Monday, February 23, 2009
Thursday, February 12, 2009
မေမေ........
ကိုးလလွယ် ဆယ်လဖွား
အသက်ကိုရင်း မွေးပေးခဲ့သည်
ဖဝါး လက်နှစ်လုံး
ပခုံးလက်နှစ်သစ်
ခြင်မှက် ဖြုတ်ယင်သောဝ် မသန်းစေခဲ့...
သွေးမှ ဖြစ်တည် နို့ချိုရည်ကို
မပျက်တိုက်ကျွေး ကြီးပြင်းစေခဲ့...
ငယ်စဉ်တောင်ကျေး ပြုစုယုယလို့
သားတို့ နှလုံး ရွှင်ပြုံးစေရယ်
ပင်ပန်း သောဝ်မှ အပြုံးမပျက်
ကျေနပ်ခဲ့သည် အိုအမေ...
အချိန်တန်လို့ ကြီးပြင်းပြန်သော်
ပညာကိုပေး အမွေဖြစ်ခဲ့
လူများအလယ် ဂုဏ်တင့်စေသည်
ကျေးဇူးကြီးလှပါသည် အိုအမေ...
ပညာစုံလို့ အချိန်တန်ပြန်
သင့်တော်သူကို ရှာဖွေကာရယ်
သားသမီးတို့ အတွက်
စီမံရွက်ဆောင်ခဲ့ပြန်သည်..
ဘဝတသက်အေးဖို့ရယ်...
သားတို့ ဘဝ အခြေစုံလို့
ချမ်းသာ တည်ငြိမ်လေသောဝ်
ကျေနပ်အပြုံး ပီတိမျက်နှာ
အေးချမ်းစွာနှင့် ဆန်ရေကို မရှိစေခဲ့....
ထိုရ် ထိုရ် ကျေးဇူး
မဟာပထဝီ မြေကြီးထုမက
ကြီးမားလှသော အိုအမေ...
အဝေးရောက်သားမောင်
လက်ဆယ်ဖြာ ထိပ်မှာမိုးလို့
ရှိခိုး ကန်တော့လိုက်ပါသည်......
Tuesday, February 10, 2009
" အမေပေးတဲ့လက်ဆောင်"
သျှောင်နောက် ဆံထုံးပါ ဆိုတဲ့စကားအရ ခင်ပွန်းနောက်(ခင်ပွန်းအိမ်)လိုက်နေရလို့ ရက်မှလ၊ လမှ နှစ်တွေ ပြောင်းလာတော အမေကို လွမ်းလာတယ်။ အမေ့ဆီ ပြန်ချင်လာတယ်။ ဒါ့ကြောင့် ခင်ပွန်းထံ ခွင့်ပန်လို့ အမေရှိရာကို ခေတ္တခဏ ပြန်ခဲ့ပါတယ်။ သူပြန်ချင်တာလည်း တရားပါတယ်။ အမေ့မေတ္တာ၊ အမေ့အရိပ်လောက် အေးမြတဲ့နေရာ ဒီကမ္ဘာမှာ ရှာလို့မှ မတွေ့ နိုင်သေးတာပဲ။
မေတ္တာတွေနဲ့ ပြည့်နှက်နေတဲ့ အမေ့အ်ိလေးကို မြင်ရတော့ အမေ့ကိုလွမ်းတဲ့စိတ်တွေကို ထိန်းမထားနိုင်တော့ဘဲ တစ်ခေါ်လောက်ဝေးတဲ့ နေရာကနေ ဒုန်းစိုင်းပြေးခဲ့တာ။ အမေ…အ မေ…ဟောဟဲ…။ အမေ့မျက်နှာ မြင်ရမှပဲ အမောတွေ ပျောက်သွားရပါတယ်။ အမလေး…အ မေရယ်…ခေါ်လိုက်ရတာ၊ အမေ့ကို တွေ့မှ တွေ့ပါ့မလားလို့ စိုးရိမ်လိုက်ရတာ။ အခုမှပဲ စိတ်အေးသွားတော့တယ် ဟုပြောရင်း အမေ့ရင်ခွင်ကြား ခေါင်းထားလို့ ကလေးငယ်တစ်ဦး အသွင်တီတီတာတာ ဆိုနေမိပါတယ်။
“ သမီးရယ် ဘာလို့ပြန်လာတာတုံး။ သမီးခင်ပွန်းရော ပါမလာဘူးလား “
“ အမေရယ်…မေးခွန်းတွေက များလှချည်လား။ သမီးပြန်လာတာက အမေ့ကိုလွမ်းလို့ပေါ့“
ဟုဆိုရင်း အမေ့မျက်နှာလေးကို လက်ညှိုးလေးနဲ့ မထိတထိကျီစယ်ရင်း သူဖြေလိုက်တယ်။ ပြီးတော့…အမေ့သမက် ကျွန်မခင်ပွန်းက ပါမလာဘူးရှင့်။ သူနေကောင်းပါတယ်၊ ဒေါင်ဒေါင် မြည်လို့ဟု ဟန်နှင့်ပန်နှင့် အမေ့ရဲ့ အမေးကို ဖြေလိုက်တယ်။ ကလေးတစ်ဦးသဖွယ် ဟန်နှင့် ပန်နှင့် သူ့အမေးကို ဖြေနေတဲ့ သမီးရဲ့ပုံကို မြင်ရတဲ့ မိခင်ကတော့ အပြုံးများနဲ့ သမီးကို ရင်ခွင်ထဲဆွဲသွင်းရင်း အေးပါကွယ်၊ သိပါပြီ…သိပါပြီ။ သမီး ရေသွားချိုးလိုက်နော်၊ ပင်ပန်းလာ တာ အမောပြေလန်းဆန်းသွားအောင်လို့၊ ကဲ…သွား…သွား။
အမေ့စကားအဆုံး အမေ့ရင်ခွင်ထဲက ထွက်လို့ ရေမိုးချိုး အလှပြင်ကာ အမေကျွေးတဲ့ ထမင်း ကိုစားရင်း စကားတွေပြောဖြစ်ခဲ့တယ်။ စကားပြောတွေကလည်း တခြားမဟုတ်ပါဘူး၊ စီးပွား ရေး၊ လူမှုရေးတွေပါ။ အထူးသဖြင့် သမက်တော်ရဲ့လား၊ သမီးကိုဂရုစိုက်ရဲ့လား စတာတွေပါ ပဲ။ အမေ့သမက်ကိုလူချော တော်ကြောင်း၊ ကောင်းကြောင်း၊ ဂရုစိုက်ကြောင်းတွေကို ဖြေရင်း ပြောရတာအမော ခင်ပွန်းဆီလွမ်းတဲ့စိတ်က ၀င်လာပါတယ်။ ဒါ့ကြောင့် အမေ့ဆီမှာ (၂)ရက်၊ (၃)ရက်ပဲ နေမယ်ဟု စိတ်ထဲက တိတ်တခိုး ဆုံးဖြတ်လိုက်ပါတယ်။
(၂)ရက်၊ (၃)ရက်ကြာတော့ ခင်ပွန်းဆီပြန်ဖို့ ပြင်ဆင်တာပေါ့။ ဘာရမလဲ၊ ကိန္နရီ ကိန္နရာ တစ်ညတာလေး ဝေးနေရတာ ခုနှစ်နှစ်လောက် ကြာတယ်ထင်တယ်လို့ ဆိုစကား ရှိသား မဟုတ်လား။ အခုလည်း ငါက ငါ့ခင်ပွန်းကို သတိရလို့ ပြန်ဖို့ ပြင်တာ တရားပါတယ်လေဟု သူ့ကိုယ်သူ အားပေးနေလေရဲ့။ အပြစ်မရှိကြောင်းထောက်ခံနေလေရဲ့။ ဒီမြင်ကွင်းကို မြင်သွား တဲ့ မိခင်က “ ဟဲ့…ဟဲ့သမီး ဒါက ဘယ်လိုဖြစ်တာလဲ။ ဆိုင်းမဆင့် ဗုံမဆင့် ပြန်တော့မလို့လား “ “ဟုတ်တယ်အမေ၊ သမီးသူ့ကို လွမ်းနေပြီ၊ ပြန်ခွင့်ပြုပါနော် “ ဟု အမေ့ထဲ မျက်နှာငယ်နှင့် ခွင့်ပန်တော့ " သြော်…သမီးရယ် ပြန်တော့ ပြန်ပါအေ။ အမေ ကြည်ဖြူပါတယ်။ ဒါပေမဲ့ ခင်ပွန်းဆီပြန်တာ လက်ချည်းပြန်လို့ မတော်ဘူး သိလား။ အမေ မုန့်ကြော်ပေးလိုက်မယ်၊ ဒီတစ်နေ့တော့ နေပါဦးကွယ်" ဟုတားသည်။ အေးလေ…တစ်နေ့နဲ့တော့ မထူးပါဘူး နေလိုက် ပါမယ်။ " အင်းပါ အမေရယ်၊ ဒါဆိုလည်း အမေ မုန့်ကြော်ပေးနော်"ဟု တောင်းဆိုလိုက်တယ်။
ဖြစ်ချင်တော့ မုန့်ကြော်ပြီးတဲ့အချိန်မှာ သူတို့အိမ်တံခါးဝမှာ ရဟန်းတော်လေးပါး ဆွမ်းရပ်တော် မှုလာတယ်။ သူ့အမေက မုန့်ကြော်အားလုံး ရဟန်းတော်တို့ကို မျှဝေလှူလိုက်ပါတယ်။ ဒါ့ကြောင့် သူနောက်တစ်နေ့ အမေ့အိမ်လေးမှာ ဆက်နေရတာပေါ့။ နော်ကနေ့ဆက်ပြီး မုန့်ကြော်၊ ရဟန်းများကြွလာလို့ လှူလိုက်ရပြန်တယ်။ ဒီလိုနဲ့ လေးရက်မြောက်နေ့မှာ သူ့ခင်ပွန်းက သူပြန်မရောက်လို့ နောက်အိမ်ထောင်ပြုသွားပြီလို့ သတင်းစကားကြားရပါပြီ။ အဲဒီသတင်းစကား သူ့နားထဲ သံချွန်နဲ့ထိုးဆွသလိုပါပဲ။
သူ့ခင်ပွန်း နောက်အိမ်ထောင်ပြုလိုက်ပြီဆိုတဲ့ သတင်းစကား ကြားတဲ့အခါယူကျုံးမရဖြစ်ကာ သူလေ အရူးတစ်ပိုင်း မိန်းမရိုင်းကြီး ဖြစ်သွားပြီး။ သူအချိန်မီ ရောက်မသွားလို့သာ ခင်ပွန်း နောက်အိမ်ထောင်ပြုသွားတာ၊ အချိန်မီ မရောက်ရခြင်းဟာ ရဟန်းတော်လေးပါး နေ့တိုင်း မုန့် အလှူခံကြွလာလို့သာပဲဟု တရာခံ၇ှာပါတယ်။ တရားခံဟာ ရဟန်းတော်လေးပါးပဲဟု တစ်ထစ် ချ သူယုံမှတ်လိုက်ပြီ။ ဒါကြောင့် သူလေ ရဟန်းမြင်သမျှကို ဆဲရေးပြစ်တင် ပါတော့တယ်။ ရဟန်းတော်တွေလည်း သူ့ကိုကြောက်လို့ သူတို့အိမ်ကို မဆိုထားနဲ့ သူတို့လမ်းထဲတောင် မကြွ ရဲကြတော့ပါဘူး။
ဒီအကြောင်းကို ကြားသိတော်မှုတဲ့ မြတ်စွာဘုရားဟာ သူတို့အိမ်ကို ကြွတော်မှုပါတယ်။ သူ့အမေက ထိုမြတ်စွာဘုရားကို မြတ်မြတ်နိုးနိုး ခရီးဦးကြိုဆိုလို့ မြတ်မြတ်နိုးနိုး နေရာထိုင်ခင်းပေးပြိး ရှိခိုးပါတယ်။ မြတ်စွာဘုရားက သူ့ကိုမတွေ့လို့ မေးပါတယ်။ ဒီအခါ သူ့အမေက အကြောင်းစုံ လျှောက်ထားပါတယ်။ အကြောင်းအကျိုးကိုသိတဲ့ မြတ်စွာဘုရားဟာ သူ့ကို ခေါ်စေပါတယ်။ ပြီးတော့ " ချစ်သမီး..ငါဘုရားရဲ့သားတော် ရဟန်းတွေဟာ သူတစ်ပါး ပေးတာကိုသာ ယူတာလော၊ မပေးတာကို ယူတာလော"ဟု မေးပါတယ်။
ဒီတော့ သူက ဘာပြန်လျှောက်ထားသလဲသိလား။ "ရဟန်းတော်များဟာ ပေးလှူတာကိုပဲ ယူပြီး မပေးတာကို မယူပါဘူးဘုရား"…တဲ့လေ။ "ဆွမ်းခံကြွတဲ့အခါ သင်တို့ရဲ့ တံခါးဝမှာ ရပ်ပြီး ပေးလှူတာကိုသာ ယူတာဆိုရင် ငါ့သားတပည့် ရဟန်းတို့မှာ အပြစ်ရှိသလား"ဟု မေးမြန်းပါတယ်။ ဒီအခါမှာလည်း သူကလေ"အရှင်ဘုရားရဲ့သား တပည့်ရဟန်းတွေမှာ အပြစ်မရှိပါဘူးဘုရား " …လို့ ဖြေပြီး တပည့်တော်မကို အပြစ်မှ ချမ်းသာပေးပါလို့ လျှောက် ထားတယ်လေ။
ဒီလိုတောင်းပန် ကန်တော့မှသာ အပြစ်ကပြေပျောက်မှာကိုး။ ဘာကြောင့်လဲဆိုရင် သူဟာ ရဟန်းသားတော်တွေကို စော်ထားတာကြောင့်ပါ။ ရဟန်းအပေါင်းကို စော်ကားခြင်းဟာ သံဃာကို ပြစ်မှားတာ ဖြစ်လို့ပါပဲ။ ဘုရားရှင်က တောင်းပန်လျှောက်ထားတဲ့သူကို တရားစကား ပြောကြားပါတယ်။
" ချစ်သမီး…ဒါနဟာ ပေးသူ၊ ယူသူ နှစ်ဦးစလုံးရဲ့စိတ်ကို နူးညံသိမ်မွေ့စေပါတယ်။
- ဒါနဆိုတဲ့ ပေးကမ်းခြင်းဟာ ခရီးသွားတဲ့အခါ ရိက္ခာယုပ်ခြင်းနဲ့တူပါတယ်။
- သံသရာခရီးလမ်းမှာ လိုအပ်သလို ထုတ်ယူသုံးစွဲဖို့ လက်မှတ်တစ်စောင်နဲ့လည်း တူပါတယ်။
- ဒါနဟာ ဘ၀ဆက်တိုင်းမှာ အူမတောင့်ဖို့ မျိုးစေ့တစ်ခုပါ။
ဒါကြောင့် သင်ပေးလှူခဲ့တဲ့ မုန့်အလှူအတါက် ၀မ်းသာပါ ချစ်သမီး "လို့ ဒါနအကြောင်း မိန့်မြွက်ဟောကြားပါတယ်။
" ချစ်သမီး…ဒါနဟာ ကောင်းကျိုးအဖြာဖြာကို ပေးနိုင်သလို သီလဟာလည်း ကောင်းခြင်း တရားများစွာကို ပေးနိုင်ပါတယ်။ သီလနဲ့ ပြည့်စုံသူဟာ
- ဖြစ်လေရာ ဘ၀တိုင်းမှာ အသက်ရှည်မယ်။
- သီလဆောက်တည်ရခြင်းကြောင့် မိမိရဲ့စိတ်ကို ဖြူစင်စေပါတယ်။
- မိမိအနီးအနား ဆက်နွယ်သူမှန်သမျှကို ငြိမ်းချမ်းစေနိုင်ပါ။
ဒါနမှု၊ သီလမှုတွေကြောင့် လူ့ပြည် နတ်ပြည်မှာ အခါခါ ကျင်လည်ကျက်စားနိုင်ပါတယ်။ နတ်ပြည်မှာ ၀တ်စရာ၊ စားစရာ၊ နေစရာ အားလုံးဟာ အဆင်သင့်ပါပဲ။ ပူစရာမလိုဘူး ချစ်သမီး။ ဒါပေမဲ့ လူ့ပြည်ရောက်ရင် လူ့ခန္ဓာ၊ နတ်ပြည်ရောက်ရင်နတ်ခန္ဓာကို ရမှာပါ။ ရုပ်၊ နာမ်ဆိုတဲ့ သင့်ရဲ့ခန္ဓာငါးပါးတရားစုဟာ ဒုက္ခချည်းသက်သက်ပါ။ ရုပ်၊ နာမ်တရားတွေဟာ အမြဲမပြတ် ဖြစ်ပျက်နေလို့ မမြဲတဲ့သဘော အနိစ္စပါပဲ။ ဤခန္ဓာငါးပါး အနိစ္စတရားကို ချမ်းသာအောင် လုပ်ဆောင်ပေမဲ့ ဒုက္ခဆင်းရဲ သက်သက်ပါပဲ။ ခန္ဓာငါးပါး ရုပ်နာမ်တရားတွေ ဟာ ငါ့အကြိုက်မလိုက် ဖြစ်ပြီး ပျက်နေလို့ အနတ္တဟုဆင်ခြင်ပါ။ သံသရာမှ ထွက်မြောက် ကြောင်းဖြစ်တဲ့ ဖြစ်ပျက်ကို မြင်အောင်ရူပါ။ လူ့ခန္ဓာလည်း သေရမှာ၊ နတ်ခန္ဓာလည်း သေရမှာပဲ"လို့ ဆုံးမပါတယ်။
ဘုရားရှင်ရဲ့ တရားအဆုံးအမတွေကို သူလေနားက တရားနာပြီးဥာဏ်က ခန္ဓာဘက်လှည့်ပြီး စောင့်ကြည့်ပါတယ်။ ပူတာကရုပ်၊ ပူတယ်လို့သိတာက နာမ်လို့ သိပါတယ်။ သဘောခန္ဓာ တွေကို ဥာဏ်နဲ့ရူပါတယ်။ ပစ္စုပ္ပန်ခန္ဓာကို သူတွေ့ပါတယ်။ ပစ္စုပ္ပန်ခန္ဓာဆိုတာ သဘောခန္ဓာ ပေါ့။ ဘုရားရှင်ရဲ့ အသံတော်က သူ့ရဲ့နားမှာ တွေ့ပါတယ်။ အဲဒီမှာ ကြားစိတ်၊ ကြားခန္ဓာလို့ သိပါတယ်။နားမှာပဲ အသံတွေဟာ ခုပေါ်(ခုဖြစ်) ခုပျက်နေကြောင်း ထိုးထွင်းသိပါတယ်။ ကြားခန္ဓာရဲ့ ဖြစ်ပျက်တွေ မဂ်ဂင်ငါးပါး ၀ိပဿနာဥာဏ်နဲ့ မြင်ပါတယ်။ ရုပ်၊ နာမ်တွေဖြစ်ပြီးပျက်နေတာ၊ ခန္ဓာတွေ ဖြစ်ပြီး ပျက်နေတာ မြင်လိုပါတယ်။
- ဖြစ်ပျက်တွေ မြင်ဖန်များတော့ သူမုန်းလာပါတယ်။
- မုန်းဖန်များတော့ ဖြစ်ပျက်တွေ အဆုံးကို တွေ့ပါတယ်။
- တစ်ကြိမ်မုန်း တစ်ကြိမ်ဆုံးတော့ သူလေ သောတာပန်တည်သွားပါတယ်။
- သူ သောတာပန်တည်တော့ ဘုရား၊ တရား၊ သံဃာ ရတနာသုံးပါတွင် ကြည်ညိုစေပြီး သောတာပန်တည်အောင် တရားဟောကာ လောကုတ္တရာ အမွေတွေ ပေးခဲ့ကြောင်း မိန့်ကြားတာပေါ့။
ဘုရားရှင်မိန့်ကြားသံကိုကြားရတဲ့ ကောသလမင်းကြီးလည်း သာသနာတော်ကို ကြည်ညိုတဲ့ မင်းဖြစ်တာကြောင့် သူ့ကို သမီးအဖြစ် မွေးစားပြီး လောကီစည်းစိမ်အမွေတို့ကို ပေးပါတယ်။ ပြီးတော့သူ့ကို အမတ်တစ်ဦးနဲ့ အိမ်ထောင်ချပေးပါတယ်။ ဒါဆိုရင် သူဟာ အရူံးထဲမှာ အမြတ် ရှာနိုင်ခဲ့တာပေါ့။
သူဟာ..
ပထမ မုန့်ကြော်များ ဆုံးရူံးရခြင်း၊
ဒုတိယ လင်ယောက်ျား ဆုံးရူံးရခြင်း၊
တတိယ သူနှင့်သံဃာများကို ပြစ်မှားမိခြင်းကြောင့် ကိုယ်ကျင့်တရားများ ဆုံးရူံးရခြင်း ဒါပေမဲ့ ဘုရားရှင်က တရားဟော ဆုံးမလို့
- ကာသလမင်းကြီးရဲ့ သမီးတော် အဖြစ်တည်၍ စည်းစိမ်ဥစ္စာတို့ကို ရရှိခြင်း၊
- အရာရှိအမတ် လင်ယောက်ျားကို ရရှိခြင်း၊
- ဒါနမှု၊ သီလမှုများ မငြိုမငြင်ပြုရခြင်း။
- ဘုရားရှင်ရဲ့သမီးအစစ် သောတာပန်အဖြစ်တည်ရခြင်း စတဲ့ အမြတ်တရားများ ထုတ်ယူနိုင်ခဲ့ပါတယ်။
တကယ်တော့ သူဆိုတာ ကာဏာဆိုတဲ့ အမျိုးသမီးလေးပါ။ သူ့အမေကတော့ ကာဏမာတာ လို့ခေါ်ပါတယ်။ ဒီအကြောင်းအရာလေးဟာ မြတ်စွာဘုရားသာဝတ္တိပြည်၊ ဇေတ၀န်ကျောင်းမှာ သီတင်းသုံးပြီးသတ္တ၀ါတွေရဲ့ အကျိုးကို မျှော်ကိုး သာသနာပြုနေတဲ့ အချိန်က အဖြစ်အပျက် ကလေးပါ။
လောက်မှာ အမေကို သားသမီးတို့ရဲ့ ပစ္စုပ္ပန်သံသရာ နှစ်ဖြာကောင်းကျိုး မျှော်ကိုးဆောင်ရွက် ပေးတတ်တဲ့ အတုမရှိလို့ တင်စားကြပါတယ်။ ဒီဇာတ်လမ်းလေးထဲက ကာဏမာတာဟာ သမီး ကာဏာကို ပစ္စုပ္ပန်ဘ၀အတွက် ခင်ပွန်းကောင်းနဲ့ စည်းစိမ်တို့ကို ပေးခဲ့ပြီး။ သံသရာဘ၀ အတွက် သောတာပန်တွင် တည်စေခဲ့ပြီး။ ဒါတွေဟာ အမေကပေးတဲ့လက်ဆောင် (အမြတ်တရား) များပဲ မဟုတ်ပါလား။
(ဓမ္မပဒ-ပဏ္ဍိတ၀ဂ်၊ ကာဏမာတာဝတ္ထု)
Monday, February 9, 2009
ချစ်ဦးသစ္စာ...
တစ်နယ်စီခြား
ဝေးကွာငြားလည်း
တမ်းတသူကို
မှန်းဆမိနေ
လေရှုးနှောက်မွှေ
သစ်ရွက်ကြွေစဉ်
မှန်းဆရော်ရည် မောင့်အချစ်တွေသည်
ဆူးတောပန်းပွင့်
မှတ်ယူတင့်၍
ခြောက်သွေ့ ကန္တာ
ဆင့်ဆင့်ကျော်ကာ
မေ့ဆီအရောက်
မောင်လှမ်းလျှောက်မည်
နွေဦး ရောက်ခဲ့ပြန်လေပြီ....၊
အာကာခံပြင်း
ဒေါမာန်တင်း၍
မုန်တိုင်းတေးသံ
သောသောညံစဉ်
မှန်းဆရော်ရည်
မောင့်အချစ်တွေသည်
လှမ်းလင့်နွံအိုင်
တောကိုချိုင်၍
သားရဲ ရင်ဆိုင်
မရွံ့ ကြောက်နိုင်ပဲ
မေ့ဆီအရောက်
မောင်လှမ်းလျှောက်မည်
မိုးသို့ရောက်ခဲ့ပြန်လေပြီ.....၊
ခြုံလွှာယှက် သိုင်း
မြူတွေဆိုင်း၍
ဝေ့ဝေ့သီမှုန်
ချမ်းသိမ့်တုန်စဉ်
မှန်းဆရော်ရည်
မောင့်အချစ်တွေသည်
ထီမထင်အား
နှင်းတောင်လွှား၍
ရေခဲမြစ်ပြင်
လက်ပစ်နှင်ကာ
မေ့ဆီအရောက်
မောင်လှမ်းလျှောက်မည်
ဆောင်းသို့တစ်ခေါက်
ရောက်လေပြီ.........၊
ရာသီစက်ဝန်း
အလီလီယွန်း၍
အိုမင်းရင့်ရော်
ခြောက်သွေ့သော်လည်း
မှန်းဆရော်ရည်
မောင့်အချစ်တွေသည်
နှောင်ထုံး ဖွဲ့ တည်
မေ့အတွက်ကိုသာရည်.....။
( အချစ်ကို ကဗျာသီ......
သူ့ကိုရည် ၍ ရော်ရည်တမ်းတ..
အိပ်ပျက်ညတွေ
များခဲ့ပါပြီ...........)
အချစ်=အချစ်..
အချစ်အချစ်..
ချစ်တိုင်းချစ်၍
ချစ်လေချစ်လေ
ချစ်မပြေတည်း...
ဆားငန်ရေနောက်
ငတ်တိုင်းသောက်က
သောက်လေသောက်လေ
ငတ်မပြေသို့...
ပေမအရာ၊တဏှာဖွဲ့ရစ်
ထိုအချစ်လည်း
၊အပြစ်မမြင်
မဆင်ခြင်ဘဲ
ချစ်လျှင်ပျော်နိူး
ချစ်စပျိုးသည်
ချစ်ရိုးချစ်စဉ် ချစ်လမ်းတည်း။
"တိတ်တိတ်နေသူ"
မောင်စံသည်နံနက်စောစော အိပ်ရာမှ ထလေ့ရှိသည်။ အိပ်ရာမှထပြီးနော်က တင်းတိမ်ကိုခြုံ ကာ မီးဖိုချောင်၌ ဆေးပေါ့လိပ်ကိုဖွာရင်း စိတ်ကူးဥာဏ်ထုတ်၍သာ နေလေ့ရှိ၏။
ယေက္ခမယောကျာ်းကြီးနှင့် မိန်းမကြိးသည်ကား ရခါစဖြစ်သောသားမက်ကို နံနက်တိုင်းအကဲ ခတ်လျက် အားတက်၍နေကြလေ၏။ “တော်လိမ့်မယ်ရှင်မရဲ့၊ စကားတော့ အင်မတန်ကြီးမ ပြောဘူး၊ ကြိတ်ကြံနေတဲ့ပုံပဲ” ဟု ယောက္ခမယောကျာ်းကြီးက ပြောလေ၏။
ယောကျာ်းကြီးက “အေး...ကုသိုလ်ပဲ၊ “လူပြောမသန်၊ လူသန်မပြော”တဲ့၊ တစ်ယောက်တည်း ကြိတ်ပြိးကြံတဲ့လူများဟာ မညံ့ဘူးနော်၊ ဒါနဲ့အလျင်ကတော့ မင်းကဘာလေးညာလေး ပြောသေးတယ်၊ ငါကလူကဲကြည့်ပြီး စီမံလိုက်တာ၊ မင်းကတော့ မီးပုံအလှော်ကောင်းလို့ ငါပါတယ်ထင်တာပေါ့။ အခုဘယ့်နှယ်ရှိစ ဒါမျိုးမှအဖိုးတန်ရုပ်ကတော့ နောက်ပိတ်နဲ့ ခေါင်း ပေါင်းနဲ့ဆိုရင် ပွဲစားရုပ်ပဲ၊ ဟင် မဟုတ်ဘူးလား”
“ပွဲစားဆိုတာ စကားများ ရတယ်တော့၊ တော့သားက စကားနည်းတာ”
“စကားများတိုင်း အသားပါတာမဟုတ်ဘူးကွယ်၊ တစ်လုံးပြောရင် ပြောသာလောက် အရာ ရောက်မှ စကားပြောကျိုးနပ်တာ၊ မင်းသားက ဒီလိုအစားမျိုးထဲက”
“ဟုတ်တယ်၊ ကျုပ်လဲအကဲခတ်ရက်ပဲ၊ မနက်တိုင်းစောစောထတယ်၊ စောစောထတာဟာ ၀ီရိယပဲ”
“၀ီိရိယလဲ ၀ီရိယပဲကွယ့်၊ လူဟာကြံပြီဆိုရင် အိပ်မနေနိုင်ဘူး၊ နိုးရတာမျိုး၊ သည်တော့အကြံ တွေ စိတ်ကူးတွေ များအားကြီးလို့ အိပ်ရာထဲမှာ မနေနိုင်ဘဲထပြီး၊ လူကြီးမိဘကို ကြောက်ရွံ့ရိုသေတဲ့စိတ်ကလဲ တစ်ဖက်မို့ မီးဖိုနားမှာချောင်ခိုပြီး စဉ်းစားတာပဲ”
“အင်း...အခုအိမ်ပေါ်ရောက်တာ တစ်လနီးပြီ၊ ကြံရက်ချည်းနေတာပဲ၊ ဘာများကြံသလဲ မသိ ဘူး”
“ဟုတ်တယ်၊ အကြံဘယ်လောက်ကောင်းစေကာမှု လက္ခဏာ မရှိတော့လဲ ကြိတ်မနိုင်ခဲမရ ဖြစ်နေရတာပဲ၊ မိဘဆီမှာ ငွေကြေးတောင်းဖို့ဆိုလဲ ခက်နေတယ် ထင်ပါရဲ့”
“အကြံကောင်းရင် ငွေဘာအရေးကြီးသလဲကွယ့်၊ ငွေဆိုတာ ကြံဖို့စ်ဖို့ဟာပဲ၊ ငွေကိုစုထားလို့ ဘာလုပ်မှာတုန်း၊ ကိုယ့်သားသမက်ကို ကူလီစာရင် ငှားအလုပ်သမားလိုလဲမခိုင်းနိုင်ဘူးကွယ့်၊ သည်တော့ အကြံကောင်း အစည်ကောင်းရှိ၇င် ခန့်ခန့်ညားညား နောက်လိုက်နောက်ပါနဲ့ သွားလာကြံဖတ်နိုင်အောင်ငွေထုတ်ဖို့ရှိတာပဲ”
“မေးကြည့်ပါဦး၊ ဘယ်လိုအကြံများ ရှိသလဲဆိုတာ သိရအောင်”
“မေးမှဖြစ်မယ်၊ မင်းသားက ဗဟိုစည်လို တီးမှမြည်မယ့်လူစား၊ မတီးမမြည်ထဲက၊ ငါက ဒါမျိုးမှ သဘောကျတာ၊ သွက်ဟန်၊ ချက်ဟန်၊ တက်ဟန်နဲ့ ဟိုညံ့ညံ့ ဒီညံ့ညံ့ အကောင်မျိုးကို မကြိုက်ဘူး”
“အခုတော့ တော့အကြိုက်တွေ့ပါပြီ၊ သားသမက်ကောင်းရရင် လွှဲပြိးဥပုသ်သီတင်းစောင့် ပုတီးစိပ်နေတာပေါ့၊ လှေနဲ့တက်နဲ့အသင့်ပဲ”
နောက်တစ်နေ့နံနက် အဘိုးကြီးနှင့်အမယ်ကြီးသည်စောစောထလျက် သမက်ကို စောင့်၍နေ ကြလေ၏။
ထိုအခါ မိုးတစိမ့်စိမ့်ရွာသဖြင့် အတော်အေးသော နံနက်ဖြစ်လေ၏။
သမက်တော်မောင်လည်း အခါတိုင်းနည်းတူ ဆေးပေါ့လိပ်ကို ကိုက်ကာ တင်းတိမ်ကိုခြုံလျက် အိမ်ပေါ်မှဆင်း၍လာလေ၏။
အဘိုးကြီးနှင့်အမယ်ကြီးသည် တစ်ယောက်ကိုတစ်ယောက် လက်တို့ကာ အရိပ်ကြည့်၍နေကြ လေ၏။ သို့ကြည့်နေခိုက်တွင် မီးဖိုထဲသို့ဆေးလိပ်ဖွာရင်း ၀င်၍သွားလေ၏။
မိုးဖိုမှာ နံနက်အာရုဏ်ဆွမ်းချက်ပြီးစမို့ နွေး၍နေလေ၏။ မောင်စံသည် အခါတိုင်းနည်းတူ မီးဖို မှာထိုင်လျက် မီးလှုံရင်း ဆေးလိပ်ကိုသာခဲ၍သောက်လျက် မီးဖိုကပြာတွေကို ၀ါးခြမ်းစနှင့် လိုးဆွနေလေ၏။
“ကိုင်း...ခေါ်လေ ရှင့်သားကို၊ ရှင်ပဲခေါ်ပါ”
“မင်းခေါ်ပါ၊ ငါကအင်မတန်ကြီး အရောဝင်လို့မကိုက်ဘူး”
“အမယ်လေးတော် ယောက္ခမနို့ သမက်မစို့ဝံ့သလို လုပ်မနေပါနဲ့၊ ခေါ်သာခေါ်ပါ”
အဘိုးကြီးသည် သက်မကြီးချပြီး“အဟမ်း” ဟုချောင်းဟန့်ပြီး “ဟေ့..မောင်စံလာပါဦးလား ကွယ်၊ မင်းအမေက ဟောဒီမှာ...”ဟု စကားတစ်ပိုင်းပြတ် ပြောလိုက်လေ၏။
အဘိုးကြိးသည် က္ကုနြေ္ဒကြီးသူဖြစ်သဖြင့် သမက်အား“ စတင်ရန်ခက်ပါဘိ” ဆိုသည့်စကားလို ဖြစ်၍နေလေရာ ထိုခေါ်ခြင်းသည် ပထမအရဲစွန့်၍ ခေါ်လိုက်ခြင်းဖြစ်လေ၏။
“ခင်ဗျာ”ဟု အသံသေးကလေးနှင့် မောင်စံကပြန်၍ထူးပြီး မီးဖိုမှ ထ၍လာလေ၏။
အဘိုးကြီးနှင့် အမယ်ကြီးရှေ့၌ ကျုံ့ကျုံ့ကလေးလာ၍ ထိုင်လေ၏။
အဘိုးကြီးက အမယ်ကြီးအား လက်ကုတ်ကာ“ဘယ့်နှယ်လဲ၊ ယောက္ခမမိဘမို့ ရိုသေရမှန်း၊ ကိုင်းညွတ်ရမှန်း သိလိုက်တာ၊ အခုကာလသားကလေးတွေနဲ့ မခြားဘူးလား”ဟု ပြောလေ၏။
“အေး...လောကမှာ အကြံနဲ့လူ၊ ဥာဏ်နဲ့လူမှ ဖေဖေတို့က သဘောကျတာ၊ အကြံကောင်းတစ် ချက်တဲ့၊ ငွေကြေးဆိုတာကြံဖို့ စည်ဖို့ထားတာ။ လုပ်ချင်ကိုင်ချင် ကြံစည်ချင်ရင် အားမနာနဲ့၊ ဘားမှရှက်ကြောက်နေဖို့ မရှိဘူး။ ဖေဖေတို့ကလဲ အသက်အရွယ်ကြီးကြပြီ ကြံသမဆစည်သ မျှလဲ မင်းတို့ဖို့ပဲ၊ ပြောသာပြော၊ မင်းမနက်တိုင်း စိတ်အိုက်နေတာကို မြင်ရတာ ငါတို့မသက် သာဘူး”
မောင်စံသည် ပြောရမျာ ခက်သည့်အမှုအရာနှင့် မျက်နှာအောက်ချလျက် “မပြောပါရစေနဲ့ဦး ဖေဖေရယ်၊ ကြံတော့ ကြံတာပဲ၊ စဉ်းစားပါရစေဦး”ဟု ပြန်၍ပြောလေ၏။
အမေကြီးက “ဘာများခက်စရာရှိနေလို့လဲကွဲ့၊ တယ်လဲအားနာတတ်တာကိုးကွဲ့။ ပြောသာ ပြောပါ၊ အကြံရှိလို့ မင်းစဉ်းစားမရရင် အမေတို့လဲကူပြီး စဉ်းစားရတာပေါ့။ ပြောသာပြောပါ”
“သည်းခံပါ အမေရယ် တဖြည်းဖြည်းတော့ သိရမှာပါ။ အခုတော့ စောလဲစောပါသေးတယ်”
ဤကဲ့သို့ သုံးလေးရက်ကြာ၍ သွားသောအခါ အမယ်ကြီးက“မင်းတို့အကြံကောင်းရှိလို့ လုပ်ကိုင်ဖြစ်ထွန်းရင် ငါတို့ကိုပေးရမှာစိုးလို့ မပြောတာလား၊ စိုးရင်မင်းတို့ဘာသာ လုပ်တာပေါ့၊ ငွေဘယ်လောက်လိုတယ်ဆိုတာသာပြော”ဟု အမယ်ကြီးက ပြောလေ၏။
အဘိုးကြီးက“မပြီးခင် ဗမာမမြင်စေနဲ့ဆိုတဲ့ ကရင်စကားလို ထင်ပါရဲ့ကွယ်၊ လောကမှာ အဲဒီလိုလျှို့ဝှက်တာလဲ ကောင်းတာပဲကွဲ့၊ ဒီလူမျိုးမှ ကြီးပွားတာ၊ အကြံကိုလူတွေ့တိုင်းပြော သူတွေဟာ အပြောနဲ့ပြိးတာပဲ”
ထိုကဲ့သို့ သုံးလေးရက် ဆက်လက်၍ အဘိုးကြီးနှင့် အမယ်ကြီးက ပြောသောအခါ မောင်စံမှာ ဆက်လက်၍လျှို့ဝှက်စွာ မထားနိုင်တော့သည်ဖြစ်ရကား အကြံကို ထုတ်ဖွင့်ကာ...
“ဖေဖေတို့ ဒီလောက်တောင် သိချင်သလား၊ ကျွန်တော်အကြံက ငွေကြေးမကုန်ကျပါဘူး”
“မကုန်ကျဘဲနဲ့ဖြစ်နိုင်ရင် အတိုင်းထက် အလွန်ပေါ့ကွယ်၊ ပြောစမ်းပါဦး ဘယ်လိုအကြံမျိုးများ လဲ၊ ဖေဖေတို့ကရှေးကျကုန်ပြီ၊ မင်းတို့က ကာလဥာဏ်မီတယ်၊ ငွေရင်းမစိုက်ဘဲဖြစ်ထွန်းနိုင် တာဆို၇င် လူစွမ်းလူစလိုတာပေါ့၊ ပြောပါဦးလကွဲ့” ဟု အဘိုးကြီးက ပြော၏။
အမယ်ကြီးက “အေးကွယ်...ပြောစမ်းပါဦး၊ လူစွမ်းရင် ငွေထက်အဖိုးတန်တာပေါ့၊ ခိုးဝှက်လု ယက်တာမျိုးတော့ မဟုတ်ပါဘူး ထင်ပါရဲ့”
“မတော်တာအမေရယ်...ကျွန်တော်ဒါမျိုးမဟုတ်ပါဘူး၊ သူတစ်ပါးပစ္စည်းဆိုရင် စိတ်နဲ့တောင် မပြစ်မှားခဲ့ဘူး”
“အေး..ဒါမျိုးမှ ငါတို့က သဘောကျတယ်ကွဲ့၊ ငါတို့က ရိုးရိုးလုပ်ကိုင်ရှာဖွေ ဖြစ်သင့်သလောက် ဖြစ်ထွန်းလာခဲ့ကြပြီ။ သူတစ်ပါးပစ္စည်း ဘာလုပ်ဖုိ့လဲ၊ ကိုင်း...ငါ့သားအကြံပြောစမ်းပါဦး”
“ဖေဖေတို့ကလဲ တယ်သိချင်တာကိုး၊ သိချင်လို့မေး၊ ပြောရတော့မှာပဲ”
“အေးကွယ်...ပြောလိုက်စမ်းပါ“ဟု အမယ်ကြီးက အားတက်စွာပြောပြီး သမက်၏မျက်နှာကို ကြည့်လျက် နေလေ၏။
မောင်စံ... “အဟမ်း...ကျွန်တော် ကြံတာက တခြားတော့ မဟုတ်ပါဘူး အမေ”
အဘိုးကြီး... “ဘယ်လိုဆိုတာ သိရအောင်”
မောင်စံ...“အခုလို အရမ်းအေးလှတဲ့ မိုးတွင်းအခါများမှာ”
“အေးအေး..ဆိုစမ်းပါဦး”
“အခုလို မနက်စောစော မိုးရွာခိုက်မှာ”
“အေး...ဆိုစမ်းပါဦး”
မောင်စံ...“ကျွန်တော့် စိတ်ကူးကို ပြောတာနော်”
“အေးအေး...ပြောပါလကွဲ့”
မောင်စံ...“ကျွန်တော့်စိတ်ကူးတာတော့ အခုလိုမနက်စောစော မိုးရွာခိုက်မှာ စောင့်ခြုံပြီး ထမင်းရည်ပူပူကလေးကို ဆားခပ်သောက်ရရင် အင်မတန် ကောင်းမှာပဲလို့ စိတ်ကူးနေတာပါ ဖေဖေရဲ့”ဟု ပြန်၍ပြောလေ၏။
ထိုအခါကျမှ ယောက္ခမကြီးနှစ်ယောက်မှာ ငိုလည်းငိုချင် ရယ်လည်းရယ်ချင်ဖြစ်လျက် ငြိမ်သက်စွာ မထိုင်နိုင်ဘဲ အိမနောက်ဖေးသို့ ဆင်း၍ပြေးကြလေ၏။
အမယ်ကြီး...“ကိုင်း..ဘယ့်နှယ်ရှိစ၊ ကျုပ်အစကမေပြောလား”
“မပြောတတ်ပါဘူးကွယ်၊ ဟိုကောင်မ အလှော်ကောင်းတာနဲ့ ငါလဲ...”
“လူကဲခတ်တတ် တယ်ဆို...လူကဲ ခတ်ကောင်းကြီး၊ အခုဘုရား အလောင်းနဲ့ တွေ့ပြီးပွဲစားရုပ်၊ တယ်တော်တယ်...တော့ အတတ်”ဟုပြောပြီး မီးဖို သို့ဝင်ကာဈေးခြင်း ကိုဆွဲပြီး ခြေကိုဆောင့်၍ နင်းကာ ဈေးသို့သွား၍ ဆန်ဝယ်ရရှာလေ တော့သည်။
စိတ်နှလုံးယဉ်ကျေးခြင်း
ကိုယ်အမှုအရာ နှုတ်အမှုအရာ ရိုင်းစိုင်းခြင်း တိုတောင်းခြင်းသည် မရှိစေရ။ သို့သော်လည်း အောကျို့ခယ၊ ၀ပ်တွားခြင်းထက် တိုတောင်းခြင်းက တော်သေး၏။
တစ်ဖက်သားကု လွန်စွာအရိုအသေပေးခြင်းသည်မြှောက်ပင့်ခြင်း ဖြစ်လေရာ ရှုတ်ချဖွယ်ရာ ကောင်းသော အမှုအရာ ဖြစ်လေသည်။
“မှန်ပါပေးမယ်။ ဟုတ်ပါပေတယ်။ အမိန့်တော်အတိုင်းခင်ဗျာ” စသည့်စကားမျိုးနှင့် ကုန်းခြင်း၊ ကွခြင်း၊ ရှစ်ခိုးဦးညွှတ်တော့ မလိုရပ်ခြင်းသည် ရှေးခေတ်နှင့် ရှေးလူကြီးများ၏စိတ်၌ “လူလိမ္မာသား ယဉ်ပါသည်” ဟုပြောကာ ချီးမွမ်းကြသော်လည်း ယခု ကျွန်ုပ်တို့ခေတ်မှာကား ယောက်ျားမပီ၊ လူမလီလူညာ၊ တကယ့်နေရာ၌ လူရာမ၀င်လူမျိုးဖြစ်လေသည်။
ယခုခေတ်လူများသည် လွန်စွာယဉ်ကျေး၍ စိတ်သဘောကြီးကြ၏။ ပရိသတ်အလယ်တွင် တစ်စုံတစ်ယောက်၌ အပြစ်ပင်ရှိစေကာမှု ရူတ်ချခြင်း၊ ကဲ့ရဲ့ခြင်း လျောင်ရယ် ပြောင်ရယ် ပြုခြင်းများကို မလိုလား မနှစ်သက်ကြပေ။
ရှေးအခါက ပရိသတ်ဗိုလ်ပုံအလယ်၌ တစ်စုံတစ်ယောက်သည် မယဉ်ကျေးသော အမှုကိုပြုမိ သည်ဖြစ်စေ၊ စကားအသုံးအနှုန်းရိုင်းသည့်အခါဖြစ်စေ၊ လူကြီးလူကောင်း ထေရ်ကြီး ၀ါကြီးများ ဟုပင် အကြင်နာပြုံး၊ အခွင့်လွှတ်ပြုံး၊ ၄င်းနည်းမျိုးဖြင့် ပြုံးရယ်ကာ မှားသူကို သေးသိပ်အောင် ပြုတတ်ကြလေသည်။
“မသိရှာလို့ဘဲ နားမလည်လို့ပါ”ဟူသောစကားမျိုးဖြင့် ရယ်မောတတ်ကြ၏။ ယခုအခါ၌ကား ထိုကဲ့သို့ မပြောဘဲ အမှားကိုပင် မထင်ပေါ်စေရအောင် လိုက်လျောတတ်ကြလေသည်။
အချို့သောသူများသည် ရှေးနည်းအတိုင်း ပြောဆိုသုံးနှုန်းကြရာ ယခုခေတ်လူများသည် မနှစ်သက်စေကာမှု အပြစ်ဆိုလေ့မရှိကြပေ။ သို့အတွက် မိမိတို့နည်းလမ်းကို ကောင်းသည်မှတ်ထင်၍ နေကြလေသည်။
လူတစ်ဖက်သား၏စိတ်နှလုံးကို မသက်သာအောင် မပြုရ။ အောက်ကျို့လွန်းခြင်းသည် မကောင်းပေ။ လူပလီမျိုး၏ အကျင့်ယုတ်မျိုးနှင့် တူလေသည်။
နားထောင်သင့်သူတို့ကား ရိုးမှန်သောစိတ်နှင့် ပေါ့ပါးလျင်မြန်စွာ အမိန့်ကိုနာယူဆောင်ရွက်ရ မည်။ အမိန့်ကို ကောင်းစွာနာခံတတ်မှ အမိန့်ပေးသူ၏အဖြစ်သို့ ရောက်နိုင်၏။ တပည့်ကောင်း ဖြစ်မှ ဆရာကောင်း ဖြစ်နိုင်လေသည်။ အမိန့်ကိုသုန်မှုန်စွာ နားထောင်သူသည် ကျွန်နှင့်တူ၏။ ရွှင်လန်းကြည်ဖြူစွာနားထောင်တတ်သူသည်ကား သားသမိးကောင်းတပည့်ကောင်းနှင့်တူ၏။
တစ်ရံသောအခါ မြို့လှမင်းဓမ္မာရုံတစ်ခု၍ လူကြီးလူကောင်းများစကားပြောနေကြစဉ် ယော က်ျားပျိုတစ်ယောက် လက်တစ်ဖက်၌ ကျောက်နီလက်စွပ်နှစ်ကွင်းကို ဆင့်၍၀တ်၏ ထိုအခါ၌ ထင်ရှားသော မင်းလှမြို့သူဌေးဦးမှိုသည် လူကြီးများအထဲတွင် တစ်ယောက်အပါအ၀င်ဖြစ်၏။ ဦးမှိုက ၄င်းယောကျာ်းပျိုကို သေချာစွာကြည့်ပြိး “မင်းဘာဖြစ်လို့ လက်စွပ်နှစ်ကွင်းဆင့် ၀တ်ရသလဲ၊ ဘာအကြောင်းရှိလို့လဲ၊ အခုချွတ်ပစ်လိုက်” ဟုပြောရာ ၄င်းယောကျာ်းပျိုက “ကျွန်တော်မသိလို့ မှားမိတယ် ဘကြီးရယ်” ဟုပြောကာ လက်စွပ်များကို ကပျာကယာချွတ် ပြီး အိတ်ထဲသို့ထည့်၍ထားလိုက်၏။
ဦးမှိုအား“ဤသူငယ်နှင့် ဘာတော်သလဲ”ဟုအခြားလူကြီးတစ်ယောက်က မေးကြည့်ရာ “ဘားမှမတော်ပါ”ဟု ဦးမှိုကပြန်၍ ပြောလေသည်။ ထိုယောကျာ်းပျိုကျေးတောသားကလေးမှာ လျင်မြန်ကြည်ဖြူစွာနာခံသည့်အတွက်ကြောင့် အခြားလူကြီးလူကောင်းများ၏ ချီးမွမ်းခြင်းကို ခံရလေသည်။ မလိမ္မသူ ဖြစ်ချေက“ခင်ဗျားနှင့်ဘာဆိုင်သလဲဗျာ၊ ကျွန်တော့်မှာ ရှိလို့ဝတ်တာ” ဟု ပြန်၍ပြောကောင်းပြောပေလိမ့်မည်။ လိမ္မာသောယောကျာ်းပျိုသည်ကားဤသို့မပြော။ ကျေးဇူးတင်သော အမှုအရာနှင့်လျင်မြန်စွာ နားထောင်လိုက်လေသည်။
" စိတ်နှလုံးယဉ်ကျေးခြင်း "
ကိုယ်အမှုအရာ နှုတ်အမှုအရာ ရိုင်းစိုင်းခြင်း တိုတောင်းခြင်းသည် မရှိစေရ။ သို့သော်လည်း အောကျို့ခယ၊ ၀ပ်တွားခြင်းထက် တိုတောင်းခြင်းက တော်သေး၏။
တစ်ဖက်သားကု လွန်စွာအရိုအသေပေးခြင်းသည်မြှောက်ပင့်ခြင်း ဖြစ်လေရာ ရှုတ်ချဖွယ်ရာ ကောင်းသော အမှုအရာ ဖြစ်လေသည်။
“မှန်ပါပေးမယ်။ ဟုတ်ပါပေတယ်။ အမိန့်တော်အတိုင်းခင်ဗျာ” စသည့်စကားမျိုးနှင့် ကုန်းခြင်း၊ ကွခြင်း၊ ရှစ်ခိုးဦးညွှတ်တော့ မလိုရပ်ခြင်းသည် ရှေးခေတ်နှင့် ရှေးလူကြီးများ၏စိတ်၌ “လူလိမ္မာသား ယဉ်ပါသည်” ဟုပြောကာ ချီးမွမ်းကြသော်လည်း ယခု ကျွန်ုပ်တို့ခေတ်မှာကား ယောက်ျားမပီ၊ လူမလီလူညာ၊ တကယ့်နေရာ၌ လူရာမ၀င်လူမျိုးဖြစ်လေသည်။
ယခုခေတ်လူများသည် လွန်စွာယဉ်ကျေး၍ စိတ်သဘောကြီးကြ၏။ ပရိသတ်အလယ်တွင် တစ်စုံတစ်ယောက်၌ အပြစ်ပင်ရှိစေကာမှု ရူတ်ချခြင်း၊ ကဲ့ရဲ့ခြင်း လျောင်ရယ် ပြောင်ရယ် ပြုခြင်းများကို မလိုလား မနှစ်သက်ကြပေ။
ရှေးအခါက ပရိသတ်ဗိုလ်ပုံအလယ်၌ တစ်စုံတစ်ယောက်သည် မယဉ်ကျေးသော အမှုကိုပြုမိ သည်ဖြစ်စေ၊ စကားအသုံးအနှုန်းရိုင်းသည့်အခါဖြစ်စေ၊ လူကြီးလူကောင်း ထေရ်ကြီး ၀ါကြီးများ ဟုပင် အကြင်နာပြုံး၊ အခွင့်လွှတ်ပြုံး၊ ၄င်းနည်းမျိုးဖြင့် ပြုံးရယ်ကာ မှားသူကို သေးသိပ်အောင် ပြုတတ်ကြလေသည်။
“မသိရှာလို့ဘဲ နားမလည်လို့ပါ”ဟူသောစကားမျိုးဖြင့် ရယ်မောတတ်ကြ၏။ ယခုအခါ၌ကား ထိုကဲ့သို့ မပြောဘဲ အမှားကိုပင် မထင်ပေါ်စေရအောင် လိုက်လျောတတ်ကြလေသည်။
အချို့သောသူများသည် ရှေးနည်းအတိုင်း ပြောဆိုသုံးနှုန်းကြရာ ယခုခေတ်လူများသည် မနှစ်သက်စေကာမှု အပြစ်ဆိုလေ့မရှိကြပေ။ သို့အတွက် မိမိတို့နည်းလမ်းကို ကောင်းသည်မှတ်ထင်၍ နေကြလေသည်။
လူတစ်ဖက်သား၏စိတ်နှလုံးကို မသက်သာအောင် မပြုရ။ အောက်ကျို့လွန်းခြင်းသည် မကောင်းပေ။ လူပလီမျိုး၏ အကျင့်ယုတ်မျိုးနှင့် တူလေသည်။
နားထောင်သင့်သူတို့ကား ရိုးမှန်သောစိတ်နှင့် ပေါ့ပါးလျင်မြန်စွာ အမိန့်ကိုနာယူဆောင်ရွက်ရ မည်။ အမိန့်ကို ကောင်းစွာနာခံတတ်မှ အမိန့်ပေးသူ၏အဖြစ်သို့ ရောက်နိုင်၏။ တပည့်ကောင်း ဖြစ်မှ ဆရာကောင်း ဖြစ်နိုင်လေသည်။ အမိန့်ကိုသုန်မှုန်စွာ နားထောင်သူသည် ကျွန်နှင့်တူ၏။ ရွှင်လန်းကြည်ဖြူစွာနားထောင်တတ်သူသည်ကား သားသမိးကောင်းတပည့်ကောင်းနှင့်တူ၏။
တစ်ရံသောအခါ မြို့လှမင်းဓမ္မာရုံတစ်ခု၍ လူကြီးလူကောင်းများစကားပြောနေကြစဉ် ယော က်ျားပျိုတစ်ယောက် လက်တစ်ဖက်၌ ကျောက်နီလက်စွပ်နှစ်ကွင်းကို ဆင့်၍၀တ်၏ ထိုအခါ၌ ထင်ရှားသော မင်းလှမြို့သူဌေးဦးမှိုသည် လူကြီးများအထဲတွင် တစ်ယောက်အပါအ၀င်ဖြစ်၏။ ဦးမှိုက ၄င်းယောကျာ်းပျိုကို သေချာစွာကြည့်ပြိး “မင်းဘာဖြစ်လို့ လက်စွပ်နှစ်ကွင်းဆင့် ၀တ်ရသလဲ၊ ဘာအကြောင်းရှိလို့လဲ၊ အခုချွတ်ပစ်လိုက်” ဟုပြောရာ ၄င်းယောကျာ်းပျိုက “ကျွန်တော်မသိလို့ မှားမိတယ် ဘကြီးရယ်” ဟုပြောကာ လက်စွပ်များကို ကပျာကယာချွတ် ပြီး အိတ်ထဲသို့ထည့်၍ထားလိုက်၏။
ဦးမှိုအား“ဤသူငယ်နှင့် ဘာတော်သလဲ”ဟုအခြားလူကြီးတစ်ယောက်က မေးကြည့်ရာ “ဘားမှမတော်ပါ”ဟု ဦးမှိုကပြန်၍ ပြောလေသည်။ ထိုယောကျာ်းပျိုကျေးတောသားကလေးမှာ လျင်မြန်ကြည်ဖြူစွာနာခံသည့်အတွက်ကြောင့် အခြားလူကြီးလူကောင်းများ၏ ချီးမွမ်းခြင်းကို ခံရလေသည်။ မလိမ္မသူ ဖြစ်ချေက“ခင်ဗျားနှင့်ဘာဆိုင်သလဲဗျာ၊ ကျွန်တော့်မှာ ရှိလို့ဝတ်တာ” ဟု ပြန်၍ပြောကောင်းပြောပေလိမ့်မည်။ လိမ္မာသောယောကျာ်းပျိုသည်ကားဤသို့မပြော။ ကျေးဇူးတင်သော အမှုအရာနှင့်လျင်မြန်စွာ နားထောင်လိုက်လေသည်။
Subscribe to:
Posts (Atom)
