး စိတ်ရောလူပါ ရွင်လန်းကာ ကျန်းမာစေပါတယ်။ ထို့အတူ ကိုယ့်ကို မြင်ရတဲ့သူများမှာလည်း စိတ်အနှောက်အယှက် မဖြစ်တောူ့းပေါ့ ဆံပင်က ဖရိုဖရဲပွရူပ်နေပြီး အ၀တ်ကလည်း အကောင်းစားဖြစ်ပေမယ့် ကိုယ်ပေးမှာ မသမေသပ်ဖြစ်နေရင် လူတွေအဖို့ စိတ်အနှောက်အယှက်ဖြစ်မှာ သေချာပါတယ်။ အဲသည်လိုပြောတာဟာ မိန်းကလေးရော ယောက်ျားကလေးပါ ပါရှိတယ်နော်။ တစ်ကိုယ်ရေသန့်ရှင်းရေးကို ဂရုမစိုက်ဘဲ အနံ့တထောင်းထောင်းနဲ့ နေတဲ့သူများကို လူတွေက မတတ်သာလို့သာ ပေါင်းသင်းဆက်ဆံနေရတာပါ၊ နှစ်လိုခင်မင်ခြင်းတော့ မရှိတတ်ပါဘူး။
ရေမွှေးတော့ သုံးပါရဲ့၊ သန့်ရှင်းအောင် ရေချိုးခြင်းမလုပ်ဘဲ ရေမွှေးသုံးရင် ရေမွှေးနံ့နဲ့ ပေါင်းစပ်လိုက်မှ သူများမှာ ပိုပြီး ဒုက္ခရောက်သွားစေတဲ့အနံ့ကို ရတတ်သေးလို့ သတိထားရပါတယ်။ ရေသေသေချာချာချိုးပြီး သန့်ပြန့်တဲ့အ၀တ်အစားကို အရွယ်နဲကရောသွားမယ့်နေရာနဲ့ရော လိုက်လျောအောင်ဝတ်တတ်မှ ကြည့်လို့လှပပါတယ်။
ကြီးကြီးတို့ငယ်ငယ်က ကြီးကြီးတို့ထက်ငယ်တဲ့ မိန်းကလေးတစ်ယောက်ဟာ အပျိုကြီးဂိုက်ဖမ်းပြီး ပြင်ဆင်လေ့ရှိပါတယ်။ သူက သူ့ခေတ်နဲ့သူ လိုးလားနှစ်သက်ဖွယ်ကောင်းတဲ့ အရာရှိတစ်ယောက်ကို မှန်းနေတာကို။ နောက်တော့ သူသာဘူးသီးနုနု အမွှေးသပ်ထားသလို ဖြစ်သွားပါတယ်။ အရာရှိက ကန်ကုန်ပြန်သွားရော။ တကယ်တော့ သူ့အရွယ်နဲ့သူဝတ်ဆင်နေထိုင်မှ စိတ်ဝင်စားစရာကောင်းမှာ ဖြစ်ပါတယ်။ ပြီးတော့ မဆွတ်ခင်က ညွှတ်ချင်နေတာကို သိသာအောင်ပြသခြင်းဟာလည်း စိတ်ဝင်စားမှုကို လျော့ပါးစေပါတယ်။
အ၀တ်အစားဝတ်တဲ့ နေရာမှာလည်း အထက်မှာပြောခဲ့သလို ကိုယ်နဲ့မလိုက်ဖက်တဲ့ ကိုယ့်အရွယ်နဲက မလိုက်ဖက်တဲ့ အ၀တ်အစားကို ကြီးသူရော ငယ်သူပါ မ၀တ်သင့်ပါဘူး။ အထူးသဖြင့် ကြီးကြီးတို့ဆိုရင် အရွယ်နဲ့ မလိုက်ဖက်ဘဲဖြစ်နေမှာကို သတိထားရပါတယ်။ မိမိအသက်အရွယ်နဲ့ မလိုက်ဖက်တဲ့ အဆင်အသွေး၊ ဖက်ရှင်နဲ့ အဆင်တန်ဆာတွေကလည်း တွဲလွဲဆွဲနေသေးတယ်ဆိုိရင်တော့ လှလာမှာထက် ကလက်သွားမှာက သေချာသလောက် ဖြစ်နေပါတယ်။ ပါဠိလိုလည်း ဝေါဟာရတစ်ခု ရှိပါတယ်တဲ့။ အဲသည်လို အရွယ်နဲ့မလိုက် ၀တ်ဆင်ပြီး အချိုးမပြေဖြစ်နေတဲ့ အဘိုးတွေ အဘွားတွေဟာ ဥမ္မတကော ၀ိယ၊ အရူးနဲကတူတယ်တဲ့။ မှတ်ကရော။
လူပျို အပျိုအရွယ် သမီးတို့ သားတို့ အရွယ်ကတော့ ကလက်သွားမှာ မစိုးရပါဘူး။ သို့ပေမဲ့ ပျက်တက်တက်အသွင်ကို ဆောင်သွားမှာ စိုးရပါတယ်။ အခုခေတ်က ဆန်းသည်ထက်ဆန်းတဲ့ ဖက်ရှင်တွေကိုထွင်ပြီး ၀တ်နေကြတော့ ကိုယ်နဲ့လိုက်သလား၊ မလိုက်ဘူးလားဆိုတာကို မစဉ်စားတော့ဘဲ ဆန်းတယ်ဟေ့ဆိုရင် ကိုယ်ပေါ်တင်ချင်တတ်ကြပါတယ်။ အဲသည်တော့ လုံခြုံအပ်တဲ့ ကိုယ်ခန္ဓာအစိတ်အပိုင်းများက မလုံခြုံတော့ဘဲ အမြင်မှာ မတင့်တယ်အောင် ဖြစ်သွားတတ်ပါတယ်။
မြ၀တီရုပ်မြင်သံကြားက လွှင့်သွားတာကြာပြီ ဖြစ်ပေမယ့် မှတ်မိနေကြဦးမယ့် ဇာတ်ကားလေးတစ်ကားလေ။ “ဖန်ခြေနင်းနဲက ယမင်းရွှေစင်” ဆိုရင်မှတ်မိကြမှာပါ။ ဂျန်ဂျယ်ဟော့၊ ဂင်ထယ်နီး၊ လီဆောင်းဦးနဲ့ ဆွန်ဟီးတို့ပါတဲ့ ဇာတ်ကားထဲမှာ ဇာတ်လိုက်မင်းသမီးဖြစ်တဲ့ လီဆောင်းဦးဟာ လူဆိုးမကလေးဖြစ်တဲ့ ဆွန်စီကို လှတဲ့နေရာမှာ နည်းနည်းကလေးမှ မမီပါဘူး၊ ဆွန်ဟီးက လှပါတယ်။ သို့ပေမဲ့ သူ့ဇာတ်ရုပ်ကလို သူပီပြင်အောင် မလုံမလဲ ဖရိုဖရဲအ၀တ်အစားတွေကို ၀တ်ထားရတော့ သူ့ပင်ကိုယ်လှတာက မပေါ်လွင်တော့ဘဲ ပျက်တက်တက်ဖြစ်နေပါတယ်။ ဆောင်းဦးကတော့ သူ့ဇာတ်ရုပ်ကို ရုပ်နဲကမထိန်းဘဲ (ဒါရိုက်တာက ခိုင်းတာောတ်တာလည်းပါမှာပေါ့) တက်ကြွဖျတ်လတ်မှု၊ ကြည်သာရွှင်လန်းမှု၊ အ၀တ်အဆင် ရိုးသားပြေပြစ်မှုတို့နဲ့ ထိန်းထားတာကို ကြီးကြီး သတိထားမိလိုက်ပါတယ်။
တချို့သောကလေးတို့က ဆွန်ဟီးလိုမဖြစ်အောင် အပြုမှုနဲ့ ထိန်းလို့ရပါတယ်လို့ ဆင်ခြေပေးကောင်းပေးပါလိမ့်မယ်။ အ၀တ်ကဖျက်၊ ဆံပင်အပြင်အဆင်က ဖျက်ပြီးရင်တော့ တည်ကြည်တဲ့ ကြည်စင်ရွှင်လန်းတဲ့ အလှမျိုးကို ရဖို့ခက်သွားမှာ ဖြစ်ပါတယ်။ ပြီးတော့လည်း ဟီရိသြတပ္ပနည်းပါးတဲ့ အ၀တ်အဆင်နဲက မိန်းမသားကို လူတော်တော်များများက မလေးစားတတ်ပါဘူး။ တကယ်တော့ အ၀တ်အစားဝတ်တယ်ဆိုတာ ယဉ်ကျေးမှုတိုးတက်တဲ့ သဘောကိုဆောင်တာပါပဲ။ အပူအအေးက လုံခြုံအောင်၊ အရှက်မရအောင်၊ လှပအောင်ဆိုတဲ့ ပဓာနရည်ရွယ်ချက်တွေနဲ့ အ၀တ်ဝတ်ကြတာ ဖြစ်ပါတယ်။ တကယ်တော့ လှပတာ၊ နျစ်သက်စဖွယ်ဖြစ်တာ၊ လေးစားဖွယ်ဖြစ်တာတွေဟာ ကာယကံရှင်ရဲ့ သဘောထား မဟုတ်ပါဘူး။ ရူမြင်သူများရဲ့ သဘောထားဖြစ်ပါတယ်။ အခုခေတ်မှာ ခေတ်မီမှ လူကြိုက်တာ၊ ပုံတုံးရင် လူမကြိုက်ဘူးလို့ ဆင်ခြေပေးရင်လည်း ရပါတယ်။ သို့သော် အဲသည်လို ကိုယ်ခေတ်မီနေတာကို ကြိုက်တဲ့သူရဲ့ စိတ်နေသဘာဝနဲ့ ရင့်ကျက်မှု ဆင်ခြင်တုံတရား ရှိမှုတို့ကိုပါ ထည့်သွင်းစဉ်းစားဖို့တော့ လိုအပ်မှာ ဖြစ်ပါတယ်။
သမီးတို့ သားတို့မှာ အလှရတနာတစ်ခု ရှိနေပြီးသားပါ။ အရွယ်၏ကောင်းခြင်းဆိုတဲ့ ရတနာဟာ ၀ယ်လို့ မရပါဘူး။ ကြီးကြီးတို့လို အိုမင်းသွားတဲ့သူမျိုး မပြောနဲ့၊ လူလတ်ပိုင်းကို ရောက်သွားတဲ့သူမျိုးတောင်မှ သမီးကလေးတို့လို ပျိုပျိုရွယ်ရွယ်ကလေးများကို တုပလို့မဖြစ်ပါဘူး။ အဲသည်လိုလှပတဲ့အရွယ်မှာ လှပအောင် ပြင်ဆင်ခါင့် အပြည့်အ၀ရှိပါတယ်။ လှပအောင် ပြင်တဲ့နေရာမှာ ကာလ ဒေသနဲ့ လိုက်လျောစွာ တင့်တယ်နေသင့်ပါတယ်။
ခေတ်က ပြောင်းသလို ၀တ်ဆင်မှုလည်း ပြောင်းသွားတာပါပဲ။ တစ်ခါတုန်းက ပြိုင်ပွဲတစ်ခုမှာ ပြိုင်ပွဲဝင်တဲ့ကလေး တစ်ယောက်က မြန်မာအ၀တ်အစားကို ရိုးရာအ၀တ်အစားဖြစ်လို့ ကြိုက်ပါတယ်လို့ ဖြေခဲ့ပါတယ်။ ကလေးဆိုတော့ သင်ထားတဲ့အတိုင်း ဖြေတာဖြစ်ပါတယ်။ တကယ်တော့ မြန်မာတို့လည်း အခြေအနေ အချိန်အခါအလိုက် ၀တ်ဆင်ပုံ ပြောင်းလဲသွားတာပါပဲ။ ဟိုတုန်းကလို ဘီးဆံထုံးကြိး ထုံးပြီး ထဘီခြေဖျားခတ်နဲ့ မနေနိုင်တော့ပါဘူး။ ထိုင်မသိမ်းဆိုရင်လည်း ဝေလာဝေးပေါ့။ အဲသည်လို အ၀တ်အဆင်ပြောင်းရတာက လူနေမှုစနစ် ပြောင်းလဲသွားတာကြောင့်လည်း ပါတာပေါ့။ မိန်းကလေးပဲဖြစ်ဖြစ် ယောက်ျားကလေးပဲဖြစ်ဖြစ် သုတ်သုတ်သွား သုတ်သုတ်လာကြရတာလေ။ အဲသည်လို သုတ်သုတ်သွားလာနေတာတောင်မှ ပုဆိုးနဲ့ ထဘီနဲ့ ၀တ်ဆင်လို့က အတော်အဆင်ပြေနေပါတယ်။ ပူအိုက်လိုိ့ ချွေးစိုတာပဲဖြစ်စေ၊ မိုးမိတာပဲဖြစ်စေ ထဘီတို့ ပုဆိုးတို့က လှည့်ဝတ်လို့ရပါတယ်။ ပူလွန်းရင် လူမမြင်တဲ့နေရာမှာသွားပြီး လုံကွင်းကိုလှည့်ပြီး အပူအအိုက် သက်သာအောင် ခါထုန်နိုင်ပါသေးတယ်။
အင်္ကျီဝတ်တဲ့အခါမှာ မိမိနဲ့လိုက်လျောတဲ့ အဆင်၊ ပုံစံမျိုးများကို ချုပ်လုပ်ပြီး ၀တ်နိုင်ပါတယ်။ သို့ပေမယ့် အမိအဘ မောင်ဖားများနဲ့ ဦးကြိး ဦးလေးများရှေ့မှောက်မှာ သိုသိပ်စွာဝတ်ဆင်နိုင်တဲ့ပုံ ဖြစ်သင့်ပါတယ်။ ရင်ဟိုက်ထားတဲ့ အင်္ကျီကို ၀တ်ပြီး အဲသည်လိုလေးစားရမယ့် သူများရှေကမှာ မနေသင့်ပါဘူး။
အထူးသဖြင့်သတိပေးချင်တာက အမျိုးသမီးကလေးများဟာ လုပ်ငန်းခွင်များမှာ ဖြစ်စေ၊ သူငယ်ချင်းများနဲက လွတ်လပ်စွာ သွားလာလည်ပတ်တဲ့အခါမှာ ဖြစ်စေ ၀တ်လေ့ရှိတဲ့စကတ်အကွဲတွေ ဂျင်းဘောင်းဘီအပါအ၀င် ဘောင်းဘီတွေကို ၀တ်ပြီး ဘုရားကျောင်းကန်များကို မသွားသင့်ပါဘူး။ ထိုင်းမှာဆိုရင် သူတို့မြဘုရားကို ဖူးမယ့် အမျိုးသမီးများကို ထဘီလို လုံခြုံတဲ့အ၀တ် ၀တ်လာရင်တော့ ခွင့်ပြုတာ၊ စကတ်ဝတ်လာရင် လုံချည်လိုပတ်ပြီး ၀တ်လို့ရတဲ့ အစတစ်စကို သူတို့ဆီက ငှားပြီး ၀တ်ရပါတယ်။ ခြေညှပ်ဖိနပ်တောင်မှ ခွင့်မပြုဘဲ ခြေအိတ်နဲကရူးဖိနပ်ကို အစီးခိုင်းပါတယ်။ ကြီးကြီးတိုိ့ ရွှေတိဂုံဆံတော်ရှင် စေတီတော်ကြီး လို အထင်ကရ သာသနိက အဆောက်အဦးကြီးရဲ့ ရင်ပြင်တော်ပေါ်မှာ နိုင်ငံခြားသူများက ထိုင်းမှာလို အတင်းအကျပ်ဝတ်ခိုင်းတာမဟုတ်ဘဲ သတို့ဘာသာသူတိုိ့ ၀ယ်ပြီး ၀တ်လာတဲ့ ရိုးရာဆင် ထဘီနဲ့ တက်လာကြတာကို မြင်ပြီး စိတ်ချမ်းသာမယ် ကြံကာရှိပါသေးတယ်၊ မြန်မာအမျိုးသမီး ကလေးများက ဘောင်းဘီနဲ့တစ်မျိုး တော်တော်ခွဲထားတဲ့ စကတ်နဲ့တစ်ဖုံ တက်ရောက်လာတာကို မြင်ရတော့ စိတ်မကောင်း ဖြစ်မိပါတယ်။
တကယ်တော့ ဘုရားကိုတက်ပြီး ငရဲယူတာပါပဲ။ အဂါရ၀ ဖြစ်ပါတယ်။ စာနဲ့ရေးပြီး တားမြစ်ထာတာကိုလည်း ဂရုမစိုက်၊ ဘုရားရုပ်ပွားတော်ရှေ့တော်မှောက်မှာလည်း မလုံမခြုံနဲက မြတ်စွာဘုရားရှင်ကိုပင် ဂရုမစိုက်ရာကျနေပါတယ်။ ရုပ်ပွားတော်ပဲလို့ မလေးမစားမလုပ်ပါနဲ့။ တကယ်တော့ ဂုဏ်တော်ထုံမွှမ်း ပုံတော်မှန်းပြီး ကန်တော့ရတာ ဖြစ်ပါတယ်။ ကလေးတို့ရေ၊ ကိုယ်ယဉ်ကျေးမှုကိုတောင်မှ ကိုယ်ကမလေးစားရင် ကိုယ့်ကိုယ်လည်း သိတတ်နားလည်တဲ့သူများက ဘယ်မှာ လေးစားကြပါမလဲ။ စဉ်းစားကြစေလိုပါတယ်။
ကြီးကြီးကတော့ စိတ်အားဖြင့်လည်း တဖြည်းဖြည်းအေးချမ်းပြီး ယဉ်ကျေးဖွယ်ရာ အမှုအရာရှိတဲ့ သူကလေးတွေအဖြစ် ရောက်တဲ့နေရာမှာ အဆင်ပြေပြေဖြစ်စေချင်တာပဲ။ အလုပ်ခွင်မှာ လိုအပ်လို့ ၀တ်ဆင်ရတာ။ အားကစားပြိုင်ပွဲတွေ၊ ခြေလျင်တောင်တက်တဲ့အခါတွေမှာ ၀တ်ကြစမ်းပါ။ ကြီးကြီးတိုိ့ ပုပ္ပားရောက်တုန်းက ဘူမိဗေဒကျောင်းသူကလေးတွေ ကျောင်းသားကလေးတွေ ကွင်းဆင်းလာလိုက်ကြတာ ဘောင်းဘီရှည်တွေနဲက တင့်တယ်လို့ပါပဲ။ ဘယ်လိုပဲ ယောက်ျားကလေးများနဲ့ ရင်ဘောင်တန်းသည်ဖြစ်စေ စကားဝါပန်းကုံးကလေးတွေကို ၀ယ်လာကြတာ မြင်ရတော့ ကြီးကြီးက သဘောကျမိပါသေးတယ်။ မိန်းကလေးဆိုတာ ပန်းကိုကြိုက်တတ်ရမှာပေါ့။
သူ့နေရာနဲ့သူ ၀တ်ဆင်တဲ့အခါမှာ သားတို့သမီးတို့ရဲ့ အမှုအရာများကလည်း သဘာဝကျကျ ပြေပြစ်ဖွယ်ရာ ဖြစ်နေတတ်ပါတယ်။ စိတ်လည်းလုံခြုံနေတော့ ကြည့်ရတာကိုက တင့်တယ်နေတာပါပဲ။ ကြီးကြီးက မေတ္တာရှေ့ထားပြီး ရေးသားထားတာကို လက်ခံသင့် လက်မခံသင့် စဉ်းစားစေချင်ပါတယ်။ ဘယ်ကိစ္စမဆို ကိုယ့်မှာ ခိုင်မာတဲ့ခံယူချက်ရှိရှိနဲက လုပ်တာဆိုရင်တော့ တစ်ကွေ့ကွေ့မျာ ပြဿနာနဲ့ကြုံရင် ဖြရှင်းဖိုက ခက်သွားတတ်ပါတယ်။ ဘာဖြစ်လို့လည်းဆိုတော့ ကိုယ့်မှာ ကိုယ်ပိုင်အဖြေမရှိတတ်လို့ပါပဲ။ အားလုံး စဉ်းစားကြည့်ကြစေလိုပါတယ်။
ရေလိုအေးလို့ ပန်းလိုလန်းကြပါစေ။
ဒေါက်တာမတင်ဝင်း

{မောင်အရင်လိုမဟုတ်တော့ဘူးလို့}

• “ကုန်ကုန်ပြောရရင်လေ မောင်ဟာ နှင်း အတွက် ဘုရားတစ်ဆူ ဂူတစ်လုံးစဖွယ်ပါပဲ မောင်၊ မောင်ဟာ အချစ်အတွက် တစ်ဘ၀ပါ၊ မောင့်ကို အမြဲ ချစ်ခင် မြတ်နိုး၊ စုံမက်တဲ့ နှင်းရဲ့ ဗစ္စက္ခဘ၀ဟာ မောင်ရဲ့ သမုဒယ အကျဉ်းထောင်ထဲမှာ ထာဝရပျော်ပိုက်နေသူပါ မောင်၊ ခုတော့ မောင်ရယ်၊ နှင်း အပေါ်မှာ မောင်ရဲ့ ပြုမှု ဆက်ဆံပုံတွေဟာ မခင်မကြင် တမင်စိမ်းနေသလိုပါပဲ၊ နှင်းမှာ မောင်ငြိုငြင် ငြီးငွေ့စရာ တွေရှိလို့ ပါလဲဟင်၊ မောင်ရဲ့ပြုမှု ဆက်ဆံပုံတွေက အသည်းစပ် ကျွဲခတ်သလို အနေရခက်လိုက်တာ မောင်ရယ် သိရဲ့လား။
• “ချစ်ကြတဲ့သမုဒ္ဒယသစ္စာကို အရင်းခံပြီး တစ်ဦးနဲ့တစ်ဦး ချစ်တုံ့လှယ်ခဲ့ကြပြီး လက်တွဲမဖြုတ်ကြစတမ်း ချစ်ခရီးလမ်းကို တူပြိုင်လှမ်းကြမယ်လို့ ဆုံးဖြတ်ခဲ့တာတွေကို မေ့ပျောက်သွားပြီလား၊ သခင်ဘယ့်တွက် မုန်းရသလဲဆိုတာ နှင်း မတွေးတတ်တော့ဘူး မောင်ရယ်၊ ဒါမှ မဟုတ် ချစ်သခင်က အပြစ်မြင်လောက်အောင် အသစ်တွေ့နေလို့လား မောင်ရယ်၊ သိတယ်လေ သိပ်သိတာပေါ့၊ မောင့်ရဲ့ မျက်နှာကို မျက်တောင်မခတ်ဘဲ အရိပ်တကြည့်ကြည့်နဲ့ ကြည့်နေချင်တဲ့ နှင်းက သိပ်သိတယ်လေ၊ နှင်း အပေါ် မောင် ပြောင်းလဲသွားပြီဆိုတာ နှင်းနဲ့ မောင် ချစ်သဖြစ်လာတာ အချိန်တွေလည်း ကြာညောင်းလာတော့ အချစ်တွေ ဟောင်းသွားပြီလားလို့၊ နှင်း အပေါ် စိတ်ကုန်သွားဟန်ရှိတဲ့ မောင့်ရဲ့ မျက်နှာပေါ်မှာ အချစ်ရဲ့ ဆိတ်သုဉ်းခြင်းဆိုတဲ့ အနူတ်လက္ခဏာဟာ ပေါ်လွင်နေသလိုပဲ၊ ဘာကြောင့်သိလဲ သိလား၊ နှင်းက မောင်တစ်မျက်နှာကို တစ်ကမ္ဘာလို့ထင်နေမိလို့ပဲ မောင်ရယ်။
• နှင်း ချစ်သူ၏ အပြန်လမ်းကို မျှော်မှန်းရင်း တွေးလိုက် ဆွေးလိုက်နှင့် နှလုံးသားမှ ခံစားချက်များကို တီးတိုး ရေရွတ် နေလေသည်။ ဤနှယ် ခံစားရလောက်အောင်လည်း ချစ်သူမောင်၏ အပြုမှုများ ပြောင်းလဲသွားခဲ့သည်မှာ အမှန်ပင်ဖြစ်သည်။ ရွှေဖူးစာ ဂဟေဆက်၍ သွေမပျက်သည့် မေတ္တာနှင့် နှစ်ကိုယ်တူပြိုင် သစ္စာဆိုချစ်ခဲ့ကြသည့် ချစ်သူနှစ်ဦးမဟုတ်ပေမဲ့ မောင့်ကိုတော့ နှင်းတစ်သက်မှာတော့ တစ်ဘ၀မှာ တစ်ယောက်ဆိုသလို သစ္စာရှိစွာချစ်ခဲ့တာပါ မောင်။ မောင့်အပြုအမှုတိုိ့သည် နှင်း အပေါ်ဝယ် မသိကျိုးကျွန် ပြုရာရောက် နေလေသည်။ သည်တော့ မောင်၏ မျက်နှာကို တစိမ့်စိမ့်ကြည့်၍ တသိမ့်သိမ့် ကြည်နှုးနေရသူ နှင်းအဖို့ တစ်ခုခုတော့ တစ်ခုခုကြောင့်ပဲဟု တွေးတော စိုးရိမ်မိပေမည်။ သြော်-မောင်အရင်လို မဟုတ်တော့ဘူးလို့။
• “ဟော-မောင့် နာမည် အွန်လိုင်းပေါ်ရောက်လာပြန်ပြီ”
• နှင်း နာမည်ကိုတွေ့လိုိ့ စခေါ်မလားဆိုပြီး မသိသလို တိတ်တဆိတ် နေလိုက်သော်လည်း နှင်းအဖို့ ရွှေရင်လှိုင်းထရပြန်သည်။ ရင်ထဲတွင် မောင့်နာမည်လေးတွေ့လိုက်ရလို့ ကြည်နူးမှုနှင့်အတူ ပျော်ရွှင်ခြင်းဆိုသောအရာကို တစ်မုဟုတ်ချင်း ခံစားလိုက်ရပြန်သည်။ နှင်းသည်နောက်ဆုံး အလွန်နေနိုင်သော မောင့်ကိုသာ စတင်နူတ်ဆက်လိုက် မိတော့သည်။ ခါတိုင်းဆိုလျှင်လည်း မောင့်ကသာ နှင်းကို စတင်နူတ်ဆက် နေမြဲဖြစ်သည်။ နှင်းကို လည်း အမြဲတမ်းလို စောင့်နေမြဲဖြစ်သည် မဟုတ်ပါလား။ ခုတော့ နှင်းက မောင့်ကို စတင်နူတ်ဆက်လိုက် ရသော်လည်း မောင့်မှာပင် ကျောက်ဆစ်ရူပ်၊ တုတ်တုတ်မျှ မလှုပ်၊ နူတ်တော်ကလည်း မဖွင့်ဟ၊ တေမိပမာ ဆိတ်ဆိတ်သာ၊ ပြန်၍ နူတ်ဆက်ဖော်ပင် မရတော့။ သြော်-မောင်အရင်လို မဟုတ်တော့ဘူးလို့။
• မောင့်ရဲ့ ပြုမှုပုံတွေ မဆန်းလား၊ ကြင်နာသူက တမင်စိမ်းရက်လေခြင်းဟု သံသယ၀င်နေမိသူ နှင်းအဖို့ သွေးထွက်အောင် မှန်နေပေပြီ။ နှင်းရဲ့ ပထမအချစ်တွက် ရင်ထဲနင့်အောင် ခံစားလိုက်ရပြီး လှိုက်ဖိုသော ဝေဒနာဖြင့် ရိူက်ငိုပွဲသာ ဆင်လိုက်ချင်တော့သည်။ စိတ်အညစ်မှာတော့ သိပ်ဟစ်၍ ငိုလိုက်ချင်တော့သည်။ မောင်ရယ် ပြုရက်လေခြင်းရယ်လို့သာ။ Online ဆိုတာ လူတွေပြောသလို အပျော်ဆိုတာ အမှန်ဘဲလား။ အပျော်စကားကို ယုံစားသံယောဇဉ်ထားခဲ့မိသူမှာတော့ ခံစားနေရလေပြီပေါ့။ နှင်းက မောင့်ကို တစ်ကယ်ချစ်ခဲ့မိတာမို့ နောင်တဆိုတာ လုံးဝကို မရှိစေရပါဘူး။ ပျော်သလိုနေပါ မောင်။ မောင်ပျော်နေရင် နှင်းလည်းရင်ထဲမှာ ငိုရိူက်ရင်း ကျေနပ်နေမှာပါ။
• ပါးပြင်မို့မို့ပေါ်ဝယ် မျက်ရည်ဥများ စို့လာပြီ ဟီးလေး ခိုနေကြပြီ။ သမုဒယ မျက်ရည်မိုး ပါးပြင်တစ်ပြင်လုံး ပူလောင်နေသည်။ နှင်းအဖို့ အသည်းထဲက ကျသည့်မျက်ရည်။ နှလုံးသားထဲက ကျသည့် မျက်ရည်ဖြစ်၍ ပူလောင်လွန်းလှသည်။ နှင်းသည် နွမ်းလျသော စိတ်၊ နူံးလျသော ခန္ဓာ၊ လေးကန်သော ခြေလှမ်းများဖြင့် မိုးရေထဲ အပူသောကများကို ဆေးကြောရန် ဖြေးညှင်းသောခြေလှမ်းများဖြင့်သာ ရင်ထဲမှအပူတွေ အေးမြစေရန် မိုးရေလေးတွေကို အဖော်ပြုနေရပေါ့။ ထိုအချိန်မှာတောင် မောင်သိပ်ကြိုက်ပြီး နှင်းကို ဆိုပြနေမြဲဖြစ်တဲ့ (ရဲလေး-မိုး) သီချင်းလေးကို သတိရနေပါသေးတယ်။ မိုးတွေရွာနေတယ် ခုတော့ တစ်ယောက်တည်းပါ။ “အပြစ်မဲသော နှင်းကိုမှ ကျောခိုင်းသွား၇က်တယ်လား မောင်ရယ်၊ မောင်အရင်လို မဟုတ်တော့ဘူးနော်”
• မောင် ကိုစိမ်းကားကြီးက စိမ်းရက်ပြန်ချေပြီ။ မောင့်ကို တွေ့တော့ နှင်းလည်း မခေါ်မနူတ်ဆက်ဘဲ မနေနိုင်ပါ။ နှင်းက ချစ်ရသူမဟုတ်လား။ ဒါလည်းသူကဘဲစပြီး ချစ်ရေးဆိုခဲ့တာလေ။ နှင်းကိုက လူယုံးမှားခဲ့လေသလား။ နှင်းကလည်း ခင်မင်တာကြာတော့ သံယောဇဉ်တွေ ရစ်ပတ်မိခဲ့တာကိုလေ။ ဒါကိုက နှင်းရဲ့ ပထမအရူံးဘဲပေါ့။ ဒါတွေထားပါတော့။ ခုလည်းနှင်းက စခေါ်လိုက်လေကာမှ offline ဖြစ်သွားတယ်လေ။ တစ်ခုခုတော့ တစ်ခုခုပဲဟု တွေးတောရင်း ငိုချင်လျက်လက်တိုိ့ဆိုသလို အခံရခက်လှသည်။ “မျက်စိရှေ့မှောက်တွင် ရှိနေသော နှင်းနာမည်ကို တွေ့မှ အောက်သွားရအောင် ချစ်သူတစ်ယောက်လုံးကိုပင် မေ့သွားလေပြီလား၊ နှင်းမှာ ဘာအပြစ်တွေများရှိနေလို့လဲ” ဟု မောင့်ကို မျက်နှာချင်းဆိုင် မေးပစ်လိုက်ချင်သည်။
• သို့တစေ နှင်းအဖို့ တစ်ကယ်မေးမြန်းရမည်ဆိုတော့လည်း မောင့်ကို ချစ်လည်းချစ်၊ ရိုလည်းရိုသေ၊ ကြောက်လည်းကြောက်၍ မမေးဝံ့ဘဲ သည်အတိုင်းကြည့်နေရရှာသည်။ နှင်း၏ ပူလောင်နေသော နှလုံးသားသည် တဆတ်ဆတ်တုန်နေသလား ထင်ရသည်။ မိမိ၏ ခန္ဓာကိုယ်ကို လဲကျမသွားအောင်တောင် အားယူ၍ ရပ်နေရသည်။ မောင်မှတစ်ပါး အခြားမရှိပြီဟု တွေးထင်မိခဲ့သော နှင်းအဖို့ မောင်၏အပြုမှုများကြောင့် အထင်နှင့်အမြင် ပါစင်အောင် လွဲချော်နေပြီဟု ယုံကြည်လိုက်မိသည်။ “သြော်-မောင်အရင်လို မဟုတ်တော့ဘူးလိုိ့”
• ညသည်တိတ်ဆိတ်နေသည်။ နွေဦးကာလ၏ အကာလ ညတစ်ည၀ယ် လတပေါင်း၏ ရွက်ဟောင်းကြွေကျသံများသည် ဂီတသံနှယ် ထင်မှတ်နေရသည်။ ရွက်ခြောက်ကလေး များသည် ရှပ်တိုက် ပြေးလွှား ဆော့ကစားနေပုံရသည်။ တစ်ချက်တစ်ချက် ကသုန်ကရက် အပြေးအလွှား တိုက်ခတ်လာသော လေပြည်လေညင်းသည် ရင်ထဲစိမ့်နဲ့ အေးမြသွားအောင် ဖန်တီးပေးသလိုရှိနေသည်။ လရောင်သည် ပြတင်းပေါက်မှ ဖောက်ထွင်း ၀င်ရောက်လာ၍ အိပ်ခန်းဆောင်အတွင်း အလင်းရောင် ယှက်သန်းဖြာကျလျက်ရှိသည်။ “သြော်-ရွှေလသာသော ညတစ်ညပါ”
• ရင်ထဲတွင် ခံစားနေရသော ပူပင်သောက ဝေဒနာကြောင့် နွေဦးည၏ သြကာသအလှကို အကြည့်ုမြင်၊ မခံစားနိူင် ဖြစ်နေရသည်။ အေးမြသော လေပြည်လေညင်းသည် နှင်း၏ ပူလောင်မှုကို ဖြေသိမ့်နိူင်ခြင်းငှာ မစွမ်းနိူင်ပါချေ။ မချိသည့်ဘ၀င်၊ မရွှင်သည့် နှလုံးသား၊ နူံးလျသော အသည်းမှာ သမုဒယ အစွဲအလမ်းသည် ကဲ၍ကဲ၍သာလာသည်။ ဝေဒနာ အဖြစ်ဆိုးက တစ်ရစ်ပြီး တစ်ရစ် တိုး၍သာ လာနေသည်။ သခင်ဘယ့်အတွက် မုန်းရသနည်းဟူသော မေးခွန်းများသည် သူမ၏ နှလုံးသားတဲတွင် အကြိမ်ကြိမ် တီးတိုး ရေရွတ်နေမိသည်။ အဖြေမသိသော ထိုမေးခွန်းကို နှင်းကိုယ်တိုင် ဖြေဆိုနိူင်ခြင်းမရှိပါချေ။ မောင်၏ ထူးဆန်းစွာ ပြောင်းလဲသွားသော အပြုမှုများက သစ်စိမ်းချိုး ချိုးလိုက်သည်နှင့် ပမာတူနေသည်။
• နှင်းသည် မိမိကိုယ် မိမိဟန်မဆောင်နိူင်တော့သည့် အဆုံးတွင် မပြောမပြီး၊ မတီးမမြည်ဆိုသလို မောင်၏ သဘေားထားဆန္ဒကို ရှင်းရှင်းလင်းလင်း သိရှိရန် ဖွင့်ဟဆုံးဖြတ်ဖို့ ဆုံးဖြတ်လိုက်သည်။ “မောင်စိတ်ဆိုးနေလား၊ ဒါမှမဟုတ်ရင် မိမိအပြင် အသစ်မြင်ကာ အချစ်ဝင်မိလို့ ငါးစိမ်းမြင်ငါးကင်ကို ပစ်ချင်နေလို့လား”ဟု ခွဲခွဲခြားခြား ကွဲကွဲပြားပြား သိရအောင် မေးရပေတော့မည်။ မိမိမှာ“မောင့်ကို အသည်းနင့်အောင် ချစ်နေမှန်းသိလျက်နှင့် အပြစ်မဲ့တဲ့ အချစ်ရဲ့ ချစ်တတ်တဲ့အသည်းကို ခွဲလိုက်လေသလား ကိုစိမ်းကားကြီးရယ်” ဟုပင် မှတ်ချက်ချလိုက်မိသည်။
• နောက်တစ်နေ့တော့ မောင်တို့ကျောင်းပိတ်ရက်မိုိ့ နှင်းသိလိုသော မေးခွန်းများမေးရန် စောင့်နေမိတော့သည်။ ဒီလိုနဲ့ ညနေပိုင်းလောက်ရောက်တော့ မောင် Online ပေါ်သို့ ရောက်လာသည်ပေါ့။ နှင်းမေးမည်ပြုစဉ် စတင်နူတ်ဆက်လိုက်ရာမှာတော့ အစ်ကိုမအားသေးဘူးနှင်းတဲ့ ကျွန်မလေးရင့်နင့်အောင် ခံစားရတယ်။ မောင့်ကို ချစ်ခဲ့မိတာနှင်းရဲ့ ပထမဆုံး အချစ်ဦး မဟုတ်ပေလား။ နှင်းသိလိုက်တာတော့ ကြာပါပြီ။ မောင်က ရုပ်ရည်လေးကနဲနဲရှိတော့ သိပ်ပွေတတ်တာကိုလေ။ နှင်းက စိတ်ထဲသိပ်ခံစားရလို့ မေးတာတောင် မောင်ကသရော်သလိုမျိုးနဲ့ အမြဲပြောတယ်။ မအားဘူုးလား၊ ကောင်မလေးတွေနဲ့ chat နေတာလားမေးတော့။ မောင့်အဖြေက အင်မတန် ပေါ့ပျက်ပျက်နိုင်လှသည်။ နှင်းရ ဟုတ်တယ်လေ။ ဘယ်သူနဲ့ပြောရမှန်းတောင် မသိတော့ဖူး။ ကောင်မလေးချောချော လေး တွေပေါလို့လေတဲ့။ ဘယ်သူကိုချစ်ရမှန်းကို မသိတော့ဖူး။ အစ်ကို့ကိုလာချစ်တဲ့ ကောင်မလေးတွေက သိပ်များနေတောလေတဲ့။ အော်- မောင်ရယ်လို့သာ ညည်းရုံမှအပ တစ်ခြားပြောစရာ မရှိအောင်ကို ပင်အသွားမိတယ်။
• ဘာသဘောလဲဟင်၊ လုပ်ရက်လိုက်တာ၊ နှင်းရင်ထဲ မချိအောင်ခံစားရတယ်။ ခုတော့မှ မောင့်ရဲ့ရင်ထဲက မပါတဲ့ အချစ်တွေတွက် နှင်း နောင်တရနေ သော်လည်း အချိန်ကနှောင်းခဲ့ပြီ မဟုတ်ပါလား။ နှင်း ဆိုတဲ့ ကျွန်မဟာ လူတစ်ယောက်ကို လွယ်လွယ်နဲ့ မချစ်တတ်သလို၊ လွယ်လွယ်နဲ့လည်း မေ့ပစ်လို့မရဖူး။ ဒါကတော့ နှင်းရဲ့ အားနည်းချက် လို့ဆိုရမယ်ပေါ့။
• မောင်ဟာ နှင်းကို တစ်ကယ်မချစ်ဘူးဆိုးတာကြီးကို သိသိကြီးနဲ့တောင် မောင်စိတ်ညစ်တယ်လို့ ကြားရရင် ဟာသလေးတွေ ပြောပြလို့ မောင့်ကို အမြဲပြုံးရွှင်နေအောင် ထားခဲ့သူပါ။ နှင်းကိုတော့ ပျော်ရွှင်အောင် ဘယ်တုန်းက အချိန်ပေးလို့ စကားလေးတောင် ပြောခဲ့ဖူးသလဲ။ မောင်လိုအပ်မှသာ၊ ပျင်းနေမှ၊ စိတ်ညစ်မှသာ၊ နှင်းကို အပျင်းပြေသဘောထားပြီး စကားပြေ နေတာပါ။ မောင်က နှင်း အချစ်ကို တစ်ကယ်မသိတာလား၊ နှင်းကိုနားလည်မပေး နိုင်တာလား။ မောင်က နှင်းရဲ့ ဖြူစင်ရိုးသားတဲ့ အချစ်ကို နားမလည်နိုင်ရင်တောင်မှ နှင်း မောင့်ကို အမြဲနားလည်ပေးနေမှာပါ။ ခုတော့ ဘယ်သူ့ကိုမှလည်း အပြစ်မတင်၊ အပြစ်မမြင်ချင်တော့၊ နောက်ဆုံးအပြစ်ရှိသူက မိမိဘဲမဟုတ်လား။
• နှင်းလေ မောင့်ကို blog ပေးတာရေတွက်လို့တောင် မရတော့ပါဖူး။ သို့ပေမယ့် အွန်လိုင်းပေါ်ရောက်လာတာနဲ့ မောင့်အသံလေးကို ကြားချင်နေမိတယ်။ ဒါကြောင့်လည်း Unblock တွေလည်းများနေပြီလေ။ မောင်ကတော့ နှင်းအတွက် ထည့်စဉ်းစားဖို့နေနေသာသာ စိတ်ထဲမှာတောင်မရှိလောက်ပါဖူး။ အစကတည်းက အပျော်သဘောနဲ့ ပြောခဲ့တော့ နှင်းဆိုတဲ့ နာမည်ဟာ သူ့အသည်းမှာတော့ အရည်ပျော်ကျခဲ့တာ ကြာလောက်ပေါ့။ နှင်းက သာ မေ့မရသေးတာပါ။ တစ်ခါတစ်လေတော့လည်း အရမ်းစိတ်နာမိတယ်။ ဒီလိုနဲ့ဘဲနှင်း ကြိုးစားပြီး မောင့်ကို မေ့ထားလိုက်တယ်။ မေ့ထားတယ်ဆိုပေမယ့်လိုိ့ ရင်ထဲမှာ အမြဲအမှတ်ရနေတယ်။ မောင့်ကို သတိရမိတိုင်း “လွမ်းလိုက်တာ ” ဆိုတဲ့ စကားအစား “မုန်းလိုက်တာ” ဆိုတဲ့ စကားလေးကို အစားထိုးပြီး ဖြေသိမ့်လိုက်ပါတော့မယ်။ ခုတော့ မောင့်ကို နှင်းမေ့လိုက်ပါပြီ။ နှင်းမေ့နိုင်အောင်လည်း ကြိုးစားနေတယ်။ မောင့်စိတ်ထဲမှာလည်း နှင်းဆိုတဲ့ နာမည်ကို ထာဝရ block ပေးလိုက်ပါတော့လား။ နှင်းကို မောင်လိုအပ်မှသာ အရမ်းချစ်တာပဲ၊ သိပ်ချစ်တာပဲဆိုတဲ့ စကားတွေနဲ့ ထပ်မနှိပ်စက်ပါနဲ့တော့ မောင်။ တစ်ကယ်တော့ ကိုယ်ကစချစ်ရတာဟာ အင်မတန်ကို ပင်ပန်းလှပါတယ်။ အချစ်ဆိုတာကို သူငယ်ချင်းတွေပြောရင် ဟာသတစ်ခုလို ၇ယ်ခဲ့တဲ့ ကျွန်မ ခုတော့ ၀ဋ်လည်တာပါ။ ခုချိန်မှာ တစ်ချိန်ကသူငယ်ချင်း တစ်ယောက်ပြောပြတဲ့ သူ့ ခံစားချက်ကို နှင်း တစ်ယောက် ကိုယ်ချင်းစာနာတတ်ခဲ့ပါပြီ။
• ဒီလိုနဲ့ နှင်း ခုဆို မောင့် စကားသံလေးတွေ မကြားရလည်းဘဲ နေသားကျနေပါပြီ။ မောင်သာ ပျော်နေရင် နှင်း ကျေနပ်နေပါတယ်။ တစ်ခါတစ်လေတော့လည်း (ရဲလေး-မိုး) ဆိုတဲ့ သီချင်းလေးကို နားထောင်နေမိတယ်။ မောင်သိပ်ကြိုက်တဲ့ သီချင်းလေး မဟုတ်လား။ တစ်ကယ်တော့ (စိုင်းစိုင်း သီချင်း)လို အချစ်ဆိုတာဟာ ချစ်သူပျော်ရွှင်ဖို့ အရာရာကို စွန့်လွှတ်၊ ပေးဆပ် ၊ အနစ်နာခံခြင်း ရယ်ပါ။ အချစ်ဆိုတာ ချစ်နေဖို့ကသာ အဓိကဖြစ်လိုိ့ မောင် ကျွန်မအနားမှာ ရှိသည်ဖြစ်စေ၊ မရှိသည်ဖြစ်စေ။ ကျွန်မ ကတော့ ဆက်ပြီးချစ်နေဦးမှာပါ။ ချစ်သူ တစ်ယောက် မဟုတ်တော့ပေမဲ့လို့။ အချစ်ဦးတစ်ယောက် အဖြစ်နဲ့ပေါ့ မောင်။
• နောက်ပြီး ကျွန်မယောကျာ်းတွေ ပါးစပ်က စကားဆိုလျှင် လုံးဝကို အထင်မကြီး မယုံတော့ပါ။ အတ္တကြီးတယ်လို့ ထင်ချင်ထင်ကြမယ်။ လူတိုင်း၊ ယောကျာ်းတိုင်း ဒီလိုလူမျိုးတွေ မဟုတ်ပေမယ့်လို့ ကျွန်မလိုမာနနဲ့ နေခဲ့တဲ့ မိန်းခလေးတစ်ယောက်ဟာ ဘာမဟုတ်တဲ့ ယောကျာ်းတစ်ယောက်ရဲ့ အပျော်တမ်းစကားကို ယုံကြည် သံယောဇဉ်ထား မှားခဲ့မိတဲ့တွက် ခုလိုပညာပေးခံရတာ ဒါဟာပထမဆုံး နဲ့ နောက်ဆုံးဘဲ ဖြစ်မှာပါလို့ပြောရင်း ကျွန်မချစ်သူကို ကျွန်မအသည်း တစ်နေရာမှာ မြေမြုပ်လို့ထာဝရမြုပ်နှံ သဂြိုလ်လိုက်ပါပြီရှင်။ နောက်ဆုံးတော့ နှင်းပြောလိုက်မိတဲ့ စကားတစ်ခွန်းကတော့ “သြော်-မောင်အရင်လို မဟုတ်တော့ဘူးလို့” သာ။

ရည်မှန်းချက်နှင့်ပန်းတိုင်

• ရည်မှန်းချက်အောင်မြင်စေရန် လုပ်ဆောင်ကြရာတွင် ကြောက်ရွံ့စိတ်၊ သံသယစိတ်၊ သိမ်ငယ်စိတ်တို့ကို မွေးမြူထားလျှင် စိုးရိမ်ပူပန်စိတ်များ ဖြစ်ပေါ်လာတတ်သည်။ စိတ်ဓာတ်ရေးရာ ချည်နဲ့လာသည်နှင့် အမျှ ကိုယ့်ကိုကိုယ်ယုံကြည်စိတ်၊ လေးစားတန်ဖိုးထားသည့် စိတ်များ လျော့ပါး စေနိုင်သည်။ တစ်နည်းဆို၇သော် အောင်မြင်ရေးလမ်းကြောင်းပေါ်မှ သွေးဖည်သွားနိုင်သည်။ ထို့ကြောင့် သင့်ဘ၀ကို အောင်မြင်မှုနှင့် ပျော်ရွှင်မှုပန်းတိုင်ဆီသို့ အမှန်တကယ် ရောက်လိုပါလျှင် ကိုယ့်ကို ကိုယ်ယုံကြည်စိတ် မွေးဖို့လိုကြော်ငး လမ်းညွှန်ပြထားပါသည်။
• မိမိတို့ဘ၀ အောင်မြင်မှုရရှိရန် မိမိကိုယ်မိမိတို့ အရှင်သခင်အဖြစ် ရဲရဲဝံ့ဝံ့ ခံယူကား သတ္တိရှိရှိ ခံယူရမည် ဖြစ်သည်။ လက်ဝှေ့သမားတို့ကို နှလုံးမှုရမည်။ ယင်းမှာ ကြိုးဝိုင်းဒိုင်၏ အမှတ်ရေတွက်သံကို နားထောင်၊ မှုးဝေနေသော ဦးခေါင်းကို ကြည်အောင်ရှင်း၊ စိတ်အာ၇ုံများ ပြန်လည်စုစည်း၊ မိမိနွှဲနေသည့် ပွဲကို နိုင်အောင်ဆက်တိုက်ရမည်။ ဘယ်လိုသော အခြေအနေမျိုးနှင့် ရင်ဆိုင်နေရစေကာမှု အနိုင်ရအောင် နွှဲရမည်သာ ဖြစ်သည်။ ထို့ကြောင့် အတ္တာဟိ အတ္တနော်နာထော- မိမိကိုယ်ကို ကိုးကွယ်ရမည်သာ ဖြစ်သည်။
• အောင်နိုင်ခြင်းဆိုတာ ကတော့ ရှေးဆုံးက ဖြစ်လာခြင်း သို့မဟုတ် ငွေတွေအများကြီး ရလာသည့်အတွက် စိတ်ချမ်းသာခြင်းသာ ဖြစ်၏။ မှားသလိုနှင့် အမှန်တွေပါနေသည့် ဆိုရိုးတစ်ခုကို ကျွန်ုပ်တို့အားလုံး အသိအမှတ်ပြုကြ၏။ အောင်မြင်မှု၏ အဓိပ္ပာယ်ကတော့ ချမ်းသာကြွယ်ဝခြင်း၊ အောင်မြင်ကျော်ကြားခြင်း၊ မြို့ထဲက ဘယ်စားသောက်ဆိုင်မဆို တန်းမစီဘဲ ကျော်ဖြတ်ဝင်ခွင့်ရခြင်း၊ နောက်ပြီး ပြိုင်ကားတွေ၊ မိန်းမချောချောလှလှတွေ၊ ပြီး တော့ ဘက်ဗာလီတောင်ကုန်းများတွင် မဟာအိမ်ကြီးတစ်လုံး။ ဤအရာများကိ ကျွန်ုပ်တို့ စိတ်ကူး အယဉ်ကြီးယဉ်နေမသည့် ဆုလာဘ်များ၊ ကျွန်ုပ်နို့ လိုချင်တပ်မက်၇ှိလှသည့် -နတ်သုဒ္ဓာဟင်းခွက်ကြီး။
• အောင်မြင်ခြင်းသည် ကံတရားနှင့် ဆိုင်သည့် ကိစ္စမဟုတ်၊ ကံတရားဆိုသည်မှာ အလျှဉ်းသင့် ကြုံကြိုက်သည့် ကိစ္စဖြစ်ပြီး အောင်မြင်ခြင်းကတော့ စီစဉ်ပုံဖော်ရသည့် ကိစ္စဖြစ်၏။ သင်၏ ရည်မှန်းချက်ကို စုံမက်မြတ်နိုးနေဖို့လို၏။ သင့်ရည်မှန်းချက်ပန်းတိုင်ကို မျက်စိတစ်မှိတ် လျှပ်တစ်ပြက်ကယ်မျှပင် မျက်ခြည်ပြတ်မခံဖို့လို၏။